ທີ່ໂຮງແຮມລາວພລາຊາ ອົງການປົກຄອງນະຄອນຫຼວງວຽງຈັນ ຕາງໜ້າໂດຍພະແນກແຜນການ-ການລົງທຶນ ນະຄອນຫຼວງວຽງຈັນ ແລະ ບໍລະສັດ ທາງດ່ວນນະຄອນຫຼວງວຽງຈັນ ໝາຍເລກ 1 ຈໍາກັດຜູ້ດຽວ ໄດ້ລົງນາມໃນສັນຍາສໍາປະທານ ໂຄງການທາງດ່ວນນະຄອນຫຼວງວຽງຈັນ ໝາຍເລກ 1.
ໂຄງການດັ່ງການແມ່ນຈະໄດ້ກໍ່ສ້າງທາງດ່ວນ ແຕ່້ຂດເສດຖະກິດສະເພາະ ບຶງທາດຫຼວງ ເມືອງໄຊເຊດຖາ ຫາ ດົງໝາກຄາຍ ເມືອງໄຊທານີ ນະຄອນຫຼວງວຽງຈັນ ເຊິ່ງການໂຄງການໃນຮູບແບບ BOT (ເອກະຊົຮລົງທຶນກ່ອນ).
ສໍາລັບສ້າງທາງບໍລິສັດ ໄດ້ກະກຽມກົນຈັກໜັກ ວິສະວະກອນ ແຮງງານ ແຫຼ່ງວັດສະດຸ ໄວ້ຢ່າງພຽງພໍ ເພື່ອໃຫ້ໂຄງການດັ່ງກ່າວສໍາເລັດພາຍໃນປີ 2021 ຫຼື ສໍາເລັດພາຍໃນ 30 ເດືອນ ນັບແຕ່ມື້ລົງນາມໃນສັນຍາ ເຊິ່ງໂຄງການດັ່ງກ່າວມີໄລຍະສໍາປະທານ 50 ປີ ແລະ ສາມາດຕໍ່ໄດ້ອີກ 20 ປີ.
ການລົງນາມຄັ້ງນີ້ມີຂຶ້ນລະຫວ່າງ ທ່ານ ພູໂຂງ ບັນນະວົງ ພະ ແນກ ແຜນການ ການລົງທຶນ ນະຄອນຫຼວງວຽງຈັນ ແລະ ທ່ານ ພຶດສະພາ ພູມມະສັກ ຜູ້ອໍານວຍການບໍລະສັດ ທາງດ່ວນນະ ຄອນຫຼວງວຽງຈັນ ໝາຍເລກ 1 ຈໍາກັດຜູ້ດຽວ ເປັນກຽດເຂົ້າ ຮ່ວມໃນພິທີຄັ້ງນີ້ມີ ທ່ານ ສິນລະວົງ ຄຸດໄພທູນ ເຈົ້າຄອງນະ ຄອນຫຼວງວຽງຈັນ ມີບັນດາທ່ານລັດຖະມົນຕີ-ຮອງລັດຖະມົນຕີ ກະຊວງກ່ຽວຂ້ອງ ຜູ້ວ່າການທະນາຄານແຫ່ງ ສປປ ລາວ ພ້ອມບັນດາຂະແໜງການ ແລະ ພາກສ່ວນກ່ຽວຂ້ອງ.
ທີ່ມາ: ໜັງສືພິມວຽງຈັນໃໝ່