ທະນາຄານໂລກ ຮ່ວມກັບ ກະຊວງກະສິກຳ ແລະ ປ່າໄມ້ ໄດ້ຈັດສຳມະນາກ່ຽວກັບຜົນການຄົ້ນຄວ້າ ແລະ ຂໍ້ສະເໜີເພື່ອສ້າງຄວາມເຂັ້ມແຂງຕໍ່ເຫດການໄພພິບັດທາງນທຳມະຊາດ ໂດຍສະເພາະພາຍຸ ແອວນີໂນ(El Nino) ແລະ ລານີນ່າ(La Nina) ເພື່ອຮັບມືກັບໄພພິບັດທາງທໍາມະຊາດທີ່ອາດເກີດຂື້ນ
ໃນກອງປະຊຸມ ທະນາຄານໂລກໄດ້ນຳສະເໜີບົດຄົ້ນຄວ້າການຄຸ້ມຄອງພະຍຸດັ່ງກ່າວທີ່ອາດສົ່ງຜົນກະທົບໃນຂະແໜງກະສິກຳຂອງລາວ ກໍ່ຄື ຜົນກະທົບຕໍ່ການດຳລົງຊີວິດຂອງປະຊາຊົນ ແລະ ຄວາມໝັ້ນຄົງທາງດ້ານເສດຖະກີດ. ໃນນັ້ນທະນາຄານໂລກໄດ້ສະເໜີໃຫ້ ສປປ ລາວ ເອົາໃຈໃສ່ລົງທຶນໃນການກໍ່ສ້າງລະບົບເຕືອນໄພລ່ວງໜ້າ ແລະກະກຽມການສະໜອງແນວພັນທີ່ທົນທານຕໍ່ໄພແຫ້ງແລ້ງ ແລະ ການຂະຫຍາຍໂຄງລ່າງຊົນລະປະທານຂະໜາດນ້ອຍ.