ພາຍຫລັງທີ່ໄດ້ຮັບຂ່າວ ເກີດໄພພິບັດນໍ້າຖ້ວມ ແຂວງ ອັດຕະປື ຢ່າງຮ້າຍແຮງ, ໃນວັນທີ 31 ກໍລະກົດ 2018 ທ່ານ ນາງ ຫງຽນ ຖີຊົນທູ ປະທານສະພາກາແດງ ສສ ຫວຽດນາມ ພ້ອມດ້ວຍຄະນະ, ໄດ້ເດີນທາງມາເຄື່ອນໄຫວເຮັດວຽກ ແລະ ຢ້ຽມຢາມປະຊາຊົນ ເພື່ອຕິດຕາມເບິ່ງສະພາບຊິວິດການເປັນຢູ່ ແລະ ໃຫ້ກຳລັງໃຈແກ່ຜູ້ປະສົບໄພ.
ປະທານສະພາກາແດງ ສສ ຫວຽດນາມ ແລະ ອົງການກາແດງລາວ ໄດ້ເຄື່ອນໄຫວຢ້ຽມ ຢາມປະຊາຊົນ ທີ່ສູນ ມສ ໂຮງຮຽນ ເມືອງສະໜາມໄຊ ແຂວງອັດຕະປື, ໃນໂອກາດລົງຢ້ຽມຢາມຄັ້ງນີ້, ຍັງໄດ້ນໍາເອົາເຄື່ອງ ແລະ ສິ່ງຂອງຈຳເປັນມາຊ່ວຍເຫລືອ ແລະ ມອບໃຫ້ປະຊາຊົນ ປະກອບມີ ເຄື່ອງໃຊ້ໃນເຮືອນ, ເຄື່ອງກອງນ້ຳຂະໜາດໃຫຍ່ ແລະ ນ້ອຍ ມຸ້ງ ແລະ ອື່ນໆ ຈຳນວນໜຶ່ງ ຄິດເປັນມູນຄ່າປະມານ 236.314.900 ດົງ ແລະ ທາງສະພາການແດງຫວຽດນາມ ຍັງຈະສືບຕໍ່ໃຫ້ການຊ່ວຍເຫລືອຕື່ມອີກ.
Cr.http://kpl.gov.la/detail.aspx?id=36676