ພິທີເປີດໂຄງການສ້າງຄວາມເຂັ້ມແຂງໃຫ້ແກ່ວິສາຫະກິດຂະໜາດນ້ອຍ ແລະ ກາງ (SMEs) ພາຍໃຕ້ໂຄງການເຂົ້າເຖິງແຫຼ່ງທຶນຂອງ SMEs ຈັດຂຶ້ນວັນທີ 14 ກັນຍາ 2018 ທີ່ສະພາການຄ້າ ແລະ ອຸດສາຫະກຳແຫ່ງຊາດລາວ ມີທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ທ່ານ ວິກວານ ວູເຣັນ ອຳນວຍການວິສາຫະກິດພາກພື້ນອາຊີປາຊີຟິກ ອົງການແຮງງານສາກົນ ບັນດາຫົວໜ້າກົມ ຫ້ອງການ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງຂອງໂຄງການ ເພື່ອພັດທະນາຄວາມສາມາດຂອງສະຖາບັນການເງິນຂັ້ນທ້ອງຖິ່ນໃນລາວ ເພື່ອສາມາດໃຫ້ການບໍລິການພັດທະນາທຸລະກິດໃຫ້ແກ່ຂະແໜງ ວນກ ໃຫ້ສາມາດຄຸ້ມຄອງດ້ານການເງິນ ແລະ ສາມາດເຂົ້າເຖິງແຫຼ່ງທຶນໃນລາວ ໂດຍຜ່ານຄູ່ມືເຝິກອົບຮົມຂອງອົງການແຮງງານສາກົນ ພ້ອມທັງເປັນການປັບປຸງຄວາມສາມາດໃຫ້ແກ່ຂະແໜງ ວນກ ໃນການເຂົ້າເຖິງ ແລະ ການຄຸ້ມຄອງທາງດ້ານການເງິນ ໂດຍຜ່ານເຄືອຄ່າຍດຽວກັນ.
ອ່າເພີມຕື່ມ: https://www.vientianemai.net/khao/18462.html
ຮູບປະກອບ: http://annx.asianews.network
