ສິດຖາກາລິຍະ ໝໍເຖົ້າອາຈານບູຮານລາວ ທ່ານກ່າວໄວ້ວ່າ ເມື່ອມີການແຕ່ງດອງ ກໍຈະຕ້ອງມີການປູບ່ອນນອນ ແລະການຈູງແຂນຄູ່ບ່າວສາວເຂົ້າບ່ອນນອນ ພາຍຫຼັງຈາກການສູ່ຂວັນຈົບລົງ ການປູບ່ອນນອນ ແລະການຈູງແຂນເຂົ້າສູ່ບ່ອນນອນນັ້ນ;
ທ່ານຖືເອົາການປູແລະຈູງແຂນເຂົ້າບ່ອນນອນເປັນຫຼັກ ກ່າວຄື ທ່ານໃຫ້ເອົາຄູ່ແຕ່ງດອງ ທີ່ມີອາຍຸຫຼາຍ, ມີສິນທຳ ຫຼືຄວາມປະພຶດດີ, ມີສຸຂະພາບດີ ທັງຜົວ ແລະເມຍ ມີລູກເຕົ້າຫຼາຍ ມີຖານະດີ ແລະເປັນຜູ້ນຳຊຸມຊົນດ້ວຍຍິ່ງເປັນການດີ. ສຳລັບວັນທີ່ປູບ່ອນນອນນັ້ນ ກໍໃຫ້ປູໃນວັນແຕ່ງດອງນັ້ນເອງ, ເພາະວ່າເປັນວັນຫົວຮຽງ (ຄຽງ) ໝອນ ເຊິ່ງດີຢູ່ແລ້ວ ຈະປູລ່ວງໜ້າ ແລະປູພາຍຫຼັງການແຕ່ງດອງ ແມ່ນບໍ່ໄດ້.
#insidelaos
#ອິນໄຊລາວ
ເອກະສານອ້າງອີງ: ຕຳລາມໍລະດົກອິສານ ໂດຍ ອ.ຈ ສະວິງ ບຸນເຈີມ ປ.ທ 9