ຢູ່ສະໂມສອນແຂວງຫລວງນໍ້າ ບໍລິສັດຊົງຊີງ ຊີງໂສ້ຟູ ພັດທະນາເຕັກໂນໂລຊີ ຈຳກັດ ໄດ້ເຜີຍແຜ່ຮູບແບບການບໍລິການ, ການຄ