ບໍ່ດົນມານີ້, ແຂວງຫລວງນໍ້າທາ ໄດ້ຈັດພິທີມອບ-ຮັບເງິນຊົດເຊີຍ ໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ ຈຳນວນ 4 ບ້ານຄື: ບ້ານເຕ່ນ, ບໍ່ປຽດ, ຕີນຕົກ ແລະ ບ້ານນາເຕີນ, ຈຳ ນວນ 138 ຄອບຄົວ ລວມມູນຄ່າ 77 ຕື້ກວ່າກີບ, ເຊິ່ງຕາງໜ້າມອບໂດຍ ທ່ານ ທອງແດງ ສິດທິສົນ ຮອງເຈົ້າເມືອງໆຫລວງນໍ້າທາ.
ທ່ານ ຈັນທະຈອນ ແກ້ວລະຄອນ ຫົວໜ້າຫ້ອງການປະສານງານທາງລົດໄຟລາວ-ຈີນ ປະຈຳແຂວງຫລວງນໍ້າທາ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ຫລວງນໍ້າທາ ສະບັບເລກທີ 390/ຈຂ ລົງວັນທີ 28 ມິຖຸນາ 2018 ວ່າ ດ້ວຍການແຕ່ງຕັ້ງຄະນະຮັບຜິດຊອບເບິກຈ່າຍຄ່າຊົດເຊີຍສິ່ງກີດຂວາງ ໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ຊ່ວງຜ່ານແຂວງຫລວງນໍ້າທາ ງວດທີ 1 ແລະ ງວດທີ 2 ຄະນະກຳມະການ ໄກ່ເກ່ຍ ຂັ້ນ ແຂວງ ໄດ້ສົມທົບຄະນະຄຸ້ມຄອງຂອງການກໍ່ສ້າງທາງລົດໄຟລາວ-ຈີນ ໄດ້ຮ່ວມກັນຈັດອັນດັບບູລິມະສິດທີ 1 ເພື່ອເປັນເອກະສານອ້າງອີງໃນການຈ່າຍເງິນຊົດເຊີຍ ໃຫ້ແກ່ປະຊາຊົນຜູ້ທີ່ໄດ້ຮັບຜົນກະທົບຢູ່ 4 ບ້ານດັ່ງກ່າວ ໂດຍໄດ້ມີການເບີກຈ່າຍເປັນ 2 ງວດ.
#insidelaos
Cr.KPL