ປັດຈຸບັນນີ້ ການພັດທະນາເສດຖະກິດ-ສັງຄົມຂອງເມືອງໄຊ ໄດ້ມີການຂະຫຍາຍຕົວຢ່າງຕໍ່ເນື່ອງ ເຮັດໃຫ້ລວມຍອດຜະລິດຕະພັນ ແລະ ການບໍລິການພາຍໃນ (GDP) ບັນລຸ 920 ຕື້ກີບ, ສະເລ່ຍຕໍ່ຫົວຄົນໄດ້ 11 ລ້ານກວ່າກີບ ເທົ່າກັບ 1.358 ໂດລາສະຫະລັດ, ລວມອັດຕາການຂະຫຍາຍຕົວຂອງເສດຖະກິດ ເທົ່າກັບ 9% ຕໍ່ປີ.
ດ້ານການລົງທຶນ ປີ 2018 ມີທັງຫມົດ 7 ໂຄງການ, ລວມມູນຄ່າ 23,7 ຕື້ກວ່າກີບ, ການຈັດເກັບລາຍຮັບເຂົ້າງົບປະມານ ຮອດປັດຈຸບັນໄດ້ 7 ຕື້ກວ່າກີບ ເທົ່າກັບ 69,31%.
ທົ່ວເມືອງໄຊ ໄດ້ຊົມໃຊ້ໄຟຟ້າຕາຂ່າຍທັງໝົດ 89 ບ້ານ, 14,4723 ຄົວເຮືອນ, ມີເສັ້ນທາງເຂົ້າເຖິງບ້ານ 97 ບ້ານ ໃນນີ້ ທາງປູຢາງຜ່ານ 42 ບ້ານ ທາງຍົກລະດັບ 53 ບ້ານ ແລະ ທາງທະລຸ ທ່ຽວໄດ້ລະດູດຽວ 2 ບ້ານ, ສຳເລັດການປັກດຳເຂົ້ານາປີ ໄດ້ 100% ໃນເນື້ອທີ່ນາ 3 ພັນກວ່າເຮັກຕາ, ປູກຢາງພາລາໄດ້ 3.600 ເຮັກຕາ, ໝາກແໜ່ງ 2.500 ກວ່າເຮັກຕາ, ໝາກຖົ່ວເບີ 200 ກວ່າເຮັກຕາ ແລະ ປູກຜັກເຮືອນຮົ່ມໄດ້ 7,66 ເຮັກຕາ.
ສາເຫດທີ່ເຮັດໃຫ້ເສດຖະກິດ ຂອງເມືອງໄຊ ມີການຂະຫຍາຍຕົວຢ່າງຕໍ່ເນື່ອງ ແມ່ນຄວາມເອົາໃຈໃສ່ຂອງເມືອງ ໃນການຈັດຕັ້ງປະຕິບັດຢ່າງເອົາຈິງເອົາຈັງ ໂດຍອີງໃສ່ເງື່ອນໄຂ ຄວາມສາມາດຕົວຈິງ ແລະ ທ່າແຮງບົ່ມຊ້ອນຂອງເມືອງ ໃນການແກ້ໄຂຄວາມທຸກຍາກຂອງປະຊາຊົນ ແລະ ສຸມໃສ່ໃນການພັດທະນາການຜະລິດກະສິກຳ ແລະ ກໍ່ສ້າງພື້ນຖານໂຄງລ່າງ.
Cr.KPL