ອາກາດກໍເລີ່ມໜາວແລ້ວ, ມື້ນີ້ທາງທີມງານອິນໄຊລາວ ຂໍນຳສະເໜີ ເມນູແປກໆ! ເຊິ່ງເປັນອາຫານເລີດຫຼູຂອງຄົນໄທບ້ານ ມານຳສະເໜີ.

ໝົກນາງ “ຕໍ່” ເປັນອາຫານສະຫວັນຂອງຄົນໄທບ້ານ ແຕ່ກ່ອນທີ່ຊິເອົາມາເຮັດເປັນເມນູອາຫານໄດ້ ກໍຕ້ອງຜ່ານນາລົກໄປບໍ່ແມ່ນງ່າຍໆ. ເພາະວ່າຕ້ອງໄດ້ທຳສົງຄາມກັນຢ່າງຄັກແນ່! ວ່າໃຜຊິຊະນະ! ໃຜຊິປະລາໄຊ!.

ອາຫານທີ່ໂດ່ງດັງຂອງຍີ່ປຸ່ນ ເຊັ່ນ: ປາຊາບະ, ປາແຊວມ້ອນ… ທີ່ນຳມາຈາກທະເລ ອາຫານລາວເຮົາກໍຄືກັນ ແມ່ນຕ້ອງເອົາມາຈາກປ່າດົງ ໃຊ້ໄຟເປັນອາວຸດກ່ອນຈະໄດ້ມາ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

“ຕໍ່” ນັ້ນ ມີຫຼາຍປະເພດ ເຊັ່ນ: ຕໍ່ຫົວເສືອ, ຕໍ່ງົວ,ຕໍ່ຂຸມ, ຕໍ່ຮັງ, ຕໍ່ນອນເວັນ…

ສຳລັບເມນູໝົກຕໍ່ນີ້, ມີສ່ວນປະກອບດັ່ງນີ້:

1.ນາງຕໍ່ (ອ່ອນ) 
2.ປາແດກ
3.ໄຂ່ໄກ່
4.ໝາກເຜັດ
.5.ຜັກຫອມບົ່ວ, ຜັກອີ່ຕູ່, ຫົວສີໃຄ, ໃບຂີ້ຫູດ. 
6.ໃບຕອງກວ້າຍ

ວິທີເຮັດ:

1.ຫັ່ນຫອມບົ່ວ ຫົວສີໃຄ ໃບຂີ້ຫູດ 
2. ຕອກໄຂ່ໄກ່ລົງຖວ້ຍ ໂຮຍເກືອໃສ່ໜ້ອຍໜຶ່ງ ຕີໃຫ້ແຕກ ຄົນໆ ໃຫ້ທົ່ວ.
3.ນຳເອົານາງຕໍ່ລົງໃສ່ຖວ້າຍ ຄົນໃຫ້ເຂົ້າກັນ. 
4.ຕື່ມປາແດກ ແລະໝາກເຜັດລົງໄປ.
5.ໃສ່ຜັກຫອມທີ່ກຽມໄວ້ລົງໄປ.
6. ເອົາຈອງຕັກມາໃສ່ຕອງກວ້າຍ ເຮັດເປັນໝົກງາມໆ (ຕອງຕ້ອງລົນໄຟມາກ່ອນ)
7.ນຳເອົາໝົກໄປໝົກໄຟ ຫຼືນຳເອົາໜຶ້ງກໍໄດ້ ໃຫ້ສຸກພໍປະມານ.
ສຳເລັດ.

ນາງຕໍ່ນີ້, ສາມາດນຳເອົາໄປເຮັດອາຫານໄດ້ຫາກຫຼາຍຊະນິດ ເຊັ່ນ: ກອ້ຍ, ແກງ, ແກງໃສ່ໜໍ່ໄມ້ສົ້ມ, ໜຶ້ງ, ຂົ້ວ, ອ່ອມ………………

Hits: 9

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້