ກົມພາສີ ກະຊວງການເງິນ ຮ່ວມກັບ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຈະເປີດທົດລອງໂຄງການພັດທະນາ ລະບົບການຈັດເກັບຄ່າທຳນຽມຜູ້ໂດຍສານ ແລະ ພາຫະນະແບບເອເລັກໂຕຣນິກ ຫຼື Smart VAT ໃນໄລຍະທີ 2 ໃນກາງເດືອນຕຸລານີ້ ແລະ ຈະເປີດນໍາໃຊ້ຢ່າງເປັນທາງການ ໃນທ້າຍເດືອນທັນວາ 2018 ທີ່ດ່ານພາສີສາກົນຂົວມິດຕະພາບ I.
ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ກະຊວງການເງິນ ໃຫ້ໃຫ້ສໍາພາດວ່າ: ການແຈ້ງພາສີແບບເອເລັກໂຕຣນິກ, ຈະສ້າງຄວາມສະດວກວ່ອງໄວໃຫ້ແກ່ຜູ້ໂດຍສານ ທີ່ເດີນທາງເຂົ້າ-ອອກ ແລະຫລຸດຜ່ອນບັນດາຂັ້ນຕອນຂອງເຈົ້າໜ້າທີ່ພາສີ, ທັງເປັນການຫລຸດຜ່ອນເຈົ້າໜ້າທີ່ພາສີທີ່ປະຈໍາຢູ່ດ່ານ ແລະ ເປັນການສ້າງການຄວາມໂປ່ງໃສ ລວມເຖິງຜູ້ໂດຍສານທີ່ເດີນທາງເຂົ້າ-ອອກ ທີ່ສໍາຄັນຈະເຮັດໃຫ້ເກັບເງິນເຂົ້າງົບປະມານຄົບຖ້ວນ, ບໍ່ຮົ່ວໄຫຼ, ປະຊາຊົນ ທີ່ມາບໍລິການມີຄວາມເຊື່ອໝັ້ນ ແລະ ຍັງເປັນການສ້າງໃບໜ້າອັນໃໝ່ ທີ່ທັນສະໄໝວຽກງານຈັດເກັບລາຍຮັັບ ຂອງຂະແໜງພາສີນຳອີກດ້ວຍ.
Cr.KPL
Hits: 6
