News

ເຈົ້າໜ້າທີ່ ກອງບັນຊາການ ປກສ ແຂວງ ຫຼວງພະບາງ ສາມາດລົງຍຶດຢາໄອສ໌, ໂຄເຄນ ແລະ ເຮໂຣອິນ ລວມຈໍານວນ 67 ເປົາ ນໍ້າໜັກ 2.175 ກິໂລກຣາມ ພ້ອມກັກຕົວຜູ້ຖືກຫາໄດ້ທັງໝົດ 02 ຄົນ.

ສະຫຼຸບການຈັດຕັັ້ງປະຕິບັດໂຄງການຫຼຸດຜ່ອນຄວາມສ່ຽງຈາກການຄ້າມະນຸດ (ໄລຍະທ້າຍໂຄງການ) ໂດຍເປັນປະທານກ່າວເປີດ ຂອງ ທ່ານ ລີປ່າວ ຢາງ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ), ມີບັນດາ ທາ່ນຫົວໜ້າກົມ, ຮອງກົມ ແລະ ຜູ້ຕາງໜ້າອົງການພັດທະນາສາກົນປະເທດສະຫະລັດອາເມລີກາ ປະຈໍາລາວ (USAID), ບັນດາຄະນະຊີ້ນຳໂຄງການຂັັ້ນສູນກາງ, ຂັັ້ນແຂວງ ແລະ ນະຄອນຫຼວງ ພ້ອມຄະນະວິຊາການ ເຂົ້າຮວ່ມ.

ສະມາຄົມຫັດຖະກຳລາວ ຮ່ວມກັບ ບໍລິສັດ ມິສທິນກ້າວໜ້າລາວ ຈຳກັດ ຈະຈັດງານສັບປະດາຫັດຖະກຳຊົນເຜົ່າ (Lao Ethnical Crafts Week), ໃນລະຫວ່າງ ວັນທີ 8-18 ກັນຍາ 2022 ນີ້, ຢູ່ສູນການຄ້າພາກຊັນ, ນະຄອນຫຼວງ ວຽງຈັນ ເພື່ອຊຸກຍູ້ສົ່ງເສີມຫົວໜ່ວຍທຸລະກິດ ຫັດຖະກຳຊົນເຜົ່າໃນ ສປປ ລາວ ໃຫ້ສາມາດຂະຫຍາຍການຕະຫຼາດ ນັບມື້ກວ້າງຂວາງ ແລະ ໃຫ້ມີໂອກາດນໍາເອົາຜະລິດຕະພັນຂອງຕົນອອກໄປສູ່ຕະຫຼາດສາກົນ.

ສາຂາໄຟຟ້ານະຄອນຫຼວງ 1 ໄດ້ແຈ້ງວ່າ ໃນວັນທີ 07 ກັນຍາ 2022, ເລີ່ມຕັ້ງແຕ່ເວລາ 08:30-16:00ໂມງ (07 ຊົ່ວໂມງ 30 ນາທີ ) ຈະໄດ້ມີການມອດໄຟ ລະບົບຕາຂ່າຍ 22kV ສາຍແຈກ MSS 1.6, ເພື່ອບຳລຸງຮັກສາລະບົບຕາຂ່າຍ 22-0,4 kV ແລະ ຕັດຕົ້ນໄມ້ອອກຈາກແລວສາຍຕາຂ່າຍດັ່ງກ່າວ, ມອດເລີ້ມແຕ່ສະຖານີໂສກປ່າຫຼວງ ຫາ RCS ເບີ 10004 ໜ້າສະມາຄົມລາວ-ວຽດນາມ ບ້ານທົ່ງພານທອງ ແລະ LBS 10042 ໜ້າ ສະໜາມກ໋ອບ ບ້ານດອນນົກຂຸ້ມ, ເຊີ່ງຈະສົ່ງຜົນກະທົບຕໍ່ຜູ້ຊົມໃຊ້ໄຟຟ້າໃນບໍລິເວນດັ່ງລຸ່ມນີ້:

ລັດຖະບານອົດສະຕຣາລີ ໄດ້ມອບເຄື່ອງຟອກໝາກໄຂ່ຫຼັງ ໃຫ້ ສປປ ລາວ ເຊິ່ງມີເຄື່ອງຟອກໝາກໄຂ່ຫຼັງທັງໝົດຈຳນວນ 4 ໜ່ວຍ, ມຸນຄ່າ 1 ຕື້ກີບ ເຊິ່ງໄດ້ຮັບຈາກ ລັດຖະບານອົດສະຕຣາລີ ເພື່ອທີ່ຈະສາມາດຮັກສາຄົນເຈັບຈາກພະຍາດ ໝາກໄຂ່ຫຼັງ ແລະ ເບົາຫວານ ໄດ້ຫຼາຍພັນຄົນ.

ຮອງເຈົ້າເມືອງປາກລາຍ, ຄະນະຮັບຜິດຊອບຈັດງານບຸນອອກພັນສາປະວໍລະນາ (ບຸນຊ່ວງເຮືອ) ປະຈຳປີ ພສ 2565 ຂັ້ນເມືອງ ໄດ້ໃຫ້ຮູ້ວ່າ: ໃນລະຫວ່າງ ວັນທີ 10-11 ຕຸລາ 2022 ນີ້, ອົງການປົກຄອງ ເມືອງ ພ້ອມດ້ວຍພໍ່ແມ່ປະຊາຊົນພາຍໃນເທດສະບານ ເມືອງປາກລາຍ ຈະໄດ້ຈັດງານບຸນອອກພັນສາປະວໍລະນາ (ບຸນຊ່ວງເຮືອ) ປະຈຳປີ ພສ 2565 ຢຸ່ທ່າເຮືອໃຫຍ່ຂອງເມືອງປາກລາຍ.

ເນື່ອງຈາກພາຍຸມາອອນ ເຮັດໃຫ້ເກີດຜົນກະທົບຢ່າງຫຼວງຫຼາຍ ຢູ່ເມືອງໄຊ, ເມືອງຫຼາ ແລະ ເມືອງ ນາໝໍ້ ແຂວງ ອຸດົມໄຊ ໂດຍສະເພາະ ເມືອງໄຊ ທີ່ເປັນເທດສະບານແຂວງ ທີ່ໄດ້ຮັບຄວາມເສຍຫາຍໜັກທີ່ສຸດ ສັ້ນທາງຫຼາຍເສັ້ນໄດ້ຮັບຄວາມເສຍຫາຍ ໃນນັ້ນ ມີທາງຫຼວງແຫ່ງຊາດ 2 ເສັ້ນທີ່ໄດ້ຮັບຜົນກະທົບຢ່າງໜັກໜ່ວງ ແລະ ຂົວ 44 ແຫ່ງກໍຂາດ ຈົນເຮັດມຫ້ສັນຈອນລໍາບາກ.

ວັນທີ 2 ກັນຍາ 2022 ນີ້, ທ່ານ ພັນຄຳ ວິພາວັນ ນາຍົກລັດຖະ ມົນຕີ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈ ເຖິງ ທ່ານ ໂມຮາມັດ ຊີບາສ ຊາລີສ ນາຍົກລັດຖະມົນຕີແຫ່ງ ສາທາລະນະລັດ ອິດສະລາມ ປາກິດສະຖານ ຕໍ່ເຫດການນ້ຳຖ້ວມ ທີ່ເກີດຂຶ້ນຢູ່ທາງພາກໃຕ້ຂອງປະເທດປາກິດສະຖານ.