ສະຫຼຸບການຈັດຕັັ້ງປະຕິບັດໂຄງການຫຼຸດຜ່ອນຄວາມສ່ຽງຈາກການຄ້າມະນຸດ (ໄລຍະທ້າຍໂຄງການ) ໂດຍເປັນປະທານກ່າວເປີດ ຂອງ ທ່ານ ລີປ່າວ ຢາງ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ), ມີບັນດາ ທາ່ນຫົວໜ້າກົມ, ຮອງກົມ ແລະ ຜູ້ຕາງໜ້າອົງການພັດທະນາສາກົນປະເທດສະຫະລັດອາເມລີກາ ປະຈໍາລາວ (USAID), ບັນດາຄະນະຊີ້ນຳໂຄງການຂັັ້ນສູນກາງ, ຂັັ້ນແຂວງ ແລະ ນະຄອນຫຼວງ ພ້ອມຄະນະວິຊາການ ເຂົ້າຮວ່ມ.
ໂຄງການຫຼຸດຜ່ອນຄວາມສ່ຽງຈາກການຄ້າມະນຸດ ແມ່ນການຮ່ວມມືລະຫວ່າງ ກະຊວງ ແຮງງານ ແລະ ສະຫວັດດີການສັງຄົມ (ຮສສ) ທີ່ຕາງໜ້າໃຫ້ກອງເລຂາຄະນະກໍາມະການຕ້ານການຄ້າມະນຸດ ແລະ ອົງການວິນຣອກສາກົນ, ເຊິ່ງໂຄງການນີ້ ເປັນສ່ວນໜຶ່ງທີ່ສໍາຄັນ ແລະ ປະກອບສ່ວນເຂົ້າໃນການຈັດຕັ້ງປະຕິບັດແຜນງານແຫ່ງຊາດ ວ່າດ້ວຍ ການສະກັດກັ້ນ ແລະ ຕ້ານການຄ້າມະນຸດ ໄລຍະ III ນັບແຕ່ປີ 2021 – 2025 ທີ່ລັດຖະບານໄດ້ຮັບຮອງໃນປີ 2021 ຜ່ານມາ, ໂດຍສະເພາະແມ່ນທິດທາງແຜນການຂອງຄະນະກໍາມະການຕ້ານການຄ້າມະນຸດລະດັບຊາດໃນປີ 2022 ທີ່ມີເປົ້າໝາຍໃຫ້ການຊ່ວຍເຫຼືອຜູ້ທີ່ມີຄວາມສ່ຽງ, ຜູ້ດ້ອຍໂອກາດ ແລະ ຜູ້ຖືກເຄາະຮ້າຍຈາກການຄ້າມະນຸດ.
ການສ້າງຄວາມອາດສາມາດໃຫ້ແກ່ຄະນະກໍາມະການປົກປ້ອງ ແລະ ຊ່ວຍເຫຼືອເດັກຂັ້ນເມືອງ ແລະ ຄະນະຕາໜ່າງປົກປ້ອງເດັກຂັ້ນບ້ານ ຢູ່ແຂວງເປົ້າໝາຍຂອງໂຄງການດັ່ງກ່າວ ມີຜູ້ເຂົ້າຮ່ວມທັງໝົດ ຈໍານວນ 818 ຄົນ (ຍິງ 225 ຄົນ) ແລະ ໃຫ້ການສະໜັບສະໜູນກຸ່ມເປົ້າໝາຍເຂົ້າຝຶກອົບຮົມວິຊາຊີບ ແລະ ຝຶກສ້າງອາຊີບ ທັງໝົດ 261 ຄົນ (ຍິງ 143 ຄົນ)
ຂໍ້ມູນຈາກ: ຂ່າວສານແຮງງານ ແລະ ສະຫວັດດີການສັງຄົມ-ຮສສ