ປີໃໝ່ລາວປີນີ້ ໃຜທີ່ຕ້ອງການອະນາໄມເຮືອນ ຫຼື ທຳຄວາມສະອາດພຣະພຸດທະຮູບ ຕ້ອງເບິ່ງ! ເພື່ອທີ່ຈະໃຫ້ຖືກກັບຂັ້ນຕອນ ປິເພນີ ແລະ ຄວາມເຊື່ອ ຕ້ອງປະຕິບັດແນວໃດ? ມື້ນີ້ເຮົາຈະມາບອກວິທີໃນການທຳຄວາມສະອາດພະພຸດທະຮູບ ໄປເບິ່ງນໍາກັນເລີຍ.
ເລີ່ມຕົ້ນຈາກການປັດຝຸ່ນທຳຄວາມສະອາດພະພຸດທະຮູບດ້ວຍແປງຂົນນຸ້ມ (ສາມາດຫາຊື້ໄດ້ຈາກຮ້ານວັດສະດຸກໍ່ສ້າງ). ຈາກນັ້ນປັດຝຸ່ນຕາມມຸມຕ່າງໆທີ່ເຂົ້າເຖິງຍາກ ວິທີນີ້ເໝາະສຳລັບພຣະທີ່ປິດທອງ ເພາະຊ່ວຍໃຫ້ທອງບໍ່ຫຼຸດ ຫຼື ຈະໃຊ້ຜ້າ ຫຼື ຟອງນ້ຳໃໝ່ເຊັດທຳຄວາມສະອາດອົງພຣະ. ຫາກມີຂອບຮູບພຣະ ແມ່ນໃຫ້ໃຊ້ຟອງນ້ຳຈຸບນ້ຳບິດໝາດໆ ເຊັດໃຫ້ທົ່ວກໍໄດ້.
ຖ້າມີພະເຄື່ອງຈຳນວນຫຼາຍໃຫ້ເກັບພະເຄື່ອງໄວ້ຢ່າງເປັນລະບຽບ ສ່ວນພະເຄື່ອງທີ່ເກັບໄວ້ດົນ ອາດມີເຊື້ອໂໝກ ຫຼື ຝ້າບາງໆຕາມຊອກຕາມມຸມ.
ສຳລັບການທຳຄວາມສະອາດນັ້ນ ແນະນຳໃຫ້ໃຊ້ເຂົ້າຈີ່ແຜ່ນໂດຍຈີກສະເພາະສ່ວນນຸ້ມໆ ຂອງເຂົ້າຈີ່ແຜ່ນຕົບເບົາໆ ເທິງເນື້ອພະເຄື່ອງ. ເນື້ອເຂົ້າຈີ່ແຜ່ນຈະຊ່ວຍຈັບເຊື້ອໂໝກ ແລະ ຝຸ່ນທີ່ຕິດຢູ່ກັບເນື້ອພະເຄື່ອງ ຫຼື ຈະນຳເຂົ້າຈີ່ແຜ່ນຫໍ່ພະເຄື່ອງໄວ້ ແລ້ວໃຊ້ຜ້າຈຸບນ້ຳໝາດໆ ຫໍ່ເຂົ້າຈີ່ແຜ່ນນັ້ນອີກຊັ້ນໜຶ່ງຖິ້ມໄວ້ 1-2 ຄືນ ກ່ອນຈະນຳພະອອກມາແລ້ວປັດເສດເຂົ້າຈີ່ແຜ່ນອອກ ດ້ວຍແປງ ຫຼື ຄອດຕອນບັດ (ໄມ້ແຍ່ຫູແບບສຳລີ) ກ່ອນຈະນຳໄປຜຶ່ງໃຫ້ແຫ້ງ.