Monday, May 19, 2025
Kbank Laos โอน รับ จ่าย

6 ເດືອນຕົ້ນປີ 2018 ນີ້, ອັດຕະປື ມີມູນຄ່າການລົງທຶນ ຂອງເອກະຊົນ 121 ລ້ານກວ່າໂດລາ.

ໃນ 6 ເດືອນຕົ້ນປີ 2018 ນີ້ ແຂວງອັດຕະປື ມີມູນຄ່າການລົງທຶນ ຂອງເອກະຊົນທັງພາຍໃນ ແລະ ຕ່າງປະເທດທັງໝົດ 121,56 ລ້ານໂດລາ ຫລື ເທົ່າກັບ 972 ຕື້ກວ່າກີບ, ລື່ນແຜນ 16%, ໃນນັ້ນ ທຶນທີ່ເປັນເງິນສົດມີ 72,94 ລ້ານໂດລາ ຫລື ເທົ່າກັບ 583 ຕື້ກີບ, ທຶນທີ່ເປັນວັດຖຸອຸປະກອນ ແລະ ພາຫະນະ ເຊິ່ງຕິດພັນກັບການຜະລິດໂດຍກົງມີ 48,62 ລ້ານໂດລາ ຫລື ປະມານ 389 ຕື້ກີບ.

ນັບແຕ່ປີ 2001 ມາຮອດປັດຈຸບັນ ແຂວງອັດຕະປື ໄດ້ອອກອະນຸມັດການລົງທຶນ ໃຫ້ເອກະຊົນທັງພາຍໃນ ແລະ ຕ່າງປະເທດທັງໝົດ 66 ໂຄງການ ມູນຄ່າການ ລົງທຶນມີ 2,3 ຕື້​ກວ່າໂດລາສະຫະລັດ, ມີທຶນຈົດທະບຽນ 574 ລ້ານກວ່າ ໂດລາສະຫະລັດ ຫລື ເທົ່າກັບ 4.592 ຕື້ກີບ. ໃນນັັ້ນ ການລົງທຶນ ຈາກພາກເອກະຊົນຕ່າງປະເທດມີ 33 ໂຄງການ ມູນຄ່າ 2,2 ຕື້​ກວ່າໂດລາ ແລະ ພາກ ເອກະຊົນພາຍໃນປະເທດມີ 33 ໂຄງການ ມູນຄ່າ 90,39 ລ້ານໂດລາ. ສ່ວນໃຫຍ່ແມ່ນການລົງທຶນເຂົ້າ ໃນຂະແໜງໄຟຟ້າ, ຂະແໜງກະສິິກຳ ແລະ ຂະແໜງບໍ່ແຮ່.

Cr.KPL
ຮຸບ​ພາບ: http://attapeu.gov.la/

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ພຣະທາດແມວສີ ເມືອງລອງ ແຂວງຫຼວງນ້ຳທາ

"ພະທາດແມວສີ" ທີ່ຕັ້ງຢູ່ບ້ານສະ, ເມືອງ ລອງ, ແຂວງຫຼວງນໍ້າທາ ຢູ່ຈອມພູສູງ ຫ່າງຈາກລະດັບນໍ້າທະເລ 1,000 ກວ່າແມັດ, ທິດເໜືອ ຕິດກັບປ່າໄມ້ ທິດໃຕ້ຕິດກັບ ທາງໄປບ້ານສະ, ທິດຕາເວັນອອກຕິດກັບປ່າໄມ້ ທິດຕາເວັນຕົກຕິດກັບ ແມ່ນໍ້າຂອງເຊິ່ງເປັນຊາຍແດນຂັ້ນລະຫວ່າງ ລາວ-ມຽນມາ

ວັດສຸວັນນະຄີລີ ນະຄອນຫຼວງພະບາງ

"ວັດສຸວັນນະຄີລີ" ທີ່ຕັ້ງຢູ່ ບ້ານຊຽງທອງ-ຄີລີ ຖະໜົນສັກກະລິນ, ຕິດກັບວັດປາກຄານ ຄໍາມຸງຄຸນ, ເປັນອີກວັດທີ່ຊາວໄທພວນ ຈາກຊຽງຂວາງ ເປັນຜູ້ສ້າງຂຶ້ນ ເພື່ອເປັນອະນຸສອນແກ່ກອງທັບຊາວພວນ ທີ່ສູ້ຮົບ ກັບກອງທັບຂອງພະມ້າ.

ວິທີລົງທະບຽນແຈ້ງເຂົ້າປະເທດໄທຜ່ານ DTAC ເຮັດໄດ້ງ່າຍໆ ດ້ວຍຕົວເອງຜ່ານມືຖື

ພາຍຫຼັງທີ່ໄດ້ມີການແຈ້ງການໃຫ້ຮູ້ກ່ຽວກັບການເດີນທາງເຂົ້າປະເທດໄທ ຕ້ອງໄດ້ລົງທະບຽນຜ່ານ TDAC ລ່ວງໜ້າກ່ອນ ບໍ່ເກີນ 3 ມື້, ຕັ້ງແຕ່ວັນທີ 1 ພຶດສະພາ 2025 ເປັນຕົ້ນມາ, ຫຼາຍຄົນອາດຈະຍັງບໍ່ທັນຮູ້ວິທີລົງທະບຽນເທື່ອ ມື້ນີ້ ອິນໄຊລາວ ຈະມາບອກວິທີລົງທະບຽນໃຫ້ຮູ້ຢ່າງລະອຽດ ພ້ອມລິ້ງລົງທະບຽນ ດັ່ງນີ້