ປະຈຳວັນ ⠚ 25 ພຶດສະພາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ເຮືອນຈັດສັນ 136 ຫຼັງທີ່ສ້າງໃຫ້ຜູ້ຖືກໂຄງການໄຟຟ້າຫົງສາ ຄາດວ່າຈະສຳເລັດທ້າຍປີ 2021
ການກໍ່ສ້າງເຮືອນ 136 ຫຼັງຢູ່ບ້ານຈັດສັນໃໝ່ ຂອງບ້ານກິ່ວງີ້ວ ເມືອງເງິນ ແຂວງໄຊຍະບູລີ ທີ່ຖືກໂຄງການໄຟຟ້າຫົງສາ ເຊິ່ງຄາດວ່າຈະສຳເລັດ ໃນເດືອນພະຈິກ 2021
ການກໍ່ສ້າງເຮືອນຈັດສັນດັ່ງກ່າວ ແມ່ນໄດ້ປະຕິບັດຕາມໂຄງການດຳເນີນງານກໍຄືຄະ ນະກຳມະການຮັບຜິດຊອບ ຄຸ້ມຄອງໂຄງການຂັ້ນເມືອງ ຊຶ່ງເຮືອນຈໍານວນ 136 ຫຼັງນັ້ນປະກອບມີເຮືອນ 3 ປະເພດ ຄື: ເຮືອນປະເພດ 1 ມີ 10 ຫຼັງ ມູນຄ່າ 203.457 ໂດລາ, ເຮືອນປະເພດ 2 ມີ 6 ຫຼັງ ມູນຄ່າ 122.523 ໂດລາ ແລະ ເຮືອນປະເພດ 3 ມີ 120 ຫຼັງ ມູນຄ່າ 1.941.142 ໂດລາ ລວມມູນຄ່າທັງໝົດ 2.267.123 ໂດລາ…ອ່ານຕໍ່
ເຊກອງ ກໍານົດ 8 ແຜນງານບູລິມະສິດ ພັດທະນາເສດຖະກິດ-ສັງຄົມ
ທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ ໄດ້ກ່າວລາຍງານຕໍ່ກອງປະຊຸມເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ເຊິ່ງໃນນີ້ສູ້ຊົນເກັບລາຍຮັບໃຫ້ໄດ້ 480,78 ຕື້ກີບເພີ່ມຂຶ້ນ 31% ທຽບໃສ່ 5 ປີຜ່ານມາ
ໃນກອງປະຊຸມໄດ້ກຳນົດ 8 ແຜນງານບູລິມະສິດພັດທະນາເສດຖະກິດ-ສັງຄົມ ປະກອບມີ: ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ; ພັດທະນາພື້ນຖານໂຄງລ່າງ, ພັດທະນາຕົວເມືອງ ແລະ ແຜນຜັງເມືອງ; ພັດທະນາກະສິກໍາສະອາດ, ອຸດສາຫະກໍາປຸງແຕ່ງ ແລະ ຊຸກຍູ້ສົ່ງເສີມການຜະລິດ; ພັດທະນາຊັບພະຍາກອນມະນຸດ…ອ່ານຕໍ່