ຖືວ່າມີບັນຫາກັນມາບໍ່ຢຸດ ຕັ້ງແຕ່ທີ່ເປີດໂຕ Windows 11 ມາ ເຊິ່ງນີ້ກໍເປັນອີກບັນຫາໜຶ່ງທີ່ມີຄົນພົບເຫັນຄື ປະສິດທິພາບໃນການຫຼິ້ນເກມຫຼຸດລົງ ເມື່ອທຽບກັບ Windows 10 ແລະ ຫຼ້າສຸດ ທາງ Microsoft ໄດ້ບອກວິທີປັບແຕ່ງ Windows 11 ໃຫ້ຫຼິ້ນເກມໄດ້ມີປະສິດທິພາບຫຼາຍຂຶ້ນ ດ້ວຍການປິດ HVCI ແລະ VMP.
ສຳລັບວິທີທຳອິດແມ່ນປິດ HVCI ຫຼື Hypervisor-protected code integrity ເຊິ່ງເປັນແນວປ້ອງບໍ່ໃຫ້ຜູ້ທີ່ບໍ່ຫວັງດີມລັກຝັງລະຫັດໂຄດໃນອະປຸກອນຂອງເຮົາໄດ້ນັ້ນເອງ ຫຼື ສາມາດປ້ອງກັນ Ransomware ກໍຍັງໄດ້.
ສ່ວນວິທີປິດແມ່ນໃຫ້ກົດ Start ແລ້ວພິມຄົ້ນຫາຄຳວ່າ Core Isolation ໃນ Taskbar ແລ້ວກົດປິດໂຕ Memory Integrity.
ວິທີນີ້ອາດຈະເຮັດໃຫ້ PC ເຮັດວຽກໄວຂຶ້ນ ແຕ່ຕ້ອງແລກກັບການທີ່ກຳແພງປ້ອງກັນຄວາມສ່ຽງ Ransomware ຖືກປິດໄປໜຶ່ງຂັ້ນ.
ສຳລັບວິທີຕໍ່ໄປແມ່ນ ການປິດ VMP ຫຼື Virtual Machine Platform ຟີເຈີໃນການຈໍາລອງ ຫຼື ຊ່ວຍໃນການສ້າງເຄື່ອງຄອມສະເໝືອນ ທີ່ຊ່ວຍເລື່ອງຄວາມປອດໄພໄດ້ ວິທີການສັ່ງປິດແມ່ນ ໃຫ້ກົດ Start ແລ້ວພິມຄົ້ນຫາຄຳວ່າ Windows Features ແລ້ວຄົ້ນຫາຄຳວ່າ Virtual Machine Platform ແລ້ວເອົາໝາຍຕິກອອກ ເພື່ອປິດ.
ເຖິງຢ່າງໃດກໍຕາມ ການປິດທັງສອງຢ່າງນີ້ອາດຈະເຮັດໃຫ້ຫຼິ້ນເກມໄດ້ດີຂຶ້ນ ແຕ່ Microsoft ກໍຍັງແນະນຳໃຫ້ເປີດໄວ້ຫຼັງເລີກຫຼິ້ນເກມ.
ຂໍ້ມູນຈາກ: Microsoft