News

ທ່ານ ເດດສັກດາ ມະນີຄໍາ ຫົວໜ້າພະແນກແຜນການ ແລະ ການລົງທຶນ ແຂວງຄຳມ່ວນ ໄດ້ກ່າວໃນກອງປະຊຸມ ສະໄໝສາມັນ ເທື່ອທີ 3 ຂອງສະພາປະຊາຊົນແຂວງຄຳມ່ວນ ຊຸດທີ II ເມື່ອບໍ່ດົນຜ່ານມານີ້ວ່າ: ການປະຕິບັດວຽກງານການລົງທຶນ ໃນ 6 ເດືອນ ຂອງແຜນປີ 2022 ຢູ່ແຂວງຄຳມ່ວນ ໄດ້ວາງຄາດໝາຍການລົງທຶນມີປະສິດທິຜົນ, ໜີ້ສິນ ຫລຸດລົງ, ການຟຸມເຟືອຍໄດ້ຮັບການແກ້ໄຂເປັນຮູບປະທໍາ ເຊິ່ງການລົງທຶນຂອງລັດ ໄດ້ຈຳກັດໂຄງການລົງທຶນຂອງລັດ ທີ່ມີມູນຄ່າສູງ, ຜົນຕອບແທນທາງເສດຖະກິດໜ້ອຍແຕ່ການຈັດສັນທຶນໃສ່ແບບກະແຈກກະຈາຍ ທີ່ຈະພາໃຫ້ເກີດມີໜີ້ສິນໃໝ່ເພີ່ມຂຶ້ນ ເປັນຕົ້ນແມ່ນການກໍ່ສ້າງພື້ນຖານໂຄງລ່າງ ແລະ ສຳນັກງານຫ້ອງການບາງບ່ອນ ທີ່ເຫັນວ່າຍັງບໍ່ມີຄວາມຈຳເປັນແທ້ໆ.

ພະແນກຕໍາຫລວດຈະລາຈອນ ຫ້ອງຕໍາຫລວດ ປກສ ນະຄອນຫລວງວຽງຈັນ ໄດ້ໃຫ້ຮູ້ວ່າ: ໃນມື້ເປີດສົກຮຽນໃໝ່ ໃນວັນທີ 1 ກັນຍາ 2022 ນີ້ ຕຳຫລວດຈະລາຈອນ ນວ 500 ກວ່ານາຍ ໄດ້ອຳນວຍຄວາມສະດວກການສັນຈອນຈໍານວນ 212 ຈຸດ.

ກົມອຸຕຸນິຍົມ ແລະ ອຸທົກກະສາດ ໄດ້ໃຫ້ຮູ້ວ່າ: ສະພາບລະດັບນໍ້າຂອງໃນວັນທີ 29 ຫາ 30 ສິງຫາ 2022 ໄດ້ມີການເພີ່ມຂຶ້ນສູງ ເຊິ່ງໃນນັ້ນລະດັບນໍ້າຂອງທີ່ສູງກ່ອນໝູ່ຢູ່ທີ່ 12,92 ແມັດ ເຊິ່ງເປັນລະດັບນໍ້າຂອງ ແຂວງ ຫຼວງພະບາງ ແລະ ແຂວງທີ່ມີລະດັບນໍ້າທີ່ໃກ້ລະດັບເຕືອນໄພຫຼາຍທີ່ສຸດແມ່ນ ນະຄອນຫຼວງວຽງຈັນ.

ໃນໄລຍະທີ່ຜ່ານມາ ທົ່ວໂລກປະເຊີນກັບວິກິດກັບພະຍາດລະບາດ ໂຄວິດ-19 ລວມທັງປະເທດລາວເຮົາ ເຊິ່ງເຮັດໃຫ້ຫຼາຍໆທຸລະກິດຕ້ອງປະສົບກັບບັນຫາຫຼາຍໆຢ່າງ ເປັນຕົ້ນແມ່ນການນຳເຂົ້າສິນຄ້າມາຈຳໜ່າຍຢູ່ປະເທດລາວ ທີ່ມີຕົ້ນທຶນການນຳເຂົ້າສູງຂຶ້ນ ຈົນເຮັດໃຫ້ນັກທຸລະກິດລາວຫຼາຍທ່ານ ເລືອກທີ່ຈະຫັນມາຜະລິດສິນຄ້າຈຳໜ່າຍເອງ ໂດຍອາໄສການຮຽນຮູ້ ແລະ ປະສົບການຈາກຕ່າງປະເທດ.

ໃນວັນທີ 29 ສິງຫາ 2022 ທີ່ຜ່ານມາ, ທ່ານ ພອນທະວີ ໄຊມົນຕີ, ກຳມະການ ພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງ ເມືອງຂວາ ໄດ້ລົງມອບເຄື່ອງບັນເທົາທຸກສຸກເສີນ ໃຫ້ແກ່ຄອບຄົວທີ່ຖືກຜົນກະທົບ ໄພນໍ້າຖ້ວມຢູ່ບ້ານ ສີນໄຊ ທີ່ເກີດເຫດໄພນໍ້າຖ້ວ້ມ ໃນວັນທີ 26 ສິງຫາ 2022 ເຊິ່ງຍັງຂາດແຄນອາຫານການກິນ, ເຄື່ອງນຸ່ງຫົ່ມຈຳນວນ 16 ຄອບຄົວ

ຂ່າວສານແຮງງານ ແລະ ສະຫວັດດີການສັງຄົມ ໄດ້ໃຫ້ຮູ້ວ່າ: ໃນວັນທີ 26 ສິງຫາ 2022, ກົມການຈັດຫາງານ, ກະຊວງ ແຮງງານ ແລະ ສະຫວັດດີການສັງຄົມ ສປປ ລາວ ຮ່ວມເຊັນບົດບັນທຶກຄວາມເຂົ້າໃຈ ກ່ຽວກັບ ການຈັດສົ່ງງານແຮງງານຕາມລະດູການ ກັບ ເມືອງ ແຮງຊ້ອງ ແຂວງ ກັງວອນ, ປະເທດເກົາຫຼີໃຕ້ ໃນໂອກາດເຄື່ອນໄຫວຢ້ຽມຢາມແຮງງານທີ່ໄປເຮັດວຽກຢູ່ ປະເທດດັ່ງກ່າວ.

ພາຍຫຼັງທີ່ເກີດມີຝົນຕົກໜັກຕິດຕໍ່ກັນເປັນເວລາຫຼາຍຊົ່ວໂມງ ເລີມແຕ່ 3 ໂມງເຊົ້າ ຈົນເຖີງຕອນບ່າຍຂອງວັນທີ 26 ສິງຫາ 2022 ນິ້, ເຮັດໃຫ້ນໍ້າພາກມີລະດັບປະລິມານນໍ້າສູງຂຶ້ນ ພ້ອມທັງເກີດມີນໍ້າປ່າໄຫຼສຸແຮງ ເຮັດໃຫ້ເກີດມີນໍ້າອັ່ງຖ້ວມຖະໜົນຫົນທາງ ໂດຍສະເພາະແມ່ນເສັ້ນທາງຫຼວງ 2E ແລະ 1B ແຕ່ບ້ານສະຫຼອງໄຊຫາບ້ານຫາດນາງ ແລະ ບ້ານສິນໄຊ ຫາ ບ້ານບວມພັນ.

ເພື່ອເປັນການທົບທວນຜົນການດຳເນີນງານຕາມມະຕິການຕົກລົງຂອງກອງປະຊຸມຮ່ວມມືທາງວິຊາການ ລາວ-ໄທ ຄັ້ງທີ 23 ແລະ ແຜນຄວາມຮ່ວມມືເພື່ອການພັດທະນາ ລາວ-ໄທ ໄລຍະ 3 ປີ (2020-2022) ເຊິ່ງໄດ້ດຳເນີນການແລ້ວ 12 ໂຄງການ ໂດຍໃຫ້ທຶນການສຶກສາລະດັບປະລິນຍາໂທ ລວມ 51 ທຶນ ແລະ ຈັດຫຼັກສູດຝຶກອົບຮົມໄລຍະສັ້ນຈຳນວນ 6 ຫຼັກສູດ.