ເມື່ອບໍ່ດົນມານີ້, ບັນດາເຈົ້າຂອງທຸລະກິດຂະໜາດນ້ອຍ, ກາງ ແລະ ພະນັກງານບໍລິການ ດ້ານຕ່າງໆຂອງໂຮງແຮມ, ເຮືອນພັກ ແລະ ຮ້ານອາຫານອ້ອມຂ້າງ ແຂວງສະຫວັນນະເຂດ ສຳເລັດການເຂົ້າຮ່ວມ ຝຶກອົບຮົມດ້ານການບໍລິການ ເພື່ອຍົກລະດັບ ການບໍລິການໃນຂົງເຂດດັ່ງກ່າວ ໃຫ້ເຂົ້າສູ່ຕະຫລາດແຮງງານ ຂອງຂະແໜງການທ່ອງທ່ຽວ, ການບໍລິການຢູ່ພາກກາງ ແລະ ພາກໃຕ້ຂອງ ສປປ ລາວ.

ຊຸດອົບຮົມຄັ້ງນີ້, ມີສຳມະນາກອນເຂົ້າຮ່ວມ 36 ຄົນ, ຍິງ 15 ຄົນ, ຊຸດອົບຮົມໄດ້ ແຍກເປັນແຕ່ລະຫົວຂໍ້ ຄື: ການບໍລິການອາຫານ, ເຄື່ອງດື່ມ, ການອະນາໄມຫ້ອງພັກ ແລະ ການບໍລິການສ່ວນໜ້າ. ຜ່ານການຝຶກອົບຮົມເຫັນວ່າ ຜູ້ເຂົ້າຮ່ວມໄດ້ເອົາໃຈໃສ່ຝຶກຊ້ອມ ແລະ ປະຕິບັດຢ່າງຈິງຈັງ ແລະ ສາມາດ ຜ່ານການປະເມີນໄດ້ດີສົມຄວນ.

ຊຸດອົບຮົມຄັ້ງນີ້, ຈັດຂຶ້ນໂດຍໄດ້ຮັບການສະໜັບສະໜູນຈາກ ໂຄງການຝຶກອົບຮົມພື້ນຖານແຫ່ງອາຊີບ (PTHAS) ຂອງອົງການສະວິດຄອນແທັກ.

Cr.KPL