Monday, July 22, 2024
Lenovo

ເປີດຕະຫລາດນັດລົດລາຄາຖືກ ຄັ້ງທຳອິດ ທີ່ນະຄອນຫລວງວຽງຈັນ ສານ​ຝັນສຳ​ລັບ​ຄົນ​ມີ​ເ​ງິນ​​ໜ້ອຍ!

ບໍລິສັດ ໂອໂຕເວີດ (KOLAO Development Co.,Ltd)  ໄດ້ຈັດງານຕະຫລາດນັດ ລົດລາຄາຖືກຄັ້ງທຳອິດ  ຂຶ້ນທີ່ຄິວລົດສາຍໃຕ້ເກົ່າ ບ້ານພະຂາວ ເມືອງ ໄຊທານີ  ນະຄອນຫລວງວຽງຈັນ ເຊິ່ງເລີ່ມແຕ່ເວລາ 9:00-21:00 ໂມງ ພ້ອມໂປຣໂມຊັນພິເສດ  ຫລຸດສູງສຸດ 50% ຫລື 50 ລ້ານກີບ,  30 ລ້ານກີບ, 25 ລ້ານກີບ, 20 ລ້ານກີບ ແລະ ອື່ນໆ  ຫລາກຫລາຍ ທາງເລືອກ ໃຫ້ກັບລູກຄ້າ. ຕະຫລາດນັດຄັ້ງນີ້ ແມ່ນຈະເປີດຂາຍໃນໄລຍະ ເວລາສາມເດືອນ(8/12/2018-08 /03/2019),  ແຕ່ຖ້າຫາກມີຄວາມຮຽກຮ້ອງຕ້ອງການ ຈາກສັງຄົມຢ່າງກວ້າງຂວາງ ທາງບໍລິສັດອາດຈະຂະຫຍາຍວັນເວລາເພີ່ມຕື່ມ.

ທ່ານ ເອກະໄຊ ໄຊຍະວົງ ຜູ້ອຳນວຍການພະແນກການຂາຍ  ແລະ ບໍລິຫານ ໃຫ້ຮູ້ວ່າ:  ງານຕະຫລາດນັດລົດລາຄາຖືກ ແມ່ນກິດຈະກຳທີ່ມອບຄວາມສຸກ  ໃຫ້ກັບບັນດາລູກຄ້າ ດ້ວຍຜະ ລິດ ຕະພັນ  ຫລາກຫລາຍຂອງໂຄລາວ ແລະ ໂປຣໂມຊັນສຸດພິເສດ  ສົ່ງທ້າຍປີເກົ່າຕ້ອນຮັບປີໃໝ່.  ຜະລິດຕະພັນ ທີ່ທາງບໍລິສັດໄດ້ຈັດກຽມໄວ້ໃຫ້ລູກຄ້າ  ລວມມີລົດຫລາຍຍີ່ຫໍ້ເປັນຕົ້ນ  ລົດເກຍ, ຮຸນໄດ, ມິຊູບິຊິ, ລົດຈັກໂຄລາວ ທັງລົດໃໝ່ ແລະ ລົດມືສອງ. ນອກນີ້,  ໂຄລາວ ຍັງມີຜະລິດຕະພັນ ເຄື່ອງໄຟຟ້າ,  ເຟີນິເຈີ ແບບທັນສະໄໝ, ພິເສດລົດຍີ່ຫໍ້ BMW  ກໍໄດ້ເຂົ້າມາຮ່ວມງານເຊັ່ນດຽວກັນ.  ພິເສດ ອີກສຸດໆຊື້ລົດໃນງານຈະໄດ້ຮັບສາຍຄໍຄຳ,  ລົດຈັກ, ຫລື ມືຖື ແລະ ອື່ນໆ.  ນອກນັ້ນ ຜູ້ທີ່ມາຮ່ວມງານຍັງມີໂອກາດຊີງໂຊກທຸກໆວັນ  ແລະ ລາງວັນສູງສຸດແຕ່ລະເດືອນລົດຈັກ  Big bike GT 250 ແລະ ຊີງໂຊກລາງວັນໃຫຍ່ ລົດເກັງ ຮຸນໄດ  ແລະ ອີອອນ.

ພາຍໃນງານ ທາງບໍລິສັດ ຍັງໄດ້ຮ່ວມມືກັບ  ກະຊວງໂຍທາທິການ ແລະ ຂົນສົ່ງ ເພື່ອປ່ຽນໃບຂັບຂີ່  ເປັນພາສາອັງກິດ(ໃບຂັບຂີ່ສາກົນ)  ໃຫ້ແກ່ລູກຄ້າ ແລະ ປະຊາຊົນທົ່ວໄປທີ່ມາຮ່ວມງານນີ້,  ມີຄອນ ເສີດ ທັງສິລະປິນລາວ  ແລະ ປະເທດເພື່ຶອນບ້ານທີ່ໂດ່ງດັງ ເຊັ່ນ: ກ້ອງ ຫ້ວຍໄຣ່  ແລະ ຕ່າຍ ອໍຣະໄທເຂົ້າຮ່ວມນຳດ້ວຍ.

#insidelaos

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.