ປະທານສະຖານນີຂົນສົງໂດຍ ສານສາຍເໜືອພາຍໃນ ແລະຕ່າງປະ ເທດຊີ້ແຈ້ງກ່ຽວກັບຫາງສຽງສື່ອອນລາຍນຳສະເໜີຂ່າວຈາກສຽງຈົ່ມຂອງຜູ້ ໂດຍສານລົດສາຍເໜືອວ່າ ລົດ 45 ບ່ອນນັ່ງຮັບຄົນ 70-80 ຄົນ ພ້ອມມີ ການປັບຂຶ້ນລາຄາ ເຮັດໃຫ້ສັງຄົມເຂົ້າໃຈຜິດແລ້ວວິພາກວິຈານໄປໃນທາງທີ່ ເສຍຫາຍໃຫ້ກັບສະຖານີ ຊຶ່ງບໍ່ມີມູນ ຄວາມຈິງແຕ່ຢ່າງໃດ.
ທ່ານ ນາງ ຈິດປະສົງ ຫຼວງເດດມີໄຊ ປະທານສະຖານີຂົນສົ່ງລົດໂດຍສານ ສາຍເໜືອພາຍໃນ ແລະຕ່າງປະເທດໃຫ້ ສຳພາດກັບນັກຂ່າວໜັງສືພິມເສດຖະ ກິດ-ສັງຄົມ ເມື່ອບໍ່ດົນມານີ້ວ່າ: ສະຖານີຂົນສົ່ງໂດຍສານສາຍເໜືອພາຍໃນ ແລະຕ່າງປະເທດເປັນໜຶ່ງໜ່ວຍງານ ໃຫ້ບໍລິການປະຊາຊົນທີ່ສະຖານີເນັ້ນ ຫົວໃຈສຳຄັນການບໍລິການ, ຄວາມປອດ ໄພເປັນອັນດັບຕົ້ນໂດຍການເຮັດວຽກ ແມ່ນເປັນລະບົບກ່ອນລົດອອກເດີນທາງ ທຸກຄັ້ງໄດ້ມີການກວດກາລະບົບລົດ, ສະເຟີລົດປະຈຳທາງ 3 ຄົນ ທີ່ສຳຄັນແມ່ນມີໜ່ວຍງານລັດຕິດຕາມທຸກຄັ້ງ ກ່ອນອອກເດີນທາງ.
ສຳລັບກັບກະແສຂ່າວທີ່ເກີດຂຶ້ນໃນສື່ອອນລາຍ ກ່ຽວກັບສຽງຈົ່ມຂອງຜູ້ໂດຍສານລົດຕຽງນອນຈາກສະຖານີໂດຍ ສານສາຍເໜືອວ່າ ລົດ 45 ຄົນ ແຕ່ຮັບ ຜູ້ໂດຍສານເຖິງ 70-80 ຄົນດ້ວຍເພີ່ມຕັ່ງເສີມ ແລະມີການປັບຂຶ້ນລາຄາໃນ ຊ່ວງປີໃໝ່ລາວຜ່ານມາຖືວ່າສ້າງຄວາມ ປັ່ນປວງສັງຄົມ ແລະຢາກໃສ່ຮ້າຍປ້າຍສີ ແກ່ສະຖານີ.
ທ່ານ ນາງ ຈິດປະສົງ ໃຫ້ຮູ້ຕື່ມວ່າ: ຂ່າວດັ່ງກ່າວແມ່ນບໍ່ມີຂໍ້ມູນຄວາມຈິງ ເລື່ອງຕັ່ງເສີມແມ່ນຂຶ້ນກັບຄວາມພໍໃຈ ຂອງຜູ້ໂດຍສານທີ່ມາໃຊ້ບໍລິການບາງ ຄົນອາດມີເຫດຈຳເປັນຕ້ອງກັບດ່ວນທີ່ ຂຶ້ນລົດຢູ່ກາງທາງຖ້າລົດບໍ່ລົດຈອດຮັບ ເອົາກໍປະຈານລົດໃນທາງທີ່ບໍ່ດີຄືດັ່ງ ຜ່ານມາແຕ່ທັງນີ້ລົດທີ່ອອກຈາກສະຖາ ນີແມ່ນບໍ່ໃຫ້ຮັບເກີນຕາມຈຳນວນລົດ ເດັດຂາດເວັ້ນເສຍແຕ່ຜູ້ໂດຍສານຂາກັບມາຈາກຕ່າງແຂວງທີ່ມີປາຍທາງມາ ຈອດສະຖານີເຮົານັ້ນແມ່ນບໍ່ຂຶ້ນກັບຂອບ ເຂດຄວາມຮັບຜິດຊອບຂອງຄີວພວກ ເຮົາ ສ່ວນລາຄາກໍປົກກະຕິບໍ່ມີການປ່ຽນ ແປງ.
ແນວໃດກໍ່ຕາມເພື່ອຫຼີກເວັ້ນບັນຫາດັ່ງກ່າວປະທານສະຖານີຮຽກຮ້ອງຜູ້ໂດຍສານມາຂຶ້ນລົດທີ່ຄີວທຸກຄັ້ງ ແລະ ຫາກລົດຄັນໃດທີ່ເຫັນວ່າຮັບຄົນເກີນ ກໍ່ສາມາດໂທແຈ້ງເຂົ້າມາຫ້ອງການສະ ຖານີຂົນສົ່ງໂດຍສານສາຍເໜືອພາຍໃນ ແລະຕ່າງປະເທດໄດ້ທີ່ເບີໂທລະສັບ 021 612385.
ທີ່ມາ: ຂ່າວ ເສດຖະກິດ- ສັງຄົມ