ເນື່ອງໃນໂອກາດ ສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ,
ໃນວັນທີ 18 ມັງກອນ 2019, ທີ່ສະໂມສອນກົມໃຫຍ່ການເມືອງກອງທັບ, ໄດ້ຈັດພິທີປະດັບຫລຽນຄຳແຫ່ງ ຊາດ ໃຫ້ກອງທັບປະຊາຊົນລາວ, ເຊິ່ງເປັນຫລຽນທີ 5 ຂອງກອງທັບ, ພ້ອມທັງປະດັບຫລຽນໄຊປະເພດຕ່າງໆ ໃຫ້ກົມກອງລວມໝູ່ ແລະ ບຸກຄົນ ທີ່ມີຜົນງານດີເດັ່ນໃນ 5 ປີຜ່ານມາ. ເປັນກຽດເຂົ້າຮ່ວມ ແລະ ປະດັບຫລຽນຄຳແຫ່ງຊາດ ໃຫ້ກອງທັບປະຊາຊົນລາວໃນຄັ້ງນີ້, ໂດຍທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ, ມີທ່ານ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີ ກຊວງປ້ອງກັນປະເທດ, ມີການນຳພັກ-ລັດ, ການນຳກະຊວງປ້ອງກັນປະເທດ ແລະ ພະນັການຫລັກແຫລ່ງ ເຂົ້າຮ່ວມ.
Cr.KPL