ປະຈຳວັນທີ 18 ມິຖຸນາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ສສ ຫວຽດນາມ ມອບເຄື່ອງຊ່ວຍເຫຼືອທາງການແພດ ໃຫ້ແຂວງສາລະວັນແລະແຂວງເຊກອງ
ແຂວງເທື່ອທຽນເຫວ້ ສສ ຫວຽດນາມ ໄດ້ປະກອບສ່ວນເຄື່ອງຊ່ວຍເຫຼືອ ປະເພດອຸປະກອນການແພດ ໃຫ້ກັບອົງການປົກຄອງແຂວງສາລະວັນ ເຊິ່ງປະກອບມີຄື: ຊຸດແພດ PPE ປະກອບມີ: ໂສ້ງ, ເສື້ອ, ໝວກ, ຜ້າອັດປາກ-ດັງ, ແວ່ນຕາ ແລະຖົງມື ຈຳນວນ 2.000 ຊຸດ, ຜ້າອັດປາກ-ອັດດັງ ຈຳນວນ 2.000 ກັບ, ເຄື່ອງວັດແທດອຸນຫະພູມແບບສຳຜັດ 50 ເຄື່ອງ, ຖົງມືການແພດ 2.000 ຄູ່ ແລະ ນ້ຳຢາລ້າງມືປະເພດແຫ້ງ ຈຳນວນ 2.000 ຂວດ ລວມເປັນມູນຄ່າ 500 ລ້ານດົ້ງ ແລະ ມອບໃຫ້ແຂວງເຊກອງ ລວມມູນຄ່າ 300 ລ້ານດົ້ງ
ພ້ອມທັງໄດ້ຕີລາຄາສູງເຖີງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການມືຮ່ວມມືຮອບດ້ານ ບໍ່ວ່າທາງດ້ານເສດຖະກິດ, ວັດທະນະທໍາ-ສັງຄົມ ລະຫວ່າງ ສປປ ລາວ ແລະ ສສ ຫວຽດນາມ…ອ່ານຕໍ່
ແຂວງສາລະວັນ ຕັ້ງເປົ້າສ້າງມູນຄ່າເພີ່ມ ໃນ 5 ປີຕໍ່ໜ້າໃຫ້ໄດ້ 29,140 ກວ່າຕື້ກີບ
ປີ 2021-2025 ແຂວງສາລະວັນ ໄດ້ວາງຄາດໝາຍການຂະຫຍາຍຕົວເສດຖະກິດສະເລ່ຍ 7% ຕໍ່ປີ, ແລະສ້າງມູນຄ່າເພີ່ມຕາມລາຄາໃນແຕ່ລະປີ ລວມ 5 ປີ ໃຫ້ໄດ້ປະມານ 29,140 ກວ່າຕື້ກີບ, ໃນນັ້ນກະສີກໍາປ່າໄມ້ເພີ່ມຂື້ນສະເລ່ຍ 3,5%, ອຸດສະຫະກຳເພີ່ມຂື້ນໂດຍສະເລ່ຍ 10,1% ແລະການບໍລິການເພີ່ມຂື້ນສະເລ່ຍ 9,4%
ລວມຍອດຜະລິດຕະພັນພາຍໃນສະເລ່ຍຕໍ່ຄົນໃຫ້ໄດ້ 12 ລ້ານກີບຂື້ນໄປ ແລະຄາດຄະເນລາຍຮັບງົບປະມານທັງໝົດ 838 ຕື້ກີບຂື້ນໄປ ກວມເອົາ 3% ຂອງGDP ສະເພາະລາຍຮັບຂອງແຂວງ 555 ຕື້ກີບ, ໃນນັ້ນຮັບຈາກສວຍສາອາກອນ 512 ຕື້ກີບ, ຮັບຈາກການຄຸ້ມຄອງຊັບສິນຂອງລັດ 42 ຕື້ກີບ, ຮັບຈາກຄຸ້ມຄອງວິສາຫະກິດ 1 ຕື້ກີບ ແລະຄາດຄະເນລາຍຈ່າຍທັງໝົດ 2,430 ຕື້ກີບ…ອ່ານຕໍ່
ບ້ານໂຄກສະຫວ່າງ ແລະ ບ້ານໂພນສັງ ເມືອງຍົມມະລາດ ຈະໄດ້ນຳໃຊ້ຂົວແຫ່ງໃໝ່ໃນລະດູແລ້ງທີ່ຈະມາເຖິງນີ້
