ມື້ວານນີ້, ໄດ້ຈັດພິທິເປີດໂຮງງານຜະລິດລິບລາວ ເຊິ່ງເປັນໂຮງງານແຫ່ງທໍາອິດ ໃນ ສປປ ລາວ ,ໂຮງງານດັ່ງກ່າວນໍາໃຊ້ເຄື່ອຈັກທັນສະໄຫມຈາກສະຫະພາບເອີຣົບ, ເປັນການລົງທຶນຂອງນັກທຸລະກິດລາວ 100%, ເຂົ້າ ຮ່ວມເປີດງານມີພັນລະຍານາຍົກລັດຖະມົນຕີ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
+ທ່ານ ສີສະຫຼຽວ ສະແຫວງສຶກສາ ອໍານວຍການໂຮງງານກ່າວວ່າ:
ບໍລິສັດ ມີປະສົບການດ້ານນີ້ຢູ່ປະເທດຝຣັ່ງຫຼາຍກວ່າ 30 ປີ, ໃນໄລຍະຜ່ານມາທາງໂຮງງານໄດ້ຜະລິດລີບຕອບສະນອງຄວາມຮຽກຮ້ອງຕ້ອງການຂອງສັງຄົມ ແລະ ໄດ້ຕິດຕັ້ງອາຄານຫຼາຍແຫ່ງຢູ່ ນະຄອນຫຼວງວຽງຈັນ ແລະ ວັງວຽງມາແລ້ວ.
+ໂຮງງານດັ່ງກ່າວ, ຕັ້ງຢູ່ບ້ານໂນນແສງຈັນ ເມືອງໄຊທານີ ນະຄອນວງວຽງຈັນ ສາມດຜະລິດຕົວລິບ ແລະ ສິ້ນສ່ວນຕ່າງໆຂຶ້ນເອງ, ສ່ວນເຄື່ອງຈັກແມ່ນນໍາເຂົ້າຈາກຕ່າງປະເທດ, ສາມາດຜະລິດລິບຕາມຄໍາສັ່ງຂອງລູກຄ້າ, ທາງໂຮງງານມີຄວາມຊໍານວນງານ, ໃນການອອກແບບ, ຕິດຕັ້ງ ແລະ ບໍລິການຫຼັງການຂາຍ.
+ຄາດໝາຍສູ້ຊົນ, ທາງໂຮງງານຈະຜະລິດ ປີ 1 ໃຫ້ໄດ້ 10 ໜ່ວຍ.
ແຫຼ່ງຂໍ້ມູນ: ສຳນັກຂ່າວສານປະເທດລາວ