ອົງການກາແດງລາວ, ຊຶ່ງນຳໂດຍ ທ່ານ ສິງ ເມໂນລາດ ຮອງປະທານອົງການກາແດງລາວ, ພ້ອມດ້ວຍຄະນະ ໄດ້ນຳເອົາເຄື່ອງນຸ່ງຫົ່ມ ແລະ ເຄື່ອງໃຊ້ປະຈຳວັນຈຳນວນໜຶ່ງ ໄປມອບໃຫ້ກົມໃຫຍ່ເຕັກນິກກະຊວງປ້ອງກັນປະເທດ ເພື່ອນຳໄປແຈກຢາຍໃຫ້ອ້າຍນ້ອງທະຫານ ທີ່ກຳລັງປະຕິບັດໜ້າທີ່ປ້ອງກັນຊາດ ຕາມແນວຊາຍແດນ.
ສິ່ງຂອງ ມີເຄື່ອງນຸ່ງຫົ່ມ ແລະ ເຄື່ອໃຊ້ປະຈຳວັນ, ເຊິ່ງມີມູນຄ່າທັງໝົດປະມານ 12 ລ້ານກວ່າກີບ. ມອບໂດຍ ທ່ານ ສີວິໄລ ໄຊຍະລາດ ຮອງຫົວໜ້າກອງຊ່ວຍ ເຫລືອບັນເທົາທຸກອົງການກາແດງລາວ ແລະ ຮັບໂດຍ ທ່ານ ສຸນິກອນ ຣາດສົມບັດ ຫົວໜ້າພະແນກເສນາຮັກ ກົມໃຫຍ່ເຕັກນິກ ກະຊວງປ້ອງກັນປະເທດ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.