ທ່ານ ນາງ ກັນຍາ ເເກ້ວມະນີ ເລຂາທິການ ສະຫະພັນບານເຕະແຫ່ງຊາວລາວ ໄດ້ຖືກແຕ່ງຕັ້ງຈາກສະຫະພັນບານເຕະນາໆຊາດ ຫລື FIFA ໃຫ້ເປັນຜູ້ຄວບຄຸມການເເຂ່ງຂັນບານໂລກ 2022 ຮອບຄັດເລືອກ ຂົງເຂດອາຊີ ຮອບ 2 ລະຫວ່າງ ທີມຊາດສິງກະໂປ ເປີດສະຫນາມກິລາແຫ່ງຊາດຂອງຕົນ ພົບກັບ ທີມຊາດອຸສເບກິສຖານ ກາຍເປັນຄົນລາວຄົນທໍາອິດ ໄດ້ຮັບຫນ້າທີ່ອັນຊົງກຽດ ແລະ ມີຄວາມຮັບຜິດຊອບສູງເຊັ່ນນີ້.
ທັງນີ້ ທ່ານ ນາງ ກັນຍາ ເເກ້ວມະນີ ເປັນ 1 ໃນຜູ້ຄວບຄຸມການແຂ່ງຂັນ ຫລື Match Commissioner ເພດຍິງ ຈໍານວນ 4 ທ່ານຈາກທະວີບອາຊີ ທີ່ໄດ້ຮັບຄວາມໄວ້ວາງໃຈຈາກ FIFA ໃຫ້ເປັນຜູ້ຄວບຄຸມການແຂ່ງ ຂັນບານໂລກ 2012 ຮອບຄັດເລືອກຄັ້ງນີ້ ເຊິ່ງຖືວ່າເປັນຄັ້ງປະຫວັດສາດທີ່ FIFA ໄດ້ຄັດເລືອກຜູ້ຄວບຄຸມການແຂ່ງຂັນເພດຍິງເປັນຜູ້ບໍລິຫານຈັດການແຂ່ງຂັນບານໂລກຂາຍໃນຂົງເຂດອາຊີ.
ສໍາລັບປະຫວັດການເປັນຜູ້ຄວບຄຸມການເເຂ່ງຂັນ ຫລື Match Commissioner ຂອງ ທ່ານ ນາງ ກັນຊາ ເເກ້ວມະນີ ແມ່ນເລີ່ມຕົ້ນມາຕັ້ງເເຕ່ປີ 2007 ຈົນເຖິງປະຈຸບັນ ເຊິ່ງມີຜົນງານໃນການຄວບຄຸມການ ແຂ່ງຂັນ ທັງບານເຕະຊາຍ ແລະ ຍິງ ບໍ່ວ່າຈະເປັນການຄວບຄຸມການແຂ່ງຂັນບານເຕະລາຍການ AFC Champions League, AFC Cup, AFC Futsql Club Chompionship ນອກນັ້ນຍັງມີ AFC Women’s Asign Cup Fincls, AFC Women’s Futscl Chompshioship, ແລະ ທຸກໆການແຂ່ງຂັນບານເຕະຍິງຮຸ່ນອາຍຸຕ່າງໆຂອງ AFC.
ນອກຈາກນັ້ນ ຍັງໄດ້ຮັບຄັດເລືອກໃຫ້ເປັນຜູ້ຄວບຄຸມການແຂ່ງຂັນບານເຕະຍິງ ທີ່ກິລາເອຊຽນ 3 ສະໄຫມຕິດຕໍ່ກັນຄື ທີ່ກວາງໂຈ່ວ ປະເທດຈີນ ປີ 2010, ອິນຊອນ ສາທາລະນະລັດເກົາຫລີ (ເກົາຫລີໃຕ້) ປີ 2014 ແລະ ຈາກາຕ້າ- ປາເລມບັງ ປະເທດອິນໂດເນເຊຍ ປີ 2018 ຕະຫລອດຮອດການແຂ່ງຂັນ AFF SUZUKI CUP ແລະ ກິລາຊີເກມອີກດ້ວຍ).
ໃນນີ້ 2009 ທ່ານ ນາງ ກັນຍາ ເເກ້ວມະນີ ໄດ້ຮັບການໂຫວດໃຫ້ເປັນຜູ້ຄວບຄຸມການແຂ່ງຂັນດີເດັ່ນຂອງອາຊີໃນນີ້ 2009 ໃນໄວໆນີ້ ທາງ AFC ຈະໄດ້ເເຕ່ງຕັ້ງ ທ່ານ ນາງ ກັນຍາ ເເກ້ວມະນີ ຮັບຫນ້າທີ່ເປ້ນຜູ້ຄວບຄຸມການ ເເຂ່ງຂັນຮອບຊິງຊະນະເລີດ AFC CUP 2013 ຈະເປັນການຊິງແຊ້ມຄັ້ງທີ 16.
ນັບຕັ້ງແຕ່ມີການເເຂ່ງຂັນລາຍການນີ້ຂຶ້ນມາ ໃນມື້ນີ້ຈະເປັນການຣົບການລະຫວ່າງທີມຊະນະເລີດຈາກໂຊນອາຊີຕາເວັນຕົກ ຄືສະໂມ ສອນ AIFAhed ຈາກ ເລບານອນ ພົບກັບ ທີມຊະນະເລີດຈາກອິນເຕີໂຊນ ຄືສະໂມສອນ 25 ເມສາ ຈາກ ສປປ ເກົາຫລີ ເຊິ່ງການແຂ່ງຂັນທີ່ນະຄອນຫຼວງປຽງຢາງ ສປປ ເກົາຫຼີ ໃນວັນທີ່ 2 ພະຈິກ 2019 ນີ້.
ແຫຼ່ງຂໍ້ມູນ: ສະຫະພັນບານເຕະແຫ່ງຊາດລາວ Lao Football Federation