ງານການແຂ່ງຂັນກິລາ ມິດຕະພາບ ແລກປ່ຽນສິລະປະວັນນະຄະດີ ນັກຮຽນຊັ້ນມັດທະຍົມສຶກສາ 5 ແຂວງພາກເໜືອ ແລະ ແຂວງດຽນບຽນ ສສ ຫວຽດພາບ ຄັ້ງທີ 12 ແຂວງບໍ່ແກ້ວ ເປັນເຈົ້າພາບໃນລະຫວ່າງວັນທີ 06-10 ມັງກອນ 2020.
ຜົນການແຂ່ງຂັນກິລາເຕະບານ ໃນວັນທີ 09 ມັງກອນ 2020 ຢູ່ທີ່ສະຫນາມກິລາແຂວງບໍ່ແກ້ວ ແຂວງຫລວງນໍ້າທາ ເອົາຊະນະ ແຂວງອຸດົມໄຊ 3-2 ຈາກໄຊຊະນະດັ່ງກ່າວເຮັດໃຫ້ ຫລວງນໍ້າທາ ລົງສະຫນາມ 2 ນັດ ຊະນະ 2 ມີ 6 ຄະແນນ ເປັນອັນດັບ 1 ກຸ່ມ ບີ ຜ່ານເຂົ້າໄປຊີງຊະນະເລີດ ພົບກັບ ຫລວງພະບາງ ອັນດັບ 1 ກຸ່ມເອ, ສ່ວນອຸດົມໄຊ ແມ່ນຊີງອັນດັບ 3 ເຊິ່ງຈະພົບກັບ ບໍ່ແກ້ວ ເຈົ້າພາບ.
ສຳລັບການແຂ່ງຂັນເຕະບານໃນລາຍການດັ່ງກ່າວນີ້ ແມ່ນມີທີມເຂົ້າຮ່ວມທັງຫມົດ 6 ທີມ ແບ່ງອອກເປັນ 2 ກຸ່ມລະ 3 ທີມ ຄື:
ກຸ່ມເອ: ແຂວງບໍ່ແກ້ວ, ແຂວງດຽນບຽນ ສສ ຫວຽດນາມ ແລະ ແຂວງຫລວງພະບາງ.
ກຸ່ມບີ: ແຂວງຜົ້ງສາລີ, ແຂວງອຸດົມໄຊ ແລະ ແຂວງຫລວງນ້ຳທາ.
ສຳລັບຕາຕະລາງການແຂ່ງຂັນໃນວັນທີ 10 ມັງກອນ 2020 ນັດຊີງ ອັນດັບ 3 ແມ່ນຈະແຂ່ງຂັນ ເວລາ 08:30 ແຂວງບໍ່ແກ້ວ ພົບ ແຂວງອຸດົມໄຊ ສ່ວນຄູ່ຊີງຊະນະເລີດ ຈະແຂ່ງຂັນເວລາ 14:00 ແຂວງຫລວງພະບາງ ພົບ ແຂວງຫລວງນໍ້າທາ ເຊິ່ງທັງ 2 ຄູ່ຈະ ແຂ່ງຂັນຢູ່ທີ່ສະຫນາມກິລາແຂວງບໍ່ແກ້ວ ແຟນບານທາງບໍ່ແກ້ວສາມາດຮັບມາຊົມໄດ້ເຂົ້າຊົມຟຣີ.
ແຫຼ່ງຂໍ້ມູນ: laosusu