ບໍ່ດົນມານີ້, ຢູທີ່ສູນເລືອດແຂວງອຸດົມໄຊ ນຳໂດຍ, ທ່ານ ສັງທອງ ສັນຕິສຸກ ຫົວໜ້າສູນເລືອດ, ພ້ອມດ້ວຍຄະ ນະ ໄດ້ລົງຮັບບໍລິຈາກເລືອດ ຢູ່ໂຮງຮຽນ ມສ ສັນຕິພາບ, ເປັນກຽດເຂົ້າຮ່ວມໂດຍ, ທ່ານ ນາງ ຈັນມະນີ ສຸທິວົງ ຜູ້ອໍານວຍການໂຮງຮຽນດັ່ງກ່າວ, ພ້ອມດ້ວຍຄູ-ອາຈານ ແລະ ພະສົງສາມະເນນ ເຂົ້າຫລາຍກວ່າ 180 ອົງ.
ໃນໂອກາດດັ່ງກ່າວ, ສະຫາຍ ນິນໄຊ ພົມພູມີ ຜູ້ຕາງໜ້າໜ່ວຍໂຄສະນາສູນເລືອດ ໄດ້ເຜີຍ ແຜ່ໃຫ້ຮູ້ພາລະບົດ ບາດວຽກງານກາແດງ, ຂະບວນການກາແດງສາກົນ ແລະ 7 ຫລັກການພື້ນຖານ ຂອງຂະບວນການກາແດງສາກົນ, ນະໂຍບາຍຂອງສູນເລືອດແຫ່ງຊາດ ກໍຄື ສູນເລືອດແຂວງ ທີ່ມີຄວາມສຳຄັນເພື່ອຊ່ວຍເຫລືອສັງຄົມ ແລະ ມາດຖານເຂື່ອນໄຂຂອງຜູ້ທີ່ຈະບໍລິຈາກເລືອດ.
ທີ່ມາ: facebook.com/421087478095038