ເອັດສຊີຈີ ສານຕໍ່ໂຄງການ “SCG Sharing the Dream” ໃນ ສປປ ລາວ ເປັນປີທີ 7 ມອບທຶນການສືກສາໃຫ້ນ້ອງນັກຮຽນລະດັບມັດທະຍົມປາຍ 300 ທຶນ, ພ້ອມຂະຫຍາຍການມອບທຶນການສຶກສາຕໍ່ໃນລະດັບປະລິນຍາຕີຈົນຈົບການສຶກສາຈຳນວນ 10 ຄົນ ເປັນປີທຳອິດ.
ບໍລິສັດ ເອັດສຊີຈີ ຈັດງານມອບທືນໃຫ້ກັບນັກຮຽນທີ່ຜ່ານການຄັດເລືອກໃຫ້ເຂົ້າໂຄງການ “SCG Sharing the Dream” ເຊິ່ງຖືເປັນໜຶ່ງໃນໂຄງການກິດຈະກໍາເພື່ອສັງຄົມຂອງເອັດສຊີຈີ ທີ່ມຸ່ງສົ່ງເສີມການພັດທະນາສັກກະຍະພາບເຍົາວະຊົນຂອງປະເທດໃນອາຊຽນເພື່ອສ້າງໂອກາດທາງການສຶກສາໃຫ້ເຍົາວະຊົນທີ່ເປັນຄົນເກັ່ງ ແລະ ດີ ມີຄວາມກະຕືລືລົ້ນທີ່ຈະສຶກສາຕໍ່ມີຄວາມກະຕັນຍູ ແຕ່ຂາດເຂີນທຶນຮອນ ໄດ້ພັດທະນາສັກກະຍະພາບຂອງຕົນເພື່ອເປັນອານາຄົດທີ່ດີຂອງຊາດຕໍ່ໄປ.
ໃນປີນີ້ ມີຜູ້ໄດ້ຮັບມອບທຶນການສຶກສາລະດັບມັດທະຍົມຕອນປາຍລວມ 300 ທຶນ ສຳລັບນະຄອນຫຼວງວຽງ ຈັນຈຳນວນ 160 ທຶນ ແລະ ສຳລັບແຂວງ ຄຳມ່ວນຈຳນວນ 140 ທຶນ, ນອກຈາກນີ້ ປີນີ້ເປັນປີທຳອິດທີ່ເອັດສຊີຈີໄດ້ຄັດເລືອກນັກຮຽນທຶນ SCG Sharing the Dream ອີກ 10 ຄົນ ທີ່ເສັງຜ່ານ ແລະກຳລັງສຶກສາຢູ່ໃນລະດັບມະຫາວິທະຍາໄລ ເພື່ອສະຫນັບສະຫນຸນການສຶກສາຈົນຈົບລະດັບປະລິນຍາຕີ ໂດຍພິຈາລະນາຈາກນ້ອງທີ່ມີຄວາມມຸ່ງຫມັ້ນ ໃນການໄຝ່ຫາຄວາມຮູ້ ແລະ ໃຊ້ຄວາມຮູ້ທີ່ມີເປັນໂຕພັກດັນຄວາມສຳເລັດໃນອະນາຄົດ.
ທ່ານ ປະລິນຍາເອກ ນາງ ສີສຸກ ວົງວິຈິດ ຫົວຫນ້າກົມສາມັນສຶກສາ ກະຊວງສຶກສາທິການ ແລະ ກິລາ ກ່າວວ່າ: “ຂ້າພະເຈົ້າຂໍຂອບໃຈທາງ ເອັດສຊີຈີ ທີ່ສະໜັບສະໜຸນໃຫ້ມີໂຄງການດີໆແບບນີ້ ຂໍຂອບໃຈຜູ້ອຳນວຍການໂຮງ ຮຽນ ຄູ ອາຈານ ທີ່ໃສ່ໃຈປະຕິບັດໜ້າທີ່ຂອງຕົນໃຫ້ດີຂື້ນໄປເລື້ອຍໆ ເພື່ອບັນລຸຜົນສຳເລັດໃນການຈັດຕັ້ງປະຕິ ບັດແຜນພັດທະນາການສຶກສາ ໃຫ້ມີການພັດທະນາທີ່ມີຄຸນນະພາບດີຂຶ້ນຕາມນະໂຍບາຍຂອງກະຊວງສຶກສາທິ ການ ແລະ ກິລາ ຕະຫຼອດເຖິງນ້ອງນັກຮຽນໃຫ້ຕັ້ງໃຈຮຽນ ແລະ ເຮັດຄວາມດີຕະຫຼອດໄປ”
ທ່ານ ຊະນະ ພູມີ Vice President, Cement and Construction Business, Cement-Building Materials, SCG ກ່າວວ່າ: “ເອັດສຊີຈີເຊື່ອວ່າປະເທດຊາດຈະເຂັ້ມແຂງໄດ້ກໍ່ຕ້ອງເລີ່ມຈາກ “ຄົນ” ທີ່ມີຄຸນນະພາບເຊິ່ງບໍ່ໄດ້ໝາຍເຖິງແຕ່ຄົນເກັ່ງ ຫຼື ຄົນທີ່ມີຄວາມສາມາດຢ່າງດຽວເທົ່ານັ້ນ ແຕ່ຕ້ອງເປັນຄົນດີນຳ ດີຕໍ່ຄອບຄົວ ຕໍ່ຊຸມຊົນ ຕໍ່ສັງຄົມ ແລະ ຕົນເອງ ສະນັ້ນ ເອັດສຊີຈີ ເຫັນຄວາມສຳຄັນຂອງໄຝ່ຝັນແລະຄວາມມຸ່ງຫມັ້ນ ຢາກເຊີນຊວນໃຫ້ນ້ອງໆທຸກຄົນ ໃນທີ່ນີ້ ຮ່ວມຈຸດປະກາຍຄວາມໄຝ່ຝັນແລະຄວາມມຸ່ງຫມັ້ນສູ່ຄວາມສຳເລັດໃນອະນາຄົດ ແລະ ສະແດງໃຫ້ເຫັນວ່າຄວາມໄຝ່ຝັນຄືພະລັງສຳຄັນທີ່ເປັນຈຸດເລີ່ມຕົ້ນໄປສູ່ການພັດທະນາສັງຄົມ ແລະ ປະເທດຊາດໃຫ້ກ້າວຕໍ່ໄປໃນອະນາຄົດ”.
ໂຄງການທຶນການສຶກສາ “SCG Sharing the Dream” ເປັນໂຄງການຂອງບໍລິສັດເອັດສຊີຈີ ທີ່ເຮັດຂຶ້ນໃນພູມມິພາກອາຊຽນເຊັ່ນ: ສປປ ລາວ, ໄທ, ຫວຽດນາມ, ອິນໂດເນເຊຍ, ຟິລິບປິນ, ກຳປູເຈຍ ແລະ ມຽນ ມາ ໂດຍປັດຈຸບັນໂຄງການໄດ້ມອບທຶນການສຶກສາໃຫ້ນັກຮຽນປີລະຫຼາຍກວ່າ 6,000 ຄົນ ທົ່ວພູມມິພາກອາຊຽນ ເພື່ອຮ່ວມພັດທະນາປະເທດທີ່ເອັດສຊີຈີເຂົ້າໄປດຳເນີນທຸລະກິດ, ສຳລັບ ສປປ ລາວ ເອັດສຊີຈີ ດຳເນີນໂຄງການນີ້ຢ່າງຕໍ່ເນື່ອງຕະຫລອດ 7ປີ.
ການພິຈາລະນາຄັດເລືອກນັກຮຽນເຂົ້າໂຄງການໃນ ສປປ.ລາວ ເອັດສຊີຈີໄດ້ຮັບຄວາມຮ່ວມມືຈາກ ສະມາຄົມຮ່ວມນຳ້ໃຈກັບເດັກນ້ອຍລາວ (Action with Lao Children) ໃນການເປິດຮັບສະໝັກນັກຮຽນມັດ ທະຍົມສຶກສາຊັ້ນມໍ 5-7 ຈາກໂຮງຮຽນລັດຖະບານທົ່ວນະຄອນຫຼວງວຽງຈັນ ແລະ ແຂວງຄຳມ່ວນ ເພື່ອຄັດສັນເຍົາວະຊົນຄົນດີ, ມີຄວາມກະຕັນຍູ ໄຝ່ຮຽນຮູ້ ແລະ ມຸ່ງໝັ້ນສ້າງຝັນດ້ານການສຶກສາ ໂດຍມີຄະນະກຳມະ ການຄັດເລືອກ ເຊິ່ງປະກອບໄປດ້ວຍ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ພະແນກສຶກ ສາທິການແລະກິລາ ແຂວງຄຳມ່ວນ, ຝ່າຍວິຊາການຂະແໜງມັດທະຍົມ, ຫົວໜ້າສູນພັດທະນາການສຶກສາສຳລັບເດັກນ້ອຍ ແລະ ພະນັກງານເອັດສຊີຈີ.
ກ່ຽວກັບ SCG
ເອັດສຊີຈີ ກຸ່ມບໍລິສັດຊັ້ນນຳໃນພູມມິພາກອາຊຽນ ປັດຈຸບັນປະກອບດ້ວຍ 3 ທຸລະກິດຫຼັກໄດ້ແກ່: ເອັດສຊີຈີ ຊີມັງ-ຜະລິດຕະພັນກໍ່ສ້າງ, ເອັດສຊີຈີ ເຄມິຄອລສ໌ ແລະ ເອັດສຊີຈີ ແພັກເກັດຈິ້ງ. ຕະຫຼອດໄລຍະເວລາຫຼາຍກວ່າ 105 ປີ ເອັດສຊີຈີ ໄດ້ດຳເນີນທຸລະກິດຕາມແນວທາງການພັດທະນາຢ່າງຍືນຍົງ ພາຍໃຕ້ຫຼັກບໍລິສັດພິບານທີ່ດີ ມຸ່ງສູ່ຄວາມເປັນຜູ້ນຳໃນອາຊຽນ ແລະ ກຽມພ້ອມສຳລັບການແຂ່ງຂັນໃນລະດັບໂລກ ພັດທະນາໂຕເອງຢ່າງບໍ່ຢຸດຢັ້ງ ໂດຍສ້າງສັນນະວັດຕະກຳເພື່ອສ້າງມູນຄ່າເພີ່ມ ແລະ ຕອບສະໜອງຄວາມຕ້ອງການຂອງຜູ້ບໍລິ ໂພກ, ນອກຈາກນັ້ນ ຍັງມຸ່ງສ້າງຄວາມຈະເລີນກ້າວໜ້າຢ່າງຍືນຍົງໃຫ້ກັບທຸກຊຸມຊົນທີ່ເຂົ້າມາດຳເນີນທຸລະກິດ
ເອັດສຊີຈີ ເລີ່ມດຳເນີນທຸລະກິດໃນ ສປປ ລາວ ຕັ້ງແຕ່ປີ ຄສ 2003 ດໍາເນີນທຸລະກິດພາຍໃຕ້ 4 ບໍລິສັດຄື: Khammouane Cement (KCL), SCG Trading Lao, CPAC Lao, SCG Logistic (Lao) ເພື່ອຜະລິດ ແລະ ຈັດຈຳໜ່າຍປູນຊີມັງ, ສິນຄ້າວັດສະດຸກໍ່ສ້າງ ແລະ ຕົບແຕ່ງເຮືອນຄົບວົງຈອນສຳລັບທຸກຄວາມຕ້ອງການຂອງຜູ້ບໍລິໂພກ ພາຍໃຕ້ຍີ່ຫໍ້ SCG ແລະ COTTO ເປັນຕົ້ນແມ່ນສິນຄ້າກຸ່ມຫຼັງຄາ, ຝາ, ເພດານ, ກະເບື້ອງເຊລາມິກ, ສະນວນກັນຄວາມຮ້ອນ, ສຸຂະພັນ, ກ໊ອກນຳ້ ແລະ ຄອນກຣີດສຳເລັດຮູບ.
