ຂ່າວເດັ່ນ ໜັງສືພິມວຽງຈັນທາຍ

ປະຈຳວັນທີ 19 ພະຈິກ 2021 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:

ຍັງບໍ່ມີເຄື່ອງກວດຫາເຊື້ອພະຍາດໂຄວິດ-19 ແບບໄວຊະນິດໃດທີ່ໃຫ້ຜົນຖືກຕ້ອງ 100%

ມີພໍ່ແມ່ປະຊາຊົນຈໍານວນບໍ່ໜ້ອຍທີ່ພາກັນໄປຊື້ຊຸດເຄື່ອງກວດແບບໄວດ້ວຍຕົນເອງທີ່ໂຄສະນາຂາຍຢູ່ຕາມສື່ສັງຄົມອອນລາຍຕ່າງໆ ຊຶ່ງຊຸດເຄື່ອງກວດດັ່ງກ່າວແມ່ນບໍ່ໄດ້ຍອມຮັບ ແລະ ອະນຸມັດຈາກກະຊວງສາທາລະນະສຸກ

ປັດຈຸບັນຍັງບໍ່ມີເຄື່ອງກວດຍີ່ຫໍ້ໃດທີ່ໃຫ້ຜົນຖືກຕ້ອງ 100% ໝາຍຄວາມວ່າສາມາດໃຫ້ຜົນທີ່ຜິດພາດໄດ້ສູງໂດຍສະເພາະຖ້າຜົນກວດເປັນລົບ, ເຖິງຈະໄດ້ກວດດ້ວຍຊຸດເຄື່ອງກວດແບບໄວມາແລ້ວກໍຕາມ ແຕ່ກໍຍັງມີຄວາມຈໍາເປັນຕ້ອງໄປກວດໃນຈຸດບໍລິການຕື່ມ…ອ່ານຕໍ່

ລັດຖະບານໄທ ເຫັນດີໃຫ້ແຮງງານລາວ, ກໍາປູເຈຍ ແລະ ມຽນມາ ສືບຕໍ່ເຮັດວຽກໃນປະເທດເປັນກໍລະນີພິເສດ

ສະຖານເອກອັກຄະລັດຖະທູດ ສປປລາວ ປະຈໍາຢູ່ນະຄອນຫຼວງບາງກອກ ປະເທດໄທໄດ້ແຈ້ງເຖິງກະຊວງການຕ່າງປະເທດ, ກະຊວງແຮງງານ ແລະ ສະຫວັດດີການສັງຄົມ ເມື່ອມໍ່ໆມານີ້ ກ່ຽວກັບ ລັດຖະບານໄທ ເຫັນດີອະນຸຍາດໃຫ້ແຮງງານຕ່າງປະເທດທັງ 3 ສັນຊາດຄື: ລາວ, ກໍາປູເຈຍ ແລະ ມຽນມາ ທີ່ຍັງບໍ່ໄດ້ກັບຄືນມາປະເທດຕົນສາມາດສືບຕໍ່ຢູ່ເຮັດວຽກໃນປະເທດໄທ

ຕໍ່ກັບນະໂຍບາຍ ແລະ ມາດຕະການຕ່າງໆທີ່ລັດຖະບານໄທ ອອກມານັ້ນ ເປັນວິທີການແກ້ໄຂບັນຫາການຂາດ ແຄນແຮງງານຕ່າງປະເທດ, ໃນປັດຈຸບັນ ຕະຫຼາດແຮງງານຂອງໄທ ຕ້ອງການນຳໃຊ້ແຮງງານຈາກ 3 ສັນຊາດ: ກຳປູເຈຍ, ມຽນມາ ແລະ ລາວ ປະມານ 4 ແສນກວ່າຄົນ ເພື່ອສະໜອງເຂົ້າໃນຫົວໜ່ວຍທຸລະກິດ…ອ່ານຕໍ່

ຜູ້ຕິດເຊື້ອໂຄວິດ-19 ທີ່ຍັງແຂງແຮງດີ ແລະ ບໍ່ມີອາການອາດຈະໄດ້ປິ່ນປົວຢູ່ເຮືອນ

ກະຊວງສາທາລະນະສຸກ ໄດ້ວາງແຜນທິດທາງໃນການປິ່ນປົວຜູ້ຕິດເຊື້ອພະຍາດໂຄວິດ-19 ທີ່ຍັງແຂງແຮງດີ ແລະ ບໍ່ມີອາການຫຍັງ ອາດຈະອະນຸຍາດໃຫ້ປິ່ນປົວຢູ່ເຮືອນໄດ້ ເພື່ອເອົາຕຽງໄວ້ໃຫ້ຜູ້ຕິດເຊື້ອທີ່ມີອາການຮ້າຍແຮງ.

ການອະນຸຍາດໃຫ້ປິ່ນປົວຢູ່ເຮືອນນັ້ນຈະມີທີມງານແພດໝໍສະເພາະເພື່ອເບິ່ງແຍງຜູ້ຕິດເຊື້ອໂດຍຜ່ານການຕິດຕໍ່ທາງໂທລະສັບສາຍດ່ວນ 164 ທີ່ເປັນສາຍດ່ວນສະເພາະ ເພື່ອຕິດຕາມ ແລະ ໃຫ້ຂໍ້ແນະນໍາແກ່ຄົນເຈັບທີ່ປິ່ນປົວຕົນເອງຢູ່ເຮືອນຕາມຄວາມຕ້ອງການ.. ອ່ານຕໍ່