ທ່ານ ຄຳພົນ ນວນແສງສີ ຫົວໜ້າຄະນະຄຸ້ມຄອງເຂດເສດຖະກິດພິເສດແຂວງຈຳປາສັກ ໄດ້ກ່າວວ່າ: ເຂດເສດ ຖະກິດວັງເຕົ່າ-ໂພນທອງ ແມ່ນເຂດເສດຖະກິດເຂດໜຶ່ງໃນ 5 ເຂດ ຢູ່ແຂວງຈຳປາສັກສ້າງຕັ້ງຂຶ້ນຕາມຂໍ້ຕົກລົງຂອງຮອງປະທານຜູ້ປະຈຳການຄະນະເຂດເສດຖະກິດພິເສດ ໃນປີ 2016 ຊຶ່ງ ມີເນື້ອທີ່ 253 ເຮັກຕາມູນຄ່າການລົງທຶນ 250.000.000 ໂດລາ ຫຼື ປະມານ 2.000 ກວ່າ ຕື້ກີບ ໂດຍການຮ່ວມທຶນພັດທະນາຈາກລັດ 30% ແລະ ບໍລິສັດ 70% ມີອາຍຸສຳປະທານ 99 ປີ ຢູ່ໃນເຂດດັ່ງກ່າວຈະພັດທະນາຫຼາຍຂະແໜງການປະກອບມີຮ້ານຄ້າປອດພາສີ, ສູນການຄ້າ ແລະ ຕະຫຼາດຊາຍແດນ, ອະສັງຫາລິມະຊັບ (ບ້ານຈັດສັນ, ຕຶກອາຄານ ແລະ ທີ່ພັກອາໄສ), ທະນາຄານ-ສະຖາບັນການເງິນ, ລະບົບການທ່ອງທ່ຽວ ແລະ ໂຮງແຮມ, ສູນບໍລິການສາງພັກສິນຄ້າ (ໂລເຈດສະຕິກ), ລະບົບພື້ນຖານໂຄງລ່າງຕ່າງໆ (ບຳບັດນໍ້າເປື້ອນ, ກຳຈັດສິ່ງເສດເຫຼືອ, ໄຟຟ້າ, ນໍ້າປະປາ ແລະ ອື່ນໆ).
ໂຄງການນີ້ແມ່ນໃຊ້ເວລາ ກໍ່ສ້າງ 15 ປີ ແບ່ງອອກເປັນ 3 ໄລຍະ ນັບແຕ່ປີ 2016-2030 ຄື: ໄລຍະທີ 1 ແມ່ນໃຊ້ເວລາ 5 ປີ ເລີ່ມແຕ່ມື້ເຊັນສັນຍາເປັນຕົ້ນໄປ (2016-2020), ປະກອບມີຫຼາຍກິດຈະກຳ ຄື:
ຮົ້ວອ້ອມ ເຂດແດນຂອງເຂດ, ປະຕູໂຂງ ແລະ ທາງເຂົ້າ-ອອກ ຂອງເຂດ ທີ່ໄດ້ມາດຕະຖານດີ, ສຳຫຼວດ ອອກແບບວາງແຜນຜັງກໍ່ສ້າງ ພື້ນຖານໂຄງລ່າງ, ກໍ່ສ້າງລະບົບພື້ນຖານໂຄງລ່າງ ແລະ ສາທາລະນຸປະໂພກ (ບຳບັດນຳ້ເປື້ອນ, ກຳຈັດສິ່ງເສດເຫຼືອ, ໄຟຟ້າໍ້າລປະປາ ແລະ ອື່ນໆ) ຂອງເຂດ, ກໍ່ສ້າງສູນບໍລິການລະບົບສາງພັກສິນຄ້າ ກໍ່ສ້າງສະຖານີຂົນສົ່ງໂດຍສານ ແລະ ສະຖານທີ່ບ່ອນຈອດລົດ ກໍ່ສ້າງອາຄານການຄ້າ ແລະ ຕະຫຼາດຊຸມຊົນ ກໍ່ສ້າງຮ້ານຄ້າຍົກເວັນພາສີ ກໍ່ສ້າງສຳນັກງານຫ້ອງການຂອງໂຄງການໄລຍະທີ 2:
ໄລຍະນີ້ໃຊ້ເວລາ 5 ປີ (2021-2025) ປະກອບດ້ວຍກິດຈະກຳດັ່ງນີ້: ສືບຕໍ່ກໍ່ສ້າງພື້ນຖານໂຄງລ່າງ ແລະ ສາທາລະນຸປະໂພກຂອງເຂດກໍ່ສ້າງ ແລະ ນຳ້ໃຊ້ສູນອາຫານ, ສູນການຄ້າ ອະສັງຫາລິມະຊັບ (ບ້ານຈັດສັນ, ຕຶກອາຄານການຄ້າ ແລະ ທີ່ພັກອາໄສ) ສູນບໍລິການນຳ້ມັນເຊື້ອໄຟທະນາຄານ-ສະຖາບັນການເງິນ ຊຶ່ງຕ້ອງຂໍອະນຸຍາດຈາກ ທະນາຄານ ແຫ່ງ ສປປ ລາວ ຕາມລະບຽບກົດໝາຍທີ່ກ່ຽວຂ້ອງກິດຈະການປະຊຸມ ແລະ ວາງສະແດງ ໄລຍະທີ 3:
ໄລຍະນີ້ໃຊ້ເວລາ 5 ປີ (2026-2030) ປະກອບດ້ວຍກິດຈະການຄື: ເຂດອຸດສາຫະກຳເບົາ ເພື່ອສົ່ງ ອອກ (ອຸດສາຫະກຳປຸງແຕ່ງ, ໂຮງງານປະກອບເຄື່ອງເອເລັກໂຕຣນິກ ແລະ ເຕັກໂນໂລຊີ.
ໂຄງການກໍ່ສ້າງພັດທະນາເຂດເສດຖະກິດວັງເຕົ່າ- ໂພນທອງ ໄດ້ມີຂຶ້ນໃນບໍ່ດົນຜ່ານມານີ້ ທີ່ເມືອງ ໂພນທອງ ແຂວງຈຳປາສັກ ໂດຍການເຂົ້າຮ່ວມຂອງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ຫົວໜ້າຫ້ອງວ່າການສູນກາງພັກ, ທ່ານ ບຸນຖອງ ດີວິໄຊ ເຈົ້າແຂວງໆຈຳປາສັກ, ທ່ານ ອຸດອນ ແກ້ວດວງດີ ປະທານບໍລິສັດດວງດີ ກໍ່ສ້າງຂົວ-ທາງຈຳກັດ ແລະ ເປັນປະທານຮ່ວມທຶນພັດທະນາເຂດເສດຖະກິດວັງເຕົ່າ-ໂພນທອງ ຈຳກັດ.
ຂ່າວ+ພາບ: ສົມຈັນ, ໜັງສືພິມປະຊາຊົນ