ທີ່ກະຊວງການເງິນ ໄດ້ຈັດພິທີມອບໃບຍ້ອງຍໍໃຫ້ບັນດາບໍລິສັດ ຜູ້ຮັບເໝົາກໍ່ສ້າງໂດຄງການສາຍສົ່ງ-ສະຖານີ ແລະເຂື່ອນໄຟຟ້າ ທີ່ມີຜົນງານມອບອາກອນກໍາໄລເຂົ້າງົບປະມານແຫ່ງລັດປະຈໍາປີ 2017 ແລະ 2018 ໂດຍພາຍໃຕ້ການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ກະຊວງການເງິນ, ມີທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ, ທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງ ກົມສ່ວຍສາອາກອນ ແລະມີບັນໜ້າຕາງໜ້າຈາກ ບໍລິສັດ ທີ່ກ່ຽວຂ້ອງເຂົ້າຮ່ວມ.
ທ່ານ ພູທະນູເພັດ ໄຊສົມບັດ ກ່າວວ່າ: ການເກັບອາກອນກໍາໄລອັດຕາ 1% ຂອງມູນຄ່າຮັບເໝົາກໍ່ສ້າງໂຄງການສາຍສົ່ງ-ສະຖານີ ແລະເຂື່ອນໄຟຟ້າ ຂອງ ຟຟລ ນີ້ ໄດ້ເລີ່ມແຕ່ຕົ້ນປີ 2017 ໂດຍສົມທົບກັບ ຟຟ ລາວ ແລະຂະແໜງການທີ່ກ່ຽວຂ້ອງ ເພື່ອກໍາເກັບຂໍ້ມູນ ແລະເຊີນບັດດາບໍລິສັດຮັບເໝົາເຂົ້າມາປຶກສາຫາລື ຄວາມເປັນໄປໄດ້ ເພື່ອໃຫ້ການເກັບອາກອນສອດຄ່ອງກັບກົດໝາຍວ່າດ້ວຍສ່ວນສາອາກອນ ແຕ່ເນື່ອງຈາກ ສ່ວນໃຫຍ່ສັນຍາຮັບເມົາກໍ່ສ້າງ (EPC) ຂອງຟຟລ ແມ່ນໄດ້ລະບຸເສຍແຕ່ອາກອນລາຍໄດ້ຈາກເງິນເດືອນ ແລະຍົກເວັ້ນ ອາກອນກໍາໄລ, ອມພ ແລະອາກອນຊົມໃຊ້ ອລະໃນສັນຍາເງິນກູ້ລະຫວ່າງລັດຖະບານລາວ ແລະEXIM ຂອງຈິນລະບຸກວ່າ: ຖ້າຕ້ອງຈ່າຍອາກອນຕ່າງໆ ແມ່ນໃຫ້ເປັນພາລະຂອງຜູ້ກູ້ຢືມ.
ໃນປີ 2017 ຜ່ານມາ ສາມາດຈັດເກັບໄດ້ 25,68 ລ້ານໂດລາ ຂອງ 4 ບໍລິສັດ ຈໍານວນ 9 ໂຄງການ ຕາມມະຕິຕົກລົງຂອງຄະນະປະຈໍາສະພາແຫ່ງຊາດ ເລກທີ 0163/ຄປຈ: ລົງວັນທີ 14 ທັນວາ 2017 ແລະປີ 2018 ໄດ້ສືບຕໍ່ສ່ວນທີ່ເຫຼືອ 38 ໂຄງການ, ຜົນແມ່ນມີ 7 ບໍລິສັດ ຂອງຈໍານວນ 8 ໂຄງການເຫັນດີຈ່າຍອາກອນກຳໄລ ອັດຕາ 1% ເປັນເງິນອາກອນ 11.694.188 ໂດລາ, ຕາມມະຕິຕົກລົງຂອງຄະນະປະຈໍາສະພາແຫ່ງຊາດ ເລກທີ 04/ຄປຈ ລົງວັນທີ 15 ທັງກອນ 2019, ແຕ່ຈ່ຍໂຕຈິງມີ 2 ບໍລິສັດຄື: CHMC ແລະບໍລິສັດ Pinggao ເປັນເງິນ 2.914.000 ໂດລາ ສ່ວນທີ່ເຫຼືອຈະຈ່າຍໃນປີ 2019 ແລະຈໍານວນໜຶ່ງກໍ່ຍັງລໍຖ້າສັນຍາເງິນກູ້ມີຜົນປະຕິບັດກ່ອນ.
ການຍ້ອງຍໍ ຄັ້ງນີ້ມີ 5 ບໍລິສັດກວມເອົາ 12 ໂຄງການຄື: ບໍລິສັດ Sinohydro Bureau 10, Co. Ltd ກໍ່ສ້າງເຂື່ອນໄຟຟ້ານໍ້າອູ 2 ແລະ5 (ມອບໃນປີ 2017), ບໍລິສັດ Sinohydro Corporation, Co. Ltd ກໍ່ສ້າງເຂື່ອນໄຟຟ້ານໍ້າງື່ມ 3, ນໍ້າຄານ 2 ແລະສາຍສົ່ງ 230 ກວ ນໍ້າອູ 5 ແລະ6 (ມອບປີ 2017), ບໍລິສັດ China National Heavy Machinery Corportion (CHMC), ໂຄງການສາຍສົ່ງ 230 ກວ ນາບົງ-ນໍ້າງື່ມ 1 – ຫີນ້ຫີບ, ໂຄງການສາຍສົ່ງ 500 ກວ ສາລະວັນ-ເຊກອງ 2 ແລະໂຄງການເຂື່ອນໄຟຟ້ານໍ້າງື່ມ 4 (ມອບໃນປີ 2017 ແລະ2018), ບໍລິສັດ China International Water& Electric Corp (CWE), ໂຄງການສາຍສົ່ງ 500 ກວ ຊ=ຂວາງ-ນາຊາຍທອງ (ມອບປີ 2017), ບໍລິສັດ Piggao Group international Engineering, Co. Ltd ໂຄງການສາຍສົ່ງ 230 ກວ ເຊຂະໝານ 2-ເຊກອງ 2 ແລະໂຄງການ 115 ກວ ຫ້ວຍຊາຍ-ຕົ້ນເຜິ້ງ (ມອບປີ 2018).
