Tuesday, July 23, 2024
Lenovo

ລັດ​ຖະ​ບານ​ເຜີຍ ໃນ​ປີ 2018 ນີ້, ຂະ­ແໜງ​ກະ­ສິ­ກຳ ຂະ­ແໜງ​ອຸດ­ສາ­ຫະ­ກຳ ບໍ່​ບັນ​ລຸ​ຕາມແຜນ​ກາ​ນທີ່​ວາງ​ໄວ້

ຂະ­ແໜງ​ກະ­ສິ­ກຳ ຂະ­ແໜງ​ອຸດ­ສາ­ຫະ­ກຳ ແລະ ຂະ­ແໜງ​ບໍ­ລິ­ການ​ເປັນ 3 ຂະ­ແໜງ​ສຳ­ຄັນ​ທີ່​ເປັນ​ເສົາ­ຄ້ຳ ແລະ ຕົວ​ຊີ້​ວັດ​ເຖິງ​ການ​ຂະ­ຫຍາຍ­ຕົວ​ຂອງ​ເສດ­ຖະ­ກິດ-ສັງ­ຄົມ​ຂອງ​ປະ­ເທດ ເຊິ່ງ​ປີ 2018 ຂະ­ແໜງ​ກະ­ສິ­ກຳ ແລະ ອຸດ­ສາ­ຫະ­ກຳ ຈະ​ບໍ່​ສາ­ມາດ​ບັນ­ລຸ​ໄດ້​ຕາມ​ແຜນ­ການ​ທີ່​ວາງ​ໄວ້ ສ່ວນ​ຂະ­ແໜງ​ບໍ­ລິ­ການ ແມ່ນ​ລື່ນ​ແຜນ­ການ​ລະ­ດັບ 6,4%.

ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ກ່າວ​ໃນ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ບາງ​ຕອນ​ວ່າ: ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 9 ເດືອນ​ປີ 2018 ຄາດ​ຄະ­ເນ​ອັດ­ຕາ​ການ​ເພີ່ມ​ຂຶ້ນ​ຂອງ GDP ໝົດ​ປີ ຈະ​ບັນ­ລຸ 6,5% ຈາກ​ແຜນ­ການ 7% ມູນ​ຄ່າ 152.425 ຕື້​ກີບ ແຕ່​ຖ້າ​ຄິດ­ໄລ່​ເປັນ​ມູນ​ຄ່າ GDP ຕໍ່​ຫົວ​ຄົນ​ແມ່ນ​ສູງ​ກວ່າ​ແຜນ­ການ​ວາງ​ໄວ້ 2.599 ໂດ​ລາ​ສະ­ຫະ­ລັດ (ແຜນ­ການ 2.536 ໂດ​ລາ) ສ່ວນ​ການ​ຜະ­ລິດ​ຂອງ​ຂະ­ແໜງ­ການ​ເສດ­ຖະ­ກິດ ແລະ ບໍ­ລິ­ການ​ຢູ່​ພາຍ​ໃນ​ປະ­ເທດ ໂດຍ​ສະ­ເພາະ ຂະ­ແໜງ​ກະ­ສິ­ກຳ ແລະ ປ່າ­ໄມ້ ໂດຍ​ລວມ​ຄາດ​ວ່າ​ຈະ​ມີ​ອັດ­ຕາ​ການ​ເຕີບ​ໂຕ​ຫຼຸດ​ແຜນ­ການ ໂດຍ​ຈະ​ສາ­ມາດ​ບັນ­ລຸ​ໄດ້​ພຽງ 2,5% ຈາກ​ແຜນ­ການ 2,8% ເນື່ອງ​ຈາກ​ເນື້ອ­ທີ່​ການ​ຜະ­ລິດ 90.670 ເຮັກ­ຕາ ເສຍ​ຫາຍ​ຈາກ​ໄພ​ທຳ​ມະ​ຊາດ ມູນ​ຄ່າ​ຫຼາຍ​ກວ່າ 1.261,6 ຕື້​ກີບ ຂະ­ແໜງ​ອຸດ­ສາ­ຫະ­ກຳ ຄາດ​ວ່າ​ຈະ​ເພີ່ມ​ຂຶ້ນ 7,7% ແຕ່​ຫຼຸດ​ແຜນ­ການ​ວາງ​ໄວ້ 1,4% ຍ້ອນ​ຜົນ​ກະ­ທົບ​ຈາກ​ປັດ­ໃຈ​ພາຍ​ນອກ ເປັນ­ຕົ້ນ ລາ­ຄາ​ແຮ່​ທາດ ແລະ ໄຟ­ຟ້າ​ທີ່​ຍັງ​ບໍ່​ປັບ​ໂຕ​ດີ​ຂຶ້ນ ສິນ­ຄ້າ​ສົ່ງ​ອອກ​ບໍ່​ສູງ ເຊິ່ງ​ການ​ຜະ­ລິດ​ໄຟ­ຟ້າ​ຄາດ​ວ່າ​ເພີ່ມ​ຂຶ້ນ​ປະ­ມານ 7,5% ໃນ​ປີ 2018 ຫຼຸດ​ລົງ 32,4% ໃນ​ປີ 2017 ຂະ­ແໜງ​ແຮ່​ທາດ​ຍັງ​ສືບ­ຕໍ່​ຕິດ​ລົບ 0,3% (ປີ­ຜ່ານ­ມາ​ຕິດ​ລົບ 4,3%) ຂະ­ແໜງ​ກໍ່­ສ້າງ ເພີ່ມ​ຂຶ້ນ 21,9% ຍ້ອນ​ຫຼາຍ​ໂຄງ­ການ​ໃຫຍ່​ມີ​ຄວາມ​ຄືບ​ໜ້າ​ດີ ໂດຍ​ສະ­ເພາະ ໂຄງ­ການ​ກໍ່­ສ້າງ​ທາງ​ລົດ­ໄຟ​ລາວ-ຈີນ ປັດ­ຈຸ­ບັນ​ຄືບ​ໜ້າ​ຫຼາຍ​ກວ່າ 40%.
#insidelaos
#ອິນ​ໄຊ​ລາວ
Cr.Vientianeai
https://uppicimg.com/

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.