ພິທີສະຫຼຸບຜົນສຳເລັດຂອງຄະນະກິລາລາວເຂົ້າຮ່ວມແຂ່ງຂັນກິລາຊີເກມ ຄັ້ງທີ 30 ທີ່ ປະເທດ ຟີລິບປິນ ແລະ ມອບເງິນລາງວັນໃຫ້ແກ່ນັກກິລາລາວ ໂດຍການເປັນປະທານຂອງທາ່ນ ນາງແສງເດືອນ ຫລ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການໂອແລມປິກແຫ່ງຊາດລາວ
ລັດຖະບານມອບເງິນລາງວັນ 1 ຫຼຽນຄຳ, 5 ຫຼຽນເງິນ ແລະ 29 ຫຼຽນທອງ ລວມເປັນ 35 ຫຼຽນ ລວມເງິນສະໜັບສະໜູນທັງໝົດຈາກລັດຖະບານ ຈຳນວນ 652.980.000 ກີບ (ຫົກຮ້ອຍຫ້າສິບສອງລ້ານເກົ້າແສນເກົ້າສິບພັນກີບຖ້ວນ)
ພ້ອມນັ້ນ ຍັງມີບໍລິສັດລາວຄົມມະນາຄົມ ໄດ້ມອບເງິນລາງວັນສຳລັບຫຼຽນຄຳ ຫຼຽນລະ 10 ລ້ານກີບ, ຫຼຽນເງິນ 6 ລ້ານກີບ ແລະ ຫຼຽນທອງ 3 ລ້ານກີບລວມທັງໝົດ ຈຳນວນ 127 ລ້ານກີບ (ໜຶ່ງຮ້ອຍຊາວເຈັດລ້ານກີບ)
ພ້ອມນັ້ນຍັງໄດ້ອຸປະຖຳອິນເຕີເນັດໃຫ້ໃຊ້ກັບນັກກິລາທີ່ໄດ້ຮັບຫຼຽນລາງວັນ ອິນເຕີເນັດຟີ 6 ເດືອນ, ບໍລິສັດເບຍລາວ ມອບເງິນລາງວັນສຳລັບຫຼຽນຄຳ ຫຼຽນລະ 5 ລ້ານກີບ, ຫຼຽນເງິນ 3 ລ້ານກີບ ແລະ ຫຼຽນທອງ 1 ລ້ານກີບ ລວມເປັນເງິນທັງໝົດຈຳນວນ 49 ລ້ານກີບ (ສີ່ສິບເກົ້າລ້ານກີບ) ລວມຈຳນວນເງິນທີ່ຈະມອບໃນພິທີຄັ້ງນີ້ ເປັນຈຳນວນເງິນ 828.980.000 ກີບ (ແປດຮ້ອຍຊາວແປດລ້ານເກົ້າແສນແປດສິບພັນກີບຖ້ວນ).
ແຫຼ່ງຂໍ້ມູນ: Lao su su ລາວ ສູ້ ສູ້