ຍ້ອນກັບໄປໃນສະໄໝທີ່ຍັງບໍ່ມີບໍລິການສົ່ງອາຫານ ມີອາຊີບເກົ່າໆທີ່ເກືອບຈະຖືກລືມໄປແລ້ວ ຕົວຢ່າງເຊັ່ນ ຂີ່ລົດຂາຍເຂົ້າຈີ່ ບາງຄົນກໍຂີ່ລົດຖີບ ຫຼືລົດຈັກ ອ້ອມໄປແຕ່ລະເຂດແລ້ວແບບແກເພື່ອເອີ້ນໃຫ້ຄົນຮູ້ວ່າ ລົດຂາຍເຂົ້າຈີ່ມາແລ້ວ ເຊິ່ງໃຜທີ່ເຄີຍໄດ້ຍິນຈະຮູ້ວ່າ ສຽງເປັນແບບໃດເພາະມີເອກະລັກຢູ່ທີ່ສຽງ ເຊິ່ງແຕກຕ່າງຈາກສຽງ ລໍ້ກະລິ່ງ ຫຼືສຽງລົດກະແລ້ມ.
ອາຊີບເຫຼົ່ານີ້ອາດເບິ່ງຄືວ່າຫຼ້າສະໄໝໄປແລ້ວສຳລັບປັດຈຸບັນ ແຕ່ມີບົດບາດສຳຄັນ ແລະ ເປັນຄວາມຊົງຈຳໃຫ້ກັບຫຼາຍໆຄົນ ເຖິງວ່າໃນປັດຈຸບັນຈະມີໜ້ອຍລົງໄປແລ້ວກໍຕາມ ແຕ່ບາງເຂດກໍຍັງມີໃຫ້ເຫັນໃນບາງຄັ້ງ ແລະອາຊີບເຫຼົ່ານີ້ຍັງເປັນການເຕືອນໃຈທີ່ດີວ່າ ເຮົາພັດທະນາມາໄກປານໃດ ແລະ ມີການປ່ຽນແປງເກີດຂຶ້ນຫຼາຍໜ້ອຍປານໃດເມື່ອເວລາຜ່ານໄປ.