Arts and Cultures

ວັດວິຊຸນ ຕັ້ງຢູ່ຂອບເຂດຕົວເມືອງຫຼວງພະບາງ ເຊິ່ງສ້າງຂຶ້ນໃນໄລຍະຊຸມປີ 1515 ພໍເມື່ອມາເຖິງຊຸມປີ ຄ.ສ 1800 ບັນດາພວກໂຈນທຸງດຳ ທະຫານຂ້າເສີກ ພາຍໃຕ້ການບັງຄັບບັນຊາຂອງຫໍ້ (ຈີນ) ເຊິ່ງໄດ້ເຂົ້າມາບຸກໂຈມຕີ ຮຸກຮານປຸກລະດົມ ເຮັດໃຫ້ສະຖານທີ່ແຫ່ງນີ້ຖືກທຳລາຍສ່ວນໜຶ່ງ ຈົນມາເຖິງປີ ຄ.ສ 1898 ຈຶ່ງໄດ້ມີການປະຕິສັງຂອນສະຖານທີ່ດັ່ງກ່າວສຳເລັດ ກໍໄດ້ມີການອັນເຊີນພະບາງມາປະດິດສະຖານໃນວັດແຫ່ງນີ້ ສະຖານທີ່ແຫ່ງນີ້ຈຶ່ງກາຍເປັນທີ່ປະທັບຂອງພະບາງ

“ເຜົ່າມົ້ງ” ແມ່ນຊົນເຜົ່າໜຶ່ງ ທີ່ດຳລົງຊີວິດຢູ່ດິນແດນປະເທດລາວເຮົາ ນັບແຕ່ກາງສະຕະວັດທີ 19 ເປັນຕົ້ນມາ ຊົນເຜົ່າມົ້ງ ໄດ້ອົບພະຍົກເຄື່ອນຍ້າຍມາຈາກທິເບດ, ຊີບີລີ, ມົງໂກນ ເຂົ້າສູ່ປະເທດຈີນ ແລະ ຕັ້ງຖິ່ນຖານຢູ່ແມ່ນ້ຳເຫຼືອງ (ຮວງຮາ) ຍ້ອນສົງຄາມ ຈຶ່ງໄດ້ອົບພະຍົກ ແລະ...

ພຣະທາດອີງຮັງ ເປັນສິລະປະ ແລະ ສະຖາປັດຕະຍະກຳ ທີ່ສວຍງາມທັງເປັນປູຊະນິຍິສະຖານທີ່ສຳຄັນແຫ່ງໜຶ່ງຢູ່ ສປປ ລາວ ຕັ້ງ ຢູ່ແຂວງ ສະຫວັນນະເຂດ, ປະມານ 15 ກິໂລແມັດ ລະຫວ່າງເສັ້ນທາງ ສະຫວັນ-ເຊໂນ. ພຣະທາດກວ້າງ ດ້ານລະ 9 ແມັດ ມີລັກສະນະເປັນສີ່ຫຼ່ຽມຫຍໍ້ມູມຄືຫໍຜາສາດ ເປັນພຣະທາດແບບປະສົມວິຫານ ຄືເປັນສະຖານທີ່ປະດິດສະຖານສິ່ງສັກສິດ ເພາະມີປະຕູເຂົ້າອອກໄດ້.

ບຸນສູດຊຳຮະ ແມ່ນບຸນຫນຶ່ງທີ່ຢູ່ໃນ ຮີດ 12 ຂອງລາວ ເຮົາມາແຕ່ ດຶກດຳບັນ. ຜູ້ເຖົ້າບູຮານ ມັກເອົາ ເດືອນ 7 ເປັນການເລີ່ມເຮັດບຸນນີ້ ອາດຈະຈັດ 3 ມື້ 3 ຄືນ ຫຼື ຄືນໜຶ່ງ ຕາມແຕ່ລະບ້ານ ຕົກລົງກັນເຮັດ.

