“ພາສາຕ່າງປະເທດ” ເປັນສິ່ງທີ່ຖືວ່າສຳຄັນ ແລະຈຳເປັນຫຼາຍໃນປັດຈຸບັນ ໂດຍສະເພາະພາສາອັງກິດເປັນພາສາສາກົນ, ບໍ່ວ່າຈະໃຊ້ໃນການສື່ສານ, ການສະໝັກງານ ຫຼືໃຊ້ໃນການເຮັດວຽກ
ດັ່ງນັ້ນເຮົາຄວນຈະໃຊ້ເວລາວ່າງໃຫ້ເປັນປະໂຫຍດ ໂດຍການຮຽນຮູ້ພາສາຕ່າງໆ ໂດຍສະເພາະພາສາອັງກິດ ເຊິ່ງເຮົາຈະມາແນະນຳແອັບຮຽນພາສາ ທີ່ສາມາດຮຽນຮູ້ແລະໃຊ້ງານຟຣີ
1. LingoDeer
ເປັນແອັບສອນພາສາ ເຊິ່ງມີທັງໃນລະບົບ iOS ແລະ Android ມີພາສາໃຫ້ເລືອກຫຼາກຫຼາຍບໍ່ວ່າຈະເປັນພາສາອັງກິດ, ເກົາຫຼີ, ຍີ່ປຸ່ນ, ຈີນ, ສະເປນ ແລະອື່ນໆ (ເປັນການສອນຜ່ານພາສາອັງກິດ ເຊິ່ງຜູ້ເລີ່ມຕົ້ນສາມາດເຂົ້າໃຈໄດ້ງ່າຍໆ)
ເມື່ອເຮົາເຂົ້າແອັບໄປຈະມີໃເຮົາເລືອກຮຽນພາສາທີ່ຕ້ອງການຮຽນ ເຊິ່ງແອັບຈະຕິດຕາມການຮຽນຂອງເຮົາພ້ອມ ແລະຖ້າຫາກຈະໄປບົດຮຽນຕໍ່ໄປຕ້ອງຮຽນບົດຮຽນເລີ່ມຕົ້ນແລ້ວຈະປົດລ໋ອກບົດຮຽນຕໍ່ໄປໃຫ້ ແລະຍັງມີບົດທົດສອບໃນຕອນຈົບຂອງບົດຮຽນອີກດ້ວຍມີທັງຮູບພາບ ແລະສຽງເອົາໄວ້ຟັງຄຳສັບຕ່າງໆ
2. Duolingo
ເປັນແອັບສອນພາສາທີ່ມີຫຼາກຫຼາຍພາສາ ສາມາດໂຫລດໄດ້ທັງໃນ iOS ແລະ Android ໃນການໃຊ້ງານ ຈະເປັນການເລືອກຮຽນພາສາທີ່ຕ້ອງການຮຽນຮູ້, ເລືອກເວລາຮຽນໃນແຕ່ລະມື້ວ່າເຮົາຈະຮຽນ 5 ນາທີ/ມື້ ຫຼື 20 ນາທີ/ມື້ ແລະຍັງສາມາດເລືອກວ່າ ຈະຮຽນລະດັບເລີ່ມຕົ້ນ ຫຼືຖ້າເຮົາມີຄວາມເຂົ້າໃຈໃນພື້ນຖານຂອງພາສາມາກ່ອນແລ້ວຈະເລືອກຮຽນລັດເລີຍກໍ່ໄດ້
ບົດຮຽນສ່ວນຫຼາຍຈະເປັນການຕອບຄຳຖາມ ເຊິ່ງເປັນການແຊກການສອນພາສາເຂົ້າໄປໃນຕົວ, ຜູ້ຮຽນສາມາດຮຽນຮູ້ພາສາໄດ້ຄົບທັງ 4 ທັກສະເຊັ່ນ: ການຟັງ, ການເວົ້າ, ການຂຽນ ແລະການອ່ານ, ຄຳສັບສ່ວນຫຼາຍໃນແອັບຈະໃຊ້ເປັນແບບພື້ນຖານໃຊ້ໃນຊີວິດປະຈຳວັນເລີຍ, ເຊິ່ງຈະເຮັດໃຫ້ເຂົ້າໄດ້ງ່າຍຂຶ້ນ ຮຽນແລ້ວສາມາດນໍາໃຊ້ໄດ້ເລີຍທັນທີ
3. Brain Out
ເປັນມິນິເກມທີ່ທົດສອບທັງພາສາອັງກິດ ແລະທົດສອບສະໝອງໄປພ້ອມໆກັນ ເປັນເກມແກ້ເບື່ອໃນເວລາວ່າງໄດ້ດີ ສາມາດໂຫລດໄດ້ທັງ iOS ແລະ Android ຄຳຖາມສ່ວນຫຼາຍເປັນພາສາອັງກິດ ມີປິດສະໜາຊັ້ບຊ້ອນຕ່າງໆ ທີ່ຈະເຮັດໃຫ້ເຮົາຕ້ອງໄດ້ໃຊ້ສະໝອງໃນການຄິດຢ່າງລະອຽດ
ຕ້ອງໃຊ້ຄວາມຄິດສ້າງສັນໃນການຫລິ້ນ ແລະເກມນີ້ມີຄວາມພິເສດຄືການຕອບທຳມະດາມັກຈະບໍ່ຜ່ານ ສ່ວນຫຼາຍໃນແຕ່ລະດ່ານຂອງເກມຈະລ໋ອກໄປລ໋ອກມາໃຫ້ສັບສົນ
ຢ່າງໃດກໍ່ຕາມໃນການຮຽນຮູ້ພາສາ ມີສິ່ງໜຶ່ງທີ່ເຮົາຂາດບໍ່ໄດ້ຄື Google Translate ແອັບແປພາສາ ເພື່ອໄວ້ໃຊ້ແປພາສາ ຫຼືຄຳສັບທີ່ເຮົາບໍ່ຮູ້ນົ້ນເອງ