Education & Sports

ແຂວງສາລະວັນ ພ້ອມແລ້ວທີ່ຈະເປັນເຈົ້າພາບທີ່ດີ ໃນການຈັດງານມະຫາກໍາແຂ່ງຂັນກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ລະຫວ່າງວັນທີ 13-22 ທັນວາ 2024 ແລະ ໄດ້ກໍານົດໃຫ້ມີການຊີງໄຊທັງໝົດ 134 ລາຍການ, ໃນນັ້ນ ມີ 396 ຫຼຽນຄຳ, 396 ຫຼຽນເງິນ ແລະ 526 ຫຼຽນທອງ, ລວມທັງໝົດ 1.318 ຫຼຽນ ພ້ອມທັງກຳນົດເອົາ ຫໍໄຕ ເປັນໂລໂກ ແລະ ໂຕຊ້າງ ເປັນສັດນຳໂຊກ.

ໃນລະຫວ່າງວັນທີ 16-20 ພຶດສະພາ 2024 ນີ້ ສປປ ລາວ ກຽມເປັນເຈົ້າພາບຈັດການແຂ່ງຂັນ ກິລາເພາະກາຍ ຊີງແຊັມອາຊຽນ ຄັ້ງທີ 18, ທ່ານ ຄໍາພະໄພວັນ ວົງໄຊ, ຮອງປະທານ-ເລຂາທິການ ສະຫະພັນກີລາເພາະກາຍແຫ່ງຊາດລາວ ກ່າວວ່າ:ການຈັດແຂ່ງຂັນເພາະກາຍຊີງແຊັມອາຊຽນ ຄັ້ງທີ 18 ນີ້ ເພື່ອເປັນການເພີ່ມທະວີການຍົກລະດັບ ແລະ ພັດທະນານັກກີລາເພາະກາຍທີມຊາດລາວ ເພື່ອເປັນການກະຕຸ້ນການທ່ອງທ່ຽວລາວ ປີ 2024 ແລະ ເພີ່ມທະວີການປະຊາສໍາພັນການທ່ອງທ່ຽວລາວຍິ່ງຂຶ້ນ ນອກຈາກນີ້ ຍັງເປັນການສ້າງຂະບວນການແຂ່ງຂັນກີລາໃນອາຊຽນ ແລະ ຄໍານັບຮັບຕ້ອນກອງປະຊຸມສຸດຍອດອາຊຽນ ປີ 2024 ທີ່ ສປປລາວ ເປັນເຈົ້າພາບ ພ້ອມທັງເປັນການນໍາລ້ອງຕໍ່ການສະເໜີເປັນເຈົ້າພາບ ຈັດການແຂ່ງຂັນເພາະກາຍຊີງແຊັມທະວີບອາຊີ ແລະ ຊີງແຊັມໂລກ ໃນ 4 ປີຕໍ່ໜ້າ.

ໃນການແຂ່ງຂັນລອຍນໍ້າຊິງແຊ້ມລະດັບໂຮງຮຽນອາຊີ (Asian Open Schools Invitation Aquatics Championship) ທີ່ນະຄອນຫລວງບາງກອກ ປະເທດໄທ 2 ອ້າຍນ້ອງ ວິນເນີ້ ແລະ ວິນນີ້ ນັກກິລາລອຍນໍ້າເຍົາວະຊົນລາວ ສາມາດຄວ້າໄດ້ 3 ຫຼຽນເງິນ 4 ຫຼຽນທອງ ໂດຍມີນັກກິລາ 900 ກວ່າຄົນ ຈາກ 14 ປະເທດເຂົ້າຮ່ວມ.

ທີ່ຫ້ອງວ່າການ ນະຄອນຫຼວງວຽງຈັນ, ຄະນະນັກກິລາ W.I.G NAGA ຮຸ່ນອາຍຸບໍ່ເກີນ 11 ປີ ໄດ້ນໍາຂັນແຊ້ມລາຍການ Qionghai Guantang College Town-Flyin Cup 2024 ແລະ ຂັນແຊັມລາຍການ TAR ຮອບຄັດເລືອກ ເຂົ້າຢ້ຽມຂໍ່ານັບ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ, ໂອກາດດັ່ງກ່າວ ຮອງເຈົ້າຄອງນະຄອນຫລວງ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ຂອງ W.I.G NAGA ເຊິ່ງເປັນປະຫວັດສາດ ແລະ ຜົນງານອັນໃໝ່ໃຫ້ວົງການບານເຕະລາວ ໂດຍສະເພາະນະຄອນຫລວງວຽງຈັນ ພ້ອມໂອ້ລົມໃຫ້ທິດຊີ້ນໍາ ໃຫ້ສືບຕໍ່ຝຶກຝົນຫຼໍ່ຫຼອມ ແລະ ພັດທະນາຕົນເອງຢ່າງບໍ່ຢຸດຢັ້ງ ເພື່ອຮັກສາມູນເຊື້ອ ແລະ ຍາດແຍ່ງເອົາຜົນງານອັນໃໝ່.