ການນຳແຂວງ ອັດຕະປື ໄດ້ຈັດພິທີ ຫຼໍ່ພຣະພຸດທະຮູບ ທອງເຫຼືອງ ປາງຊະນະມານ 2 ອົງ ຂຶ້ນໃນວັນທີ 25 ມິຖຸນາ 2022 ທີ່ ວັດປ່າລະຍາວໃຕ້, ເມືອງ ສາມັກຄີໄຊ, ແຂວງ ອັດຕະປື, ໂດຍການເຂົ້າຮ່ວມຂອງທ່ານ ເລັດ ໄຊຍະພອນ ເຈົ້າແຂວງອັດຕະປື, ມີຄະນະຝ່າຍສົງ, ອົງການຈັດຕັ້ງທຸກພາກສ່ວນທີ່ກ່ຽວຂ້ອງ ແລະ ພຸດທະສາສະນິກະຊົນຜູ້ມີໃຈບຸນ ໃຈກຸສົນເຂົ້າຮ່ວມ.

ຮູບແຕ້ມ “ທ້າວເວດສຸວັນ” ທີ່ມີຄວາມງົດງາມ ແລະ ປານີດ ເຊິ່ງທ່ານເຫັນຢູ່ນີ້ ເປັນຜົນງານການແຕ້ມ ຂອງໜຸ່ມ ລັດຕິກອນ ອິນທະວົງ (ເປິ້ນ), ໄວ 21 ປີ ຈາກແຂວງ ຄຳມ່ວນ, ນັກສຶກສາປີ 4 ຄະນະຈິດຕະກໍາ, ສະຖາບັນວິຈິດສິນແຫ່ງຊາດ ທີ່ໃຊ້ເວລາໃນການສ້າງສັນຜົນງານດັ່ງກ່າວດົນເຖິງ 58 ມື້ ຕັ້ງແຕ່ວັນທີ 25 ມີນາ ຫາ ວັນທີ 17 ພຶດສະພາ 2022 (ເກືອບ 2 ເດືອນ).

ບ້ານ ພຽງງາມ ເປັນອີກບ້ານໜຶ່ງຢູ່ແຂວງ ຫຼວງນ້ຳທາ ທີ່ໄດ້ຮັບການພັດທະນາເປັນ ສູນຫັດຖະກຳຂອງເຜົ່າໄຕແດງ ໂດຍໄດ້ຮັບທຶນສະໜັບສະໜູນຂອງ ລັດຖະບານນິວຊີແລນ  (NZ ), ເຊິ່ງມີຫ້ອງສາທິດຕ່ຳຫູກສຳລັບຮຽນຮູ້ດ້ານການຕ່ຳຫູກ, ການຍ້ອມສີຜ້າແພ, ມີຮ້ານອາຫານ ແລະ ທີ່ພັກ ( Ecolodge ) ສຳລັບນັກທ່ອງທ່ຽວ, ມີຈຸດຊົມວິວ. ເຊິ່ງໄດ້ເປີດໃຫ້ບໍລິການໃນປີ 2019, ສະຖານທີ່ແຫ່ງນີ້ເໝາະສົມແກ່ນັກທ່ອງທ່ຽວທີ່ມີຄວາມສົນໃຈຮຽນຮູ້ວິຖີການດຳລົງຊີວິດຊົນເຜົ່າ ແລະ ພັກຜ່ອນກັບບັນຍາກາດທີ່ຫງຽບສະຫງົບ.

“ຈະພັດທະນາຄົນອື່ນໄດ້ ຕ້ອງພັດທະນາໂຕເອງກ່ອນ” ນີ້ແມ່ນຄຳເວົ້າຂອງ ພຣະອາຈານ ປອ. ດາວສະເດັດ ເລີດມະນີ, ເຈົ້າອະທິການ ວັດໃໝ່ໂຊກຄຳ, ເມືອງ ໄຊເສດຖາ, ນະຄອນຫຼວງວຽງຈັນ.