ປັດຈຸບັນ ຫລາຍທ້ອງຖິ່ນໄດ້ເອົາໃຈໃສ່ຈັດຕັ້ງປະຕິບັດ ມະຕິ X ຂອງພັກຢ່າງຕັ້ງໜ້າ ເຮັດໃຫ້ວຽກງານຂອງແຕ່ລະ ຂະແໜງການ ມີການພັດທະນາສູ່ລວງເລິກ ສົ່ງຜົນເຮັດໃຫ້ຊີວິດການເປັນຢູ່ຂອງປະຊາຊົນ ຮັບການປັບປຸງກ້າວສູ່ ການຫລຸດພົ້ນອອກຈາກຄວາມທຸກຍາກເທື່ອລະກ້າວ.
ດັ່ງພະແນກ ກະສິກຳ ແລະ ປ່າໄມ້ ແຂວງເຊກອງ ໄດ້ເອົາໃສ່ສົ່ງເສີມການຜະລິດເປັນສິນຄ້າຂອງປະຊາຊົນຢ່າງ ກວ້າງຂວາງ ອັນພົ້ນເດັ່ນກວ່າໝູ່ ແມ່ນຂະບວນປູກກາເຟ, ມັນຕົ້ນ, ສາລີ ອາຫານສັດ, ຢາງພາລາ, ໝາກໜອດ, ຜັກກະລ່ຳ, ໝາກມັງກອນ, ກ້ວຍ ແລະ ພືດອື່ນໆ ແມ່ນເພີ່ມຂຶ້ນຫລາຍສົມຄວນ.
ໃນນັ້ນ, ມີພືດບາງຊະນິດ ສາມາດປະຕິບັດໄດ້ລືຶ່ນແຜນການ ກໍ່ເນື່ອງຈາກບັນດາພືດດັ່ງກ່າວ ແມ່ນມີທ່າແຮງທາງດ້ານການຕະຫລາດ; ມີຕະຫລາດຮອງຮັບໃນລາຄາທີ່ຊາວກະສິກອນຍອມຮັບໄດ້ ເຊິ່ງໃນ ປີ 2018 ຜ່ານມາ ການສົ່ງ ອອກຜະລິດຕະພັນກະສິກຳພາຍໃນ ແລະ ຕ່າງປະເທດ ບັນລຸມູນຄ່າ ຫລາຍກວ່າ 13 ລ້ານໂດລາສະຫະລັດ.
ການສົ່ງເສີມ ຜະລິດພືດ ເປັນສິນຄ້າ ໃນປີຜ່ານມາ ທົ່ວແຂວງ ເຊກອງ ມີເນື້ອທີ່ກວ່າ 22 ເຮັກຕາ ເຊິ່ງພົ້ນເດັ່ນ ແມ່ນຂະບວນການປູກກາເຟ ມີກວ່າ 12 ພັນເຮັກຕາ, ມັນຕົ້ນກວ່າ 1,2 ພັນເຮັກຕາ, ໝາກແໜ່ງ ກວ່າ 1 ພັນເຮັກຕາ ແລະ ພືດອື່ນໆຕາມລຳດັບ.
ຂະບວນການຜະລິດດັ່ງກ່າວ ແມ່ນຜະລິດຕະພັນສິນຄ້າກະສິກຳ ທີ່ສົ່ງອອກພາຍໃນ ແລະ ຕ່າງປະເທດ ໂດຍສ່ວນໃຫຍ່ ແມ່ນເປັນຜະລິດຕະພັນຂອງບໍລິສັດທີ່ເຂົ້າມາລົງທຶນພາຍໃນແຂວງ. ດ້ວຍການເອົາໃຈໃສ່ສົ່ງເສີມການປູກ, ການລົງທຶນ ຕ່າງໆຂອງການນຳແຂວງເຊກອງ ຈຶ່ງເຮັດໃຫ້ຫລາຍບ້ານ ມີຄອບຄົວຕົວແບບດ້ານການປູກກາເຟ ເປັນຕົ້ນແມ່ນບ້ານ ດາກຕະ ອອກໃຫຍ່ ແລະ ບ້ານດາກຕຽມ; ຄອບຄົວຕົວແບບການປູກພືດຜັກເປັນ ສິນຄ້າ ຢູ່ບ້ານດາກດິນ ແລະ ດາກຈຶງ; ປູກກາເຟ ປະສົມປະສານໂສມ, ໝາກນັດໃນພື້ນທີ່ ຄ້ອຍຊັນ ຢູ່ບ້ານ ດາກຣັນ ຂອງເມືອງ ດາກຈຶງ.
ນອກຈາກ ຄອບຄົວ ຕົວແບບແລ້ວ, ຍັງໄດ້ສົ່ງເສີມການຜະລິດເຂົ້າເປັນສິນຄ້າຢູ່ກຸ່ມບ້ານໂພນ, ກຸ່ມບ້ານ ດອນຈັນ ລວມມີ 7 ບ້ານ 140 ຄອບຄົວ ເຊິ່ງສາມາດຍົກສະມັດຕະພາບໄດ້ 4,11 ໂຕນ/ເຮັກຕາ; ຄອບຄົວຕົວແບບ ໃນການປູກພືດຜັກເປັນສິນຄ້າພາຍໃຕ້ ມາດຕະຖານກະສິກຳທີ່ດີໜຶ່ງເມືອງໜຶ່ງ ບ້ານຫລັກຂາວ ເມືອງທ່າແຕງ 10 ຄອບຄົວ.