W.I.G NAGA ທີມບານເຕະເຍົາວະຊົນລາວ ໄດ້ຄວ້າແຊັມລາຍການທີ່ ສປ ຈີນ W.I.G NAGA U11 ທີມບານເຕະເຍົາວະຊົນລາວ ລົງສະໜາມ 9 ນັດຖະຫຼົ່ມທີມ HI KICKER ເມື່ອວັນທີ 1 ກຸມພາ 2024 ເກັບເພີ່ມ 25 ຄະແນນຈາກ 9 ນັດ ຊະນະ 8 ແລະ ສະເໝີ 1 ລາຍການ Qinghai Guantang College Town-Flyin Cup ທີ່ນະຄອນສິງຫາຍ ແຂວງຫາຍໝານ ສປ ຈີນ ເຮັດໃຫ້ຄວ້າແຊັມໄປຄອງ ໂດຍມີຄະແນນເທົ່າກັບ Shanghai Yangpu ທີມແຊ້ມຈາກຊຽງໄຮ ແຕ່ຜົນປະຕູໄດ້ເສຍທີມຈາກລາວດີກວ່າ.

ໃນເວລາທີ່ພວກເຮົາຮຽນຮູ້ພາສາແມ່ຂອງພວກເຮົາ ເຮົາເລີ່ມຕົ້ນດ້ວຍການຟັງ ແລ້ວຈຶ່ງເວົ້າ, ຈາກນັ້ນຈຶ່ງອ່ານ ແລະ ສຸດທ້າຍຈຶ່ງຂຽນ, ການຟັງ ເວົ້າ ອ່ານ ແລະ ຂຽນ ແມ່ນທັກສະ 4 ຢ່າງທີ່ເຮົາຕ້ອງພັດທະນາເພື່ອຈະສື່ສານໄດ້ຢ່າງຄົບຖ້ວນ. ການຟັງ ແລະ ການອ່ານແມ່ນທັກສະການຮັບສານ ຄືການຮັບຂໍ້ມູນກ່ຽວກັບພາສາທີ່ໃຊ້ໃນຊີວິດຈິງເຂົ້າມາ ສ່ວນການເວົ້າ ແລະ ການຂຽນແມ່ນທັກສະສໍາລັບການສົ່ງສານ ຄືການຜະລິດພາສາອອກໄປເປັນໜຶ່ງໃນຂະບວນການຂອງການຮຽນຮູ້ພາສາທີສອງ.

ດ້ວຍວິຖີຊີວິດທີ່ເຮົາຕ້ອງນັ່ງເຮັດວຽກເປັນປະຈຳ ການເບິ່ງແຍງສຸຂະພາບດ້ວຍການອອກກຳລັງກາຍເປັນປະຈຳຈຶ່ງມີຄວາມສຳຄັນຫຼາຍກວ່າທີ່ຄິດ ຫາກຢູ່ແຕ່ບ້ານແລະບໍ່ມັກອອກກຳລັງກາຍອາດຈະເປັນບັນຫາໄດ້ ສະນັ້ນ ການອອກກຳລັງກາຍແບບເຕັ້ນແອໂລບິກ ຫຼືການແລ່ນເປັນປະຈຳຈຶ່ງມີປະໂຫຍດຫຼາຍໃນປັດຈຸບັນ ເນື່ອງຈາກສາມາດຊ່ວຍຈັດການກັບຄວາມຄຽດ ຄວາມກັງວົນ ພາວະຊຶມເສົ້າ ແລະຍັງເພີ່ມຄຸນນະພາບໃນການນອນຫຼັບໄດ້ອີກດ້ວຍ.

ທີມວຽງຈັນ ເອັບທີ ແມ້ນຈຸດໂທດດັບຝັນ ມາສດ້າ ລາວ ຈີບີ ເອັບຊີ 3-1 ປະຕູ ຫຼັງໃນເກມ ສະເໝີກັນ 1-1 ປະຕູ ຄວ້າແຊ໋ມການແຂ່ງຂັນເຕະບານເຍົາວະຊົນຮຸ່ນອາຍຸບໍ່ເກີນ 13 ປີ ຊີງຂັນປະທານສະໂມສອນ ອາຄາເດມີ້ ວຽງຈັນ ເອັບທີ ຫຼື ຢູ-13 ລາຍການ ວຽງຈັນ ເອັບທີ ຄັບ 2024 (U-13 VINETIANE FT CUP 2024) ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ປີ ແລະ ສົ່ງເສີມເຍົາວະຊົນລາວ ກໍຄື ນະຄອນຫຼວງວຽງຈັນ ໄດ້ມີການເຄື່ອນໄຫວຢ່າງຕໍ່ເນື່ອງເພື່ອພັດທະນາຕົນເອງກ້າວສູ່ລະດັບຊາດ ໄປຄອງ ແລະ ກໍເປັນແຊ໋ມລາຍການທີ 2 ຊຶ່ງເມື່ອບໍ່ດົນມານີ້ ກໍຍັງສາມາດຄອງແຊ໋ມລາຍການ ເຄເອັມທີ ຄັບ 2023 ຈັດຂຶ້ນໃນຕົ້ນເດືອນມັງກອນ 2024 ນີ້.