ຖ້າເວົ້າເຖິງໂທລະພາບ (TV) ແລ້ວກໍ່ຈະເປັນສິ່ງໜຶ່ງທີ່ທຸກບ້ານຈະຕ້ອງມີໄວ້ຕິດບ້ານ ເຊິ່ງມີການປ່ຽນແປງໄປຕາມຍຸກຕາມສະໄໝເຊັ່ນ: ໂທລະພາບແບບພາບຂາວດຳ, ແບບຕໍ່ສາຍເຄເບິ້ນ-ຕໍ່ດາວທຽມ ແລະ ແບບ Smart TV
ທັງໝົດນັ້ນແມ່ນການປ່ຽນແປງເພື່ອໃຫ້ເຂົ້າກັບຄວາມກ້າວໜ້າຂອງເຕັກໂນໂລຢີ ເພື່ອຕອບສະໜອງຄວາມຕ້ອງການຂອງຜູ້ຄົນ, ເຊິ່ງປັດຈຸບັນ Samsung ໄດ້ອອກແບບໂທລະທັດລຸ້ນໃຫມ່ Neo QLED ໂທລະທັດສຸດລໍ້າທີ່ຈະມາຕອບສະໜອງຍຸກສະໄໝ ແລະຍັງມີຄວາມຄົມຊັດເຖິງ 8K
Neo QLED ມີລູກຫຼິ້ນ Multi View ສາມາດແຊຮໜ້າຈໍໄດ້ສູງເຖິງ 4 ໜ້າຈໍ ເໝາະສຳລັບຄົນທີ່ມັກເຮັດວຽກຫຼາຍໜ້າຈໍ ແລະ ຍັງສາມາດປ່ຽນໂທລະພາບເປັນຄອມພິວເຕີໄດ້ ພຽງແຕ່ຕໍ່ເມົ້າກັບຄີບອດ ກໍ່ມີຄອມໃຊ້ແລ້ວ ເປີດປະສົບການເຮັດວຽກໃຫມ່ໆ
ໂທລະພາບທຸກມື້ນີ້ ສາມາດເຊື່ອມຕໍ່ກັບອິນເຕີເນັດ ແລະສາມາດເຂົ້າເຖິງຂໍ້ມູນທົ່ວໂລກໄດ້ ຍັງມີຜູ້ຊ່ວຍສຸດລໍ້າທີ່ສັ່ງການດ້ວຍສຽງ Google Assistant ເຊິ່ງຈະຊ່ວຍໃຫ້ຊີວິດປະຈຳວັນສະດວກສະບາຍຂຶ້ນ