ຄະນະກຳມະການຈັດງານບຸນອອກພັນສາປະວໍລະນາ ຄ.ສ 2022 ປະຈຳນະຄອນ ຫຼວງພະບາງ ໄດ້ກຳນົດລາຍການເຄື່ອນໄຫວບຸນ ທັງໝົດ 3 ວັນ ຕັ້ງແຕ່ວັນທີ 9-11 ກັນຍາ 2022 ເຊິ່ງແຕ່ລະມື້ຈະມີກິດຈະກຳທີ່ແຕກຕ່າງກັນໄປ ແລະ ໃນຕອນແລງຈະມີການຈັດປະທີບ ຫຼື ໂຄມໄຟ ງາມໆໃຫ້ເບິ່ງຕາມວັດຕະຫຼອດ 3 ວັນຂອງງານບຸນອອກພັນສາ.
ມື້ທຳອິດ ຈະເປັນມື້ຫ້າງກະກຽມບຸນມະຫາຊາດນະມັດສະການພະທາດຈອມສີ ໃນຕອນເຊົ້າຈະມີການກະກຽມປະດັບປະດາຕົບແຕ່ງສະຖານທີ່ ພະທາຈອມສີ ແລະ ໃນຊ່ວຍບ່າຍຈະມີການເຕົ້າໂຮມພຣະສົງ, ສະມາເນນ, ປະຊາຊົນ ເພື່ອເຮຕັດພິທິທາງສາສະໜາ ຄື: ການສູດປະລິຕະມຸງຄຸນ ພະທາດຈອມສີ, ເທດສະຫຼອງອຸປະຄຸດ, ເທດສັງກາດຫຼວງ, ສູດໂພ ແລະ ສູດອິຕິປິໂສ. ພ້ອມນັ້ນ, ໃນຕອນແລງກໍຈະໄດ້ມີການທ່ຽວຊົມການໄຕ້ປະທີບ ຫຼື ໂຄມໄຟ ງາມໆອີກດ້ວຍ.
ມື້ທີ່ສອງຈະເປັນມື້່ບຸນມະຫາຊາດ ນະມັດສະການພະທາດຈອມສີ ປະຊາຊົນຈະໄດ້ິໃສ່ບາດຕາມວັດແຫ່ງຕ່າງໆ ແລະ ເຮັດຳິທີທາງສາສະໜາພະມາດຈອມສີ: ສູດ, ສັກອານິຈາ, ຖະຫວາຍສັງຄະທານ, ແຈກເພນ ແລະ ເທດມະຫາຊາດຕະຫຼອດວັນ
ສຳລັບ ມື້ທີ່ສາມ ເປັນມື້ທີ່ແຕ່ລະບ້ານ, ແຕ່ລະໂຮງຮຽນ, ແຕ່ລະພາກສ່ວນ ຈະພາກັນຕົບແຕ່ງເຮືອໄຟ ເພື່ອ້ຂົ້າປະກວດແຂ່ງຂັນຄວາມງາມກັນ ຢູ່ທີ່ໜ້າຫໍພິທະພັນ (ຕີນພູສີ) ເຊິ່ງພິທີບຸນໄຫຼເຮືອໄຟນີ້ ເພິ່ນຈະໄດ້ຈັດຂະບວນຂະໜາດໃຫຍ່ ແຫ່ໄປຕາເສັ້ນທາງລະຫວ່າງວົງຈົນເຖິງທ່ານໍ້າຂອງວັດຊຽງທອງ ແລະ ເຄື່ອນເຮືອໄຟລົງນໍ້າຕາມລຳດັບ.
