ເນື່ອງໃນໂອກາດສະເຫລີມສະຫລອງ ວັນສື່ມວນຊົນ ຄົບຮອບ 68 ປີ, ໃນວັນທີ 8 ສິງຫາ 2018, ທີ່ນະຄອນຫລວງວຽງຈັນ, ທ່ານ ປິ່ນປາດຖະໜາ ພັນທະມາລີ ຫົວໜ້າກົມສື່ມວນຊົນ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ສຳພາດຕໍ່ສື່ມວນຊົນວ່າ: ໃນປີ 2018 ສື່ມວນຊົນລາວ ໄດ້ສຸມໃສ່ໂຄສະນາ ຫລາຍເຫດການທີ່ສຳຄັນຂອງຊາດ ເປັນຕົ້ນ
ພ້ອມນີ້, ຍັງໄດ້ໂຄສະນາການສະເຫລີມສະຫລອງ ແຄນເຊື້ອຊາດລາວ ເປັນມໍລະດົກໂລກ, ໂຄສະນາວັນສ້າງຕັ້ງສຳນັກ ຂ່າວສານປະເທດລາວ ຄົບຮອບ 50 ປີ, ໂຄສະນາວຽກງານຈຸດສຸມຂອງລັດຖະບານ, ເຂົ້າຮ່ວມຈັດຕັ້ງ ແລະ ໂຄສະນາ ກອງປະຊຸມສຸດຍອດສື່ມວນຊົນປະເທດແມ່ນ້ຳຂອງ-ແມ່ນ້ຳລ້ານຊ້າງ
ທ່ານ ປິ່ນປາດຖະໜາ ພັນທະມາລີ ໃຫ້ຮູ້ຕື່ມວ່າ: ວຽກງານດ້ານເນື້ອໃນ ແລະ ຮູບການໂຄສະນາຂອງສື່ມວນຊົນ ໄດ້ປັບປຸງເນື້ອໃນ ແລະ ຮູບການຂອງຂ່າວ, ບົດ ແລະ ລາຍການຂອງສື່ສິ່ງພິມ, ສື່ເອເລັກໂຕຣນິກ ແລະ ສື່ແບບໃໝ່ ທີ່ມີຄວາມຖືກຕ້ອງ, ຊັດເຈນ, ເລິກເຊິ່ງ, ແຫລມຄົມ, ຮັບປະກັນນຳເອົາແນວທາງນະໂຍບາຍ, ກົດໝາຍ, ລະບຽບການ, ສາລະໜ້າຮູ້, ການບັນເທີງ, ວຽກດີຄົນເດັ່ນ ລົງສູ່ປະຊາຊົນຢ່າງທົ່ວເຖິງ ແລະ ວ່ອງໄວ, ພ້ອມຮັບປະກັນຄວາມປອດໄພ ດ້ານຂໍ້ມູນຂ່າວສານ ແລະ ປັບປຸງການນຳໃຊ້ພາສາລາວ ໃຫ້ສື່ມວນຊົນ.
Cr. http://kpl.gov.la/detail.aspx?id=37891