ງາມ! ໂຫດ! ກວ່າຈະຮອດ ກໍສັ່ນຈົນຫົວຊິຫລຸດ.
ລະດູການທ່ອງທ່ຽວຂອງລາວເຮົາ ກັບມາອີກຄັ້ງແລ້ວ ຫລາຍຄົນປຽບທຽບວັງວຽງວ່າ ເປັນຄືກັບສະຫວັນ. ແຕ່ປີນີ້,ສະພາບຂອງຖະຫນົນຫົນທາງຊຸດໂຊມລົງກວ່າເກົ່າຫລາຍ ເພາະວ່າຍັງຢູ່ໃນລະຫວ່າງການກໍ່ສ້າງຂອງໂຄງການໃຫຍ່ຫລາຍໂຄງການ ເຮັດໃຫ້ເສັ້ນທາງຈາກນະຄອນຫລວງວຽງຈັນໄປວັງວຽງ ໃນເດືອນຕຸລາຜ່ານມາ ມີສະພາບເປ່ເພຕາມທີ່ເຫັນໃນຮູບ ບາງບ່ອນມີລັກສະນະຄືກັບກຳລັງສ້ອມແປງຢູ່.ແຕ່ອີກຫລາຍບ່ອນທີ່ເປັນຂຸມ,ເປັນບວກ ຕາມຕະຫລອດເສັ້ນທາງ ກ່ອນຊິໄປຮອດສະຫວັນອັນງົດງາມ ກໍຫົວສັ່ນຫົວຄອນ ໄປຕັ້ງວ່າ 4 ຊົ່ວໂມງພຸ້ນ!.
ນອກຈາກນີ້, ລົດໃຫຍ່,ລົດບັນທຸກວັດສະດຸກໍ່ສ້າງ ແລະລົດທົວນັກທ່ອງທ່ຽວ ກໍຂັບໄວອີຫລີ ແອັດມິນເຫັນມາກັບຕາວ່າ ຂະຫນາດທາງໂຄ້ງ ກໍຍັງພາກັນແຊງກັນເອງ ເຮັດໃຫ້ຂີ້ຝຸ່ນປິວໄປທົ່ວແລະອາດຈະເກີດອັນຕະລາຍຈາກເມັດຊາຍ ທີ່ລ້ຳລົດດີດຂຶ້ນມາໄດ້
ສຳລັບໃຜທີ່ຄິດຈະພາຫມູ່ຄູ່ໄປທ່ຽວເມືອງເຟືອງ ແລະວັງວຽງແລ້ວ ກະລຸນາຂັບລົດດ້ວຍຄວາມລະມັດລະວັງກໍແລ້ວກັນ.
Hits: 7
