ໜ່ວຍງານເກັບກູ້ລະເບີດເພື່ອ ມະນຸດສະທໍາ ກອງທັບປະຊາຊົນ ລາວ ໄດ້ສືບຕໍ່ເຝິກຊ້ອມຮ່ວມພາກ ສະໜາມຢູ່ສະໜາມເຝິກແອບທີ່ສູນຮັກສາສັນຕິພາບສາກົນ ສາທາລະນະລັດ ອິນໂດເນເຊຍ ພາຍຫຼັງມີພິທີເປີດຢ່າງເປັນທາງ ການພາຍໃຕ້ການເປັນປະທານຮ່ວມລະຫວ່າງກອງທັບປະຊາຊົນລາວ ແລະ ກອງທັບລັດເຊຍໃນຂອບກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ມີຄະນະຊີ້ນໍາຮ່ວມ ລາວ-ຣັດເຊຍ ພ້ອມທີມເກັບກູ້ລະເບີດຈາກບັນ ດາປະເທດອາຊຽນ ແລະ ອາ ຊຽນ-ບວກເຂົ້າຮ່ວມ.
ສະຫາຍ ພັນໂທ ພອນແກ້ວ ອໍລະດົມ ຫົວໜ້າການທະຫານກອງກວດກູ້ລະເບີດເພື່ອມະນຸດສະທໍາ ກອງທັບປະຊາຊົນລາວ ໄດ້ໃຫ້ຮູ້ວ່າ:
ພາຍຫຼັງໜ່ວຍງານ ກວດກູ້ລະເບີດເພື່ອມະນຸດສະທໍາ ກອງທັບປະຊາຊົນລາວ ແລະ ກອງທັບຣັດເຊຍໄດ້ຮ່ວມກັນດໍາ ເນີນການກະກຽມສະໜາມເຝິກ ຊ້ອມເປັນທີ່ຮຽບຮ້ອຍໃນມື້ວານ ນີ້, ມື້ນີ້ພວກເຮົາໄດ້ສືບຕໍ່ເຝິກຊ້ອມ ຮ່ວມພາກສະໜາມ ເຊິ່ງໃນມື້ທໍາອິດນີ້ ກອງທັບປະຊາຊົນລາວ ແລະ ກອງທັບຣັດເຊຍ ໃນນາມ ປະທານຮ່ວມກໍໄດ້ນໍາພາແຕ່ລະ ໜ່ວຍງານກວດກູ້ລະເບີດຂອງ ແຕ່ລະປະເທດດໍາການສາທິດ ໃຫ້ຄວາມຮູ້ກ່ຽວກັບການນໍາໃຊ້ ຈັກກວດກູ້ລະເບີດຂອງແຕ່ລະ ຊະນິດຂອງແຕ່ລະປະເທດ ເພື່ອກະກຽມຄວາມພ້ອມໃນການນໍາ ໃຊ້ຈັກເຂົ້າໃນການກວດກູ້ຢູ່ພາກ ສະໜາມຕົວຈິງ.
ເພື່ອໃຫ້ແທດເໝາະກັບສະ ພາບຄວາມເປັນຈິງຂອງພື້ນທີ່ເຝິກຊ້ອມ ແລະ ຖືກຕ້ອງສອດ ຄ່ອງກັບບົດຮຽນທີ່ຈະໄດ້ໄປນໍາ ໃຊ້ຕົວຈິງກໍຄືແຜນການທີ່ຄະນະ ຊີ້ນໍາສອງຝ່າຍລາວ-ຣັດເຊຍ ໄດ້ ກໍານົດໄວ້ນັ້ນສະເພາະສະໜາມ ການເຝິກຊ້ອມແມ່ນໄດ້ແບ່ງອອກ ເປັນ 4 ສະໜາມຄື:
ສະໜາມທີ່ເປັນ ທົ່ງພຽງ, ສະໜາມທີ່ເປັນພູຜາ, ສະໜາມທີ່ເປັນປ່າດົງ, ສະໜາມທີ່ເປັນເຂດເສັ້ນທາງ ແລະ ຂົວ.
ການເຝິກຊ້ອມມື້ທໍາອິດນີ້ ບັນ ດາໜ່ວຍງານວິຊາການກວດກູ້ລະເບີດ ແມ່ນໄດ້ເປັນເອກະພາບ ສູງກ່ຽວກັບເຕັກນິກການນໍາໃຊ້ ເຄື່ອງຈັກກວດກູ້ລະເບີດ ເພາະເຄື່ອງກວດກູ້ລະເບີດຂອງແຕ່ລະ ປະເທດການນໍາໃຊ້ແມ່ນມີຄວາມ ແຕກຕ່າງກັນ ສະນັ້ນມີຄວາມຈໍາ ເປັນຫຼາຍທີ່ບັນດາວິຊາການ ກວດກູ້ລະເບີດຈະໄດ້ທໍາຄວາມ ລຶ້ງເຄີຍ ແລະ ຮຽນຮູ້ເຄື່ອງຈັກ ເພື່ອນໍາໃຊ້ເຂົ້າໃນການເຝິກຊ້ອມກວດກູ້ລະເບີດຢ່າງຖືກວິທີ ແລະ ມີຄວາມປອດໄພສູງສຸດ.
ເຖິງຢ່າງໃດກໍຕາມການຈັດ ຕັ້ງປະຕິບັດການເຝິກຊ້ອມພາກ ສະໜາມມື້ທໍາອິດທີ່ກອງທັບປະ ຊາຊົນລາວ ແລະ ກອງທັບຣັດ ເຊຍ ເປັນປະທານຮ່ວມແມ່ນໄດ້ ດໍາເນີນໄປດ້ວຍບັນຍາກາດແຫ່ງ ໄມຕີຈິດມິດຕະພາບທີ່ດີ ເຊິ່ງສະ ແດງໃຫ້ເຫັນເຖີງຄວາມສາ ມັກ ຄີອັນເປັນພະລັງແຮງຂອງ ໜ່ວຍງານກວດກູ້ລະເບີດຂອງ ກອງທັບອາຊຽນ ແລະ ອາຊຽນ ບວກໃນຂອບຂອງກອງປະຊຸມ ລັດຖະມົນຕີປ້ອງກັນປະເທດອາ ຊຽນໃຫ້ບັນລຸເປົ້າໝາຍທີ່ວາງ ໄວ້.
ແຫຼ່ງຂໍ້ມູນ: ໂດຍ: ຊາຍສົມສັກ ວິໄລສັນ, Lao people’s Army News