ໃນວັນທີ 17 ກັນຍາ 2018, ນັກຮຽນມັດທະຍົມຕອນປາຍລາວ ພ້ອມດ້ວຍຄູຝຶກ 15 ຄົນ, ໄດ້ເດີນທາງໄປປະເທດຍີ່ປຸ່ນ ເພື່ອເຂົ້າຮ່ວມການແລກປ່ຽນຣັກບີ້ໄວໜຸ່ມຍີ່ປຸ່ນ-ອາຊຽນ ພາຍໃຕ້ໂຄງການ JENESYS 2018,
ເຊິ່ງໄດ້ຮັບການສະໜັບສະໜູນ ຈາກລັດຖະບານຍີ່ປຸ່ນ. ໃນໂອກາດດຽວກັນ, ບັນດານັກຮຽນລາວ ຈະໄດ້ໄປຢ້ຽມຊົມເມືອງ ໂງເຕັງບະ ແຂວງ ຊິຈຶໂອກະ ເພື່ອເຂົ້າຮ່ວມ ຝຶກຫລິ້ນກິລາແທ໋ກຣັກບີ້ ແລະ ແລກປ່ຽນກັນ ໃນນັດແຂ່ງຂັນມິດຕະພາບ. ພ້ອມກັນນີ້, ພວກເຂົາຍັງຈະໄດ້ເຂົ້າພົບປະຜູ້ຕາງໜ້າ ຈາກກະຊວງການຕ່າງປະເທດ ແລະ ຢ້ຽມຊົມສະຖານທີ່ປະຫວັດສາດທີ່ສໍາຄັນ ແລະ ສິ່ງອໍານວຍຄວາມສະດວກອື່ນໆ ໃນນະຄອນຫລວງໂຕກຽວ.
ອ່ານຕໍ່: http://kpl.gov.la/detail.aspx?id=39031