ເມື່ອບໍ່ດົນມານີ້ ຂະແໜງ ມໍລະດົກໂລກ ວັດພູຈໍາປາສັກ ແລະ ໂຄງການ CHAMPA ໂດຍອົງການ AFD ໄດ້ໃຫ້ການສະໜັບສະໜູນ ສະມາຄົມລະຄອນຕຸກກະຕາ ປະຫຼັດຕື້ ເພື່ອປັບປຸງອຸປະກອນເຄື່ອງສຽງ ແລະ ອຸປະກອນໃນການສະແດງ, ສຳລັບໂຮງລະຄອນໃໝ່ ແມ່ນກຳລັງດຳເນີນການກໍ່ສ້າງ ຢູ່ດ້ານຫຼັງຂອງສູນຂໍ້ມູນຂ່າວສານຫຼັງໃໝ່.
ປັດຈຸບັນ, ສະມາຄົມລະຄອນຕຸກກະຕາປະຫຼັດຕື້ ເມືອງ ຈຳປາສັກ ໄດ້ເລີ່ມກັບມາເປີດການສະແດງຄືນໃໝ່ແລ້ວ ຫຼັງຈາກທີ່ໄດ້ຢຸດເຊົາສະແດງໄປດົນພໍສົມຄວນຈາກການແຜ່ລະບາດຂອງ ພະຍາດ ໂຄວິດ-19. ສະແດງຄວາມຍິນດີນຳສະມາຄົມທີ່ສາມາດຮັກສາມູນມໍລະດົກທີ່ມີຕົວຕົນນີ້ໄວ້.
ທ່ານໃດທີ່ໄປທ່ຽວເມືອງຈຳປາສັກ ແລ້ວຢາກຮັບຊົມລະຄອນຕຸກກະຕາປະຫຼັດຕື້ກໍໄປຊົມກັນໄດ້ ເພາະການສະແດງມີຂຶ້ນທຸກໆ ວັນອັງຄານ-ພຸດ ແລະ ສຸກ-ເສົາ ທີ່ສວນສາທາລະນະ ເມືອງ ຈຳປາສັກ ເລີ່ມແຕ່ເວລາ 20:15 ໂມງເປັນຕົ້ນໄປ ເພື່ອຊ່ວຍສົ່ງເສີມ ແລະ ສະໜັບສະໜຸນມູນມໍລະດົກນີ້ໄວ້ໃຫ້ລູກຫຼານ.