ທີ່ມາ: ຂປລ
ປັດຈຸບັນ ຫລາຍທ້ອງຖິ່ນໄດ້ເອົາໃຈໃສ່ຈັດຕັ້ງປະຕິບັດ ມະຕິ X ຂອງພັກຢ່າງຕັ້ງໜ້າ ເຮັດໃຫ້ວຽກງານຂອງແຕ່ລະ ຂະແໜງການ ມີການພັດທະນາສູ່ລວງເລິກ ສົ່ງຜົນເຮັດໃຫ້ຊີວິດການເປັນຢູ່ຂອງປະຊາຊົນ ຮັບການປັບປຸງກ້າວສູ່ ການຫລຸດພົ້ນອອກຈາກຄວາມທຸກຍາກເທື່ອລະກ້າວ.
ດັ່ງພະແນກ ກະສິກຳ ແລະ ປ່າໄມ້ ແຂວງເຊກອງ ໄດ້ເອົາໃສ່ສົ່ງເສີມການຜະລິດເປັນສິນຄ້າຂອງປະຊາຊົນຢ່າງ ກວ້າງຂວາງ ອັນພົ້ນເດັ່ນກວ່າໝູ່ ແມ່ນຂະບວນປູກກາເຟ, ມັນຕົ້ນ, ສາລີ ອາຫານສັດ, ຢາງພາລາ, ໝາກໜອດ, ຜັກກະລ່ຳ, ໝາກມັງກອນ, ກ້ວຍ ແລະ ພືດອື່ນໆ ແມ່ນເພີ່ມຂຶ້ນຫລາຍສົມຄວນ.
ໃນນັ້ນ, ມີພືດບາງຊະນິດ ສາມາດປະຕິບັດໄດ້ລືຶ່ນແຜນການ ກໍ່ເນື່ອງຈາກບັນດາພືດດັ່ງກ່າວ ແມ່ນມີທ່າແຮງທາງດ້ານການຕະຫລາດ; ມີຕະຫລາດຮອງຮັບໃນລາຄາທີ່ຊາວກະສິກອນຍອມຮັບໄດ້ ເຊິ່ງໃນ ປີ 2018 ຜ່ານມາ ການສົ່ງ ອອກຜະລິດຕະພັນກະສິກຳພາຍໃນ ແລະ ຕ່າງປະເທດ ບັນລຸມູນຄ່າ ຫລາຍກວ່າ 13 ລ້ານໂດລາສະຫະລັດ.
ການສົ່ງເສີມ ຜະລິດພືດ ເປັນສິນຄ້າ ໃນປີຜ່ານມາ ທົ່ວແຂວງ ເຊກອງ ມີເນື້ອທີ່ກວ່າ 22 ເຮັກຕາ ເຊິ່ງພົ້ນເດັ່ນ ແມ່ນຂະບວນການປູກກາເຟ ມີກວ່າ 12 ພັນເຮັກຕາ, ມັນຕົ້ນກວ່າ 1,2 ພັນເຮັກຕາ, ໝາກແໜ່ງ ກວ່າ 1 ພັນເຮັກຕາ ແລະ ພືດອື່ນໆຕາມລຳດັບ.
ຂະບວນການຜະລິດດັ່ງກ່າວ ແມ່ນຜະລິດຕະພັນສິນຄ້າກະສິກຳ ທີ່ສົ່ງອອກພາຍໃນ ແລະ ຕ່າງປະເທດ ໂດຍສ່ວນໃຫຍ່ ແມ່ນເປັນຜະລິດຕະພັນຂອງບໍລິສັດທີ່ເຂົ້າມາລົງທຶນພາຍໃນແຂວງ. ດ້ວຍການເອົາໃຈໃສ່ສົ່ງເສີມການປູກ, ການລົງທຶນ ຕ່າງໆຂອງການນຳແຂວງເຊກອງ ຈຶ່ງເຮັດໃຫ້ຫລາຍບ້ານ ມີຄອບຄົວຕົວແບບດ້ານການປູກກາເຟ ເປັນຕົ້ນແມ່ນບ້ານ ດາກຕະ ອອກໃຫຍ່ ແລະ ບ້ານດາກຕຽມ; ຄອບຄົວຕົວແບບການປູກພືດຜັກເປັນ ສິນຄ້າ ຢູ່ບ້ານດາກດິນ ແລະ ດາກຈຶງ; ປູກກາເຟ ປະສົມປະສານໂສມ, ໝາກນັດໃນພື້ນທີ່ ຄ້ອຍຊັນ ຢູ່ບ້ານ ດາກຣັນ ຂອງເມືອງ ດາກຈຶງ.
ນອກຈາກ ຄອບຄົວ ຕົວແບບແລ້ວ, ຍັງໄດ້ສົ່ງເສີມການຜະລິດເຂົ້າເປັນສິນຄ້າຢູ່ກຸ່ມບ້ານໂພນ, ກຸ່ມບ້ານ ດອນຈັນ ລວມມີ 7 ບ້ານ 140 ຄອບຄົວ ເຊິ່ງສາມາດຍົກສະມັດຕະພາບໄດ້ 4,11 ໂຕນ/ເຮັກຕາ; ຄອບຄົວຕົວແບບ ໃນການປູກພືດຜັກເປັນສິນຄ້າພາຍໃຕ້ ມາດຕະຖານກະສິກຳທີ່ດີໜຶ່ງເມືອງໜຶ່ງ ບ້ານຫລັກຂາວ ເມືອງທ່າແຕງ 10 ຄອບຄົວ.
ທີ່ມາ: ຂປລ
