ລັດຖະບານລະບຸວ່າປະຈຸບັນບໍ່ໄດ້ຫ້າມເລື່ອງການປູກກ້ວຍໃນລາວແຕ່ກ່ອນປູກຕ້ອງໄດ້ຮັບອະນຸຍາດຈາກລັດຄັກແນ່ແລະຕ້ອງປູກແບບປອດສານພິດເປັນມິດກັບທຳມະ ຊາດເພື່ອບໍ່ໃຫ້ເກີດຜົນກະທົບຕໍ່ສິ່ງແວດລ້ອມລວມທັງຄົນ ແລະສັດທັງນີ້ໄດ້ມອບໃຫ້ແຕ່ລະະທ້ອງຖີ່ນເປັນເຈົ້າການໃນການກວດກາ ແລະ ຄຸ້ມຄອງການນຳໃຊ້ສານເຄມີໃນສວຍກ້ວຍຂອບເຂດທົ່ວປະເທດ.
ໜື່ງໃນຫຼາຍບັນຫາທີ່ຍົກຂຶ້ນມາຫາລືໃນກອງປະຊຸມລັດຖະບານເປີດກ້ວງທີ່ຈັດຂຶ້ນເມື່ອບໍ່ດົນມານີ້ທີ່ຫໍປະຊຸມແຫ່ງຊາດນະຄອນຫຼວງວຽງຈັນ ກໍແມ່ນການກວດກາ ແລະຄຸ້ມຄອງການປູກກ້ວຍໃນລາວໂດຍຜົນກອງປະຊຸມລະບຸວ່າ: ປະຊາຊົນລາວປູກກ້ວຍມາແຕ່ດົນນານລັດຖະບານບໍ່ໄດ້ຫ້າມການປູກກ້ວຍ, ແຕ່ຕ້ອງສົ່ງເສີມການປູກແບບປອດສານພິດ ແລະເປັນມິດກັບທຳມະຊາດເພື່ອເປັນສິນຄ້າສົ່ງອອກຕ່າງປະເທດທັງນີ້ກອງປະຊຸມມອບໃຫ້ເຈົ້າຖິ່ນຕ່າງໆ ເປັນເຈົ້າການໃນການສືບຕໍ່ເອົາໃຈໃສ່ກວດກາ ແລະ ຄຸ້ມຄອງໂຄງການປູກກ້ວຍທີ່ໄດ້ຮັບການອານຸຍາດແລ້ວໃຫ້ຫັນມາປູກແບບປອດສານພິດ, ໃຫ້ນຳມາໃຊ້ຝຸ່ນຫຼືປຸ໋ຍຊີວະພາບພ້ອມບໍ່ໃຫ້ໃຊ້ສານເຄມີທີ່ເປັນອັນຕະ ລາຍໃນກໍລະນີກວດເຫັນການກະທໍາຜິດແມ່ນໃຫ້ຢຸດຕິ ແລະ ແກ້ໄຂບັນຫາຢ່າງທັນການ.
ສຳລັບໂຄງການທີ່ຈະລົງທືນໃໝ່ໃຫ້ປະກອບບົດວິພາກເສດຖະກິດ-ເຕັກນິກຕາມລະບຽບການການລົງທຶນ ແລະລະບຽບການກ່ຽວຂ້ອງຢ່າງເຂັ້ມງວດຄຽງຄູ່ກັນນີ້ກໍ່ໃຫ້ເອົາໃຈໃສ່ສົ່ງເສີມການຜະລິດພືດກະສິກຳອື່ນທີ່ເປັນມິດຕໍ່ສິ່ງແວດລ້ອມເພື່ອເປັນການດຸ່ນດຽນຕາມຄວາມຕ້ອງການຂອງທ້ອງຕະຫຼາດ ແລະ ຕາມທ່າແຮງຂອງແຕ່ລະທ້ອງຖິ່ນ.
ແນວໃດກໍດີຕາມຂໍ້ມູນຈາກລັດເປີດເຜີຍກ່ອນໜ້ານີ້ຮູ້ວ່າ: ການປູກກ້ວຍໃນລາວປະຈຸບັນແມ່ນມີເນື້ອທີ່ປະມານ 15 ພັນເຮັກຕາສ່ວນໃຫຍ່ແມ່ນເປັນການລົງທຶນຂອງຄົນຈີນທີ່ປູກເພື່ອສົ່ງໄປຍັງປະເທດຕົນໃນນັ້ນມີພຽງ 15 ບໍລິສັດເທົ່ານັ້ນທີ່ດຳເນີນການປູກໄດ້ມາດຕະຖານກະສິກຳສະອາດຈຶ່ງໄດ້ກາຍເປັນບັນຫາໃຫ້ແກ່ປະຊາຊົນຜູ້ທີ່ຢູ່ໃກ້ຄຽງໃນຜ່ານມາກໍຄືປະຈຸບັນມີຄວາມເປັນຫ່ວງກ່ຽວກັບສານເຄມີຈາກສວນກ້ວຍເພາະຫຼາຍໂຄງການແມ່ນຄົນຈີນໄປເຊົ່າດິນນຳປະຊາຊົນປູກເລີຍໂດຍບໍ່ໄດ້ຮັບອະນຸຍາ ດຈາກພາກລັດພ້ອມຮຽກຮ້ອງໃຫ້ໜ່ວຍງານທີ່ກ່ຽວຂ້ອງຈົ່ງເອົາຈິງເອົາຈັງໃນການຕິດຕາມກວດກາ ແລະ ຄຸ້ມຄອງການນຳໃຊ້ສານເຄມີທຸກໂຄງການສວນກ້ວຍ.
ແຫຼ່ງຂໍ້ມູນ: ເສດຖະກິດ-ສັງຄົມ
ຂຽນໂດຍ: ຂຸນນໍ້າມຶກ