ເມືອງຍົມມະລາດ ສືບຕໍ່ເອົາໃຈໃສ່ປັບປຸງລະບົບພື້ນຖານໂຄງລ່າງ ໂດຍສະເພາະການສ້ອມແປງ ບັນດາເສັ້ນທາງ ຫຼັກ ທີ່ນອນຢູ່ໃນຄວາມຮັບຜິດຊອບຂອງເມືອງ ເມືອງຍົມມະລາດ ແມ່ນພວມສຸມໃສ່ໃນການປັບປຸງ, ສ້ອມແປງ ບັນດາເສັ້ນທາງ, ຂົວທີ່ມີການເປ່ເພ
ໃນນັ້ນສິ່ງທີ່ພົ້ນເດັ່ນແມ່ນການກໍ່ສ້າງຂົວຂ້າມນໍ້າພີດ ໂດຍມີປະຊາຊົນຈຳນວນ 02 ບ້ານທີ່ຈະໄດ້ຮັບຜົນປະໂຫຍດຄື: ບ້ານໂຄກສະຫວ່າງ ແລະ ບ້ານໂພນສັງ ເຊິ່ງຂົວດັ່ງກ່າວແມ່ນເປັນຂົວປະເພດ ເບຕົ່ງປະສົມໄມ້, ມີຄວາມຍາວ 70 ແມັດ ແລະ ກວ້າງ 3,5 ແມັດ ເຊິ່ງສາມາດຮອງຮັບນ້ຳໜັກໄດ້ປະມານ 06 ໂຕ່ນ…ອ່ານຕໍ່
ເມືອງໂຂງ ແຂວງຈຳປາສັກ ສ້າງຂະບວນການອອກແຮງງານລວມ 6 ຈຸດ
ຂະບວນການອອກແຮງງານລວມພ້ອມກັນທັງໝົດ 6 ຈຸດຄື: ກຸ່ມນາຝັ່ງ, ກຸ່ມຫາດຊາຍຄູນ, ກຸ່ມກະດັນ, ຈຸດກາງໂຂງ, ຈຸດບ້ານເມືອງແສນ ແລະ ຈຸດບ້ານຫົວໂຂງ ເຊິ່ງມີແຮງງານເຂົ້າຮ່ວມຫຼາຍພັນຄົນ
ການອອກແຮງງານລວມຄັ້ງນີ້ ຫຼັງຈາກສຳເລັດແລ້ວກໍຈະໄດ້ມອບໃຫ້ອຳນາດການປົກຄອງແຕ່ລະບ້ານທີ່ຢູ່ໃນເຂດຄວາມຮັບຜິດຊອບຂອງຕົນ ໄດ້ມີການອະນາໄມຕັດສາງກິ່ງງ່າຕົ້ນໄມ້ໃຫ້ເປັນປະຈຳ, ຕໍ່ເນື່ອງ ເພື່ອເຮັດໃຫ້ສອງຂອບທາງເລກທີ 13 ໃຕ້ ກໍຄືເສັ້ນທາງເຂົ້າສູ່ເມືອງໂຂງມີຄວາມສະອາດຈົບງາມ…ອ່ານຕໍ່
ໂຄງການຫຼຸດຜ່ອນຄວາມທຸກຍາກ ມອບເງິນນະໂຍບາຍໃຫ້ແມ່ຍິງຖືພາ ແລະ ມີລູກນ້ອຍອາຍຸບໍ່ເກີນ 2 ປີ
ໂຄງການຫຼຸດຜ່ອນຄວາມທຸກຍາກ ແລະ ຂາດໂພຊະນາການໃນເຂດຊົນນະບົດ ຫລື (ລພຊ) ແຂວງອຸດົມໄຊ ມອບເງິນນະໂຍບາຍ ແກ່ຄອບຄົວທຸກຍາກຂາດເຂີນ ພາຍໃນບ້ານເປົ້າໝາຍຂອງໂຄງການ ຄື: ບ້ານນາຕອງ, ບ້ານກິວລານ, ບ້ານນາຂາມ ແລະບ້ານນ້ຳແຊ ເມືອງນາໝໍ້ ແຂວງອຸດົມໄຊ
ເຊິ່ງມີຈຳນວນ 93 ຄົນ ໄດ້ຮັບເງິນອຸດໜູນແບບມີເງື່ອນໄຂສອງເດືອນທຳອິດ ຜູ້ລະ 360.000 ກີບ ເພື່ອນຳໄປໃຊ້ຈ່າຍຊື້ອາຫານທີ່ມີຄວາມຈໍາເປັນຕໍ່ຮ່າງກາຍໃນໄລຍະຖືພາ ແລະ ມີລູກນ້ອຍ, ເປັນຄ່າເດີນທາງໄປກວດສຸຂະພາບ, ຝາກທ້ອງຕາມສະຖານບໍລິການດ້ານສາທາລະນະສຸກ…ອ່ານຕໍ່