ທ່ານ ບຸນຍັງ ວໍລະຈິດ ປະທານປະເທດ ພ້ອມດ້ວຍອະດີດການນໍາພັກ-ລັດຂັ້ນສູງ ໄດ້ໃຫ້ກຽດຢ້ຽມຢາມ ແລະ ທ່ຽວຊົມງານບຸນມະນັດສະການພະທາດຫຼວງ ແລະ ວາງສະແດງສິນຄ້າ ປະຈຳປີ 2018 ທີ່ເດີນພະທາດຫຼວງ ເພື່ອຊຸກຍູ້ ແລະ ໃຫ້ກຳລັງໃຈແກ່ຫົວໜ່ວຍທຸລະກິດຜູ້ປະກອບການ ຕະຫຼອດເຖິງການພົບປະກັບພໍ່ແມ່ປະຊາຊົນຜູ້ມາທ່ຽວງານບຸນດັ່ງກ່າວ.
ໂອກາດນີ້ ທ່ານປະທານປະເທດໄດ້ຢ້ຽມຊົມບັນດາຮ້ານຄ້າທັງພາຍໃນ ແລະ ຕ່າງປະເທດ ໂດຍ ສະເພາະແມ່ນຮ້ານຄ້າໜຶ່ງເມືອງໜຶ່ງຜະລິດຕະພັນ(ODOP) ຮ້ານວາງສະແດງ ແລະ ຂາຍສິນຄ້າຫັດຖະກຳ ໂຊນຈັດວາງສະແດງເຄື່ອງເຮືອນລາວ ຮູບພາບປະ ຫວັດຄວາມເປັນມາຂອງພະທາດຫຼວງ ແລະ ຮູບພາບການປະຕິສັງຂອງໂຄງການແຕ່ໄລຍະ ເຊິ່ງທ່ານໄດ້ໃຫ້ຄວາມສົນໃຈ ແລະ ໂອ້ລົມສົນທະນາກັບບັນດາຜູ້ປະກອບການ ພ້ອມກັບຍ້ອງຍໍໜ່ວຍງານຮັບຜິດ ຊອບຈັດງານທີ່ມີຄວາມຮັບຜິດຊອບສູງ ເຮັດໃຫ້ງານບຸນມີຫົວໜ່ວຍທຸລະກິດຫຼາຍພາກສ່ວນ ເຂົ້າຮ່ວມເປັນຂະບວນຟົດຟື້ນ.
#insidelaos
Cr.Vientianemai
Hits: 1
