ພະແນກຕໍາຫລວດຈະລາຈອນ ຫ້ອງຕໍາຫລວດ ປກສ ນະຄອນຫລວງວຽງຈັນ ໄດ້ໃຫ້ຮູ້ວ່າ: ໃນມື້ເປີດສົກຮຽນໃໝ່ ໃນວັນທີ 1 ກັນຍາ 2022 ນີ້ ຕຳຫລວດຈະລາຈອນ ນວ 500 ກວ່ານາຍ ໄດ້ອຳນວຍຄວາມສະດວກການສັນຈອນຈໍານວນ 212 ຈຸດ.
ໃນນີ້, ຈຸດໂຮງຮຽນ ມີ 40 ຈຸດ, ຈຸດທາງ 3 ແຍກ 4 ແຍກ ມີ 107 ຈຸດ, ປ້ອມຍາມ ມີ 65 ປ້ອມ; ນອກນັ້ນ, ຍັງມີ ໜ່ວຍສາຍກວດສໍາລັບເລາະຈັດລະບຽບສາຍທາງຕື່ມອີກ.
ທ່ານ ພັທ ສັງຄົມ ຍົມມະລາດ ຮອງຫົວໜ້າພະແນກຕໍາ ຫລວດຈະລາຈອນ ນະຄອນຫລວງວຽງຈັນ ຍັງໄດ້ໃຫ້ຮູ້ອີກວ່າ: ການລົງປະຕິບັດໜ້າທີ່ຂອງກໍາລັງຕໍາຫລວດຈະລາຈອນ ໃນແຕ່ລະວັນ ຈະເນັ້ນໃສ່ 3 ໜ້າວຽກໃຫຍ່ ຄື: ວຽກໂຄສະນາ ແລະ ແນະນໍານັກຂັບຂີ່, ວຽກລະບາຍການສັນຈອນ ແລະ ວຽກບັງຄັບໃຊ້ກົດໝາຍ ເພື່ອແນໃສ່ອໍານວຍຄວາມສະດວກໃຫ້ແກ່ຜູ້ໃຊ້ລົດໃຊ້ຖະໜົນ ສັນຈອນໄປມາຢ່າງມີຄວາມສະດວກ ແລະ ປອດໄພ.
ຂໍ້ມູນຈາກ: