ລັດຖະບານ ຈະໄດ້ກວດກາຄືນບັນຫາ ພະນັກງານ-ລັດຖະກອນ ເຫລືອບໍ່ພໍ, ຄົ້ນຄວ້າດຸນດ່ຽງ ຈາກບ່ອນເຫລືອໄປສູ່ບ່ອນທີ່ຍັງຂາດເຂີນ, ຫັນພະນັກງານ-ລັດຖະກອນ ຈາກສູນກາງລົງຊ່ວຍທ້ອງຖິ່ນໃຫ້ຫລາຍຂຶ້ນ, ຍົກສູງຄຸນນະພາບ ແລະ ປະສິດທິພາບ ຂອງພະນັກງານລັດຖະກອນ ເພື່ອສ້າງໃຫ້ເຂົາເຈົ້າ ໃຫ້ມີປະສົບການຕົວຈິງ ແລະ ເຕີບໃຫຍ່ ຈາກວຽກຮາກຖານກາຍເປັນພະນັກ ງານທີ່ມີຄຸນນະພາບ ແລະ ສາມາດເຮັດວຽກຮັບໃຊ້ປະຊາຊົນຢ່າງແທ້ຈິງ. ພ້ອມກັນນີ້, ກໍຈະສ້າງເງື່ອນໄຂໃຫ້ຜູ້ຈົບການສຶກສາໃໝ່ ໄດ້ປະກອບອາຊີບ ດ້ວຍຕົນເອງ ເຊັ່ນ: ຄ້າຂາຍ, ການຜະລິດທຸລະກິດ ແລະ ວິຊາຊີບອື່ນໆ ໃຫ້ຫລາຍຂຶ້ນ. 


ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຊີ້ແຈງບັນຫາດັ່ງກ່າວ, ຕໍ່ບັນດາສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII, ໃນວັນທີ 28 ພະຈິກ 2018 ທີ່ຫໍປະຊຸມສະພາແຫ່ງຊາດ ນະຄອນຫລວງວຽງຈັນ, ໂດຍກ່າວວ່າ: ລັດຖະບານ ໄດ້ເປັນເອກະພາບ ແລະ ຕັດສິນໃຈຈັດສັນໂກຕ້າພະນັກງານ ລັດຖະກອນໃໝ່ປະ ຈຳປີ 2019 ພຽງ 1.500 ຄົນ, ເຊິ່ງເປັນຈຳນວນໜ້ອຍກວ່າປີຜ່ານມາ, ໂດຍຈະໃຫ້ບູລິມະສິດແກ່ແພດໝໍ,ຄູ-ອາຈານ, ວິຊາການສົ່ງເສີມການຜະລິດ ແລະ ອື່ນໆ, ແຕ່ຍັງຈະໄດ້ຕິດຕາມກວດກາຕື່ມ ເພື່ອແກ້ໄຂປະກົດການຫຍໍ້ທໍ້ ໃນການຈັດແບ່ງໂກຕ້າທີ່ມີຈຳກັດ ໃຫ້ໄປເຖິງເປົ້າໝາຍທີ່ຈຳເປັນແທ້.

#insidelaos

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

Cr.KPL

Hits: 4

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້