Thursday, July 18, 2024
Lenovo

ເປີດກອງປະຊຸມ​ໃຫ້​ແຫຼ່ງຂໍ້ມູນຂ່າວສານການຕະຫລາດ ແລະ ນະວັດຕະກຳໃໝ່ ​ແກ່​ພາກ​ລັດ​ແລະ​ພາກ​ທຸ​ລະ​ກິດ​ໃນ​ທົ່ວ​ປະ​ເທດ.

ມື້ນີ້, ຢູ່ຫ້ອງປະຊຸມໃຫຍ່ ກະຊວງອຸດສາຫະກໍາ ແລະ ການຄ້າ, ກົມສົ່ງເສີມການຄ້າ ໄດ້ຈັດກອງປະຊຸມ ໃນຫົວ ຂໍ້ ທັກສະການເຂົ້າຫາຂໍ້ມູນຂ່າວສານການຕະ ຫລາດ ແລະ ນະວັດຕະກຳໃໝ່, ໂດຍການເປັນປະທານຂອງ ທ່ານ ພັນທອງ ພິດທຸມມາ ຮອງລັດຖະ ມົນຕີ ກະຊວງອຸດສາຫະກຳ ແລະ ການຄ້າ, ມີນັກວິທະຍາກອນ ຈາກພາກລັດ ແລະ ພາກທຸລະກິດ ໃຫ້ກຽດຂຶ້ນບັນຍາຍ. ໃນກອງປະຊຸມສຳມະນາຄັ້ງນີ້, ມີບັນດາສຳມະນາກອນທີ່ຕາງໜ້າຈາກຂະແໜງ ສົ່ງເສີມການຄ້າ ພະແນກອຸດສາຫະກຳ ແລະ ການຄ້າ 18 ແຂວງທົ່ວປະເທດ ແລະ ບັນ ດາຫົວໜ່ວຍທຸລະກິດພາຍໃນນະຄອນຫລວງວຽງຈັນ ເຂົ້າຮ່ວມ.

ໃນກອງປະປະຊຸມຄັ້ງນີ້, ທ່ານ ພັນທອງ ພິດທຸມມາ ກ່າວວ່າ: ຈຸດປະສົງໃນການຈັດກອງປະຊຸມ ກໍເພື່ອເປັນການສ້າງໃຫ້ພະນັກງານຂອງລັດ ໂດຍສະເພາະຂະແໜງການສົ່ງເສີມການຄ້າ ແລະ ນັກທຸລະກິດລາວ ໄດ້ຍົກລະດັບຄວາມຮູ້, ຄວາມສາມາດ ແລະ ຄວາມເຂົ້າໃຈ ໃນການເຂົ້າເຖິງແຫລ່ງຂໍ້ມູນຂ່າວສານການຕະຫລາດ ແລະ ຮູ້ຈັກນໍາໃຊ້ນະວັດຕະກໍາໃໝ່ ເຂົ້າໃນການພັດທະນາວຽກງານສົ່ງເສີມການຄ້າທັງພາຍໃນ ແລະ ຕ່າງປະ ເທດ ເພື່ອສົ່ງເສີມໃຫ້ນັກທຸລະກິດລາວ ຮູ້ຈັກການຄ້າຜ່ານທາງອິນເຕີເນັດຫລາຍໆທາງ ເພື່ອເພີ້ມຍອດການຜະລິດ ແລະ ຍອດຂາຍຂອງສິນຄ້າລາວ ໃຫ້ສາມາດການສົ່ງອອກຫລາຍຂຶ້ນ, ສາມາດແຂ່ງຂັນກັບບັນດາປະເທດອາຊຽນ ແລະ ພາກພື້ນໄດ້.

ທີ່​ມາ: facebook.com/945635268973587

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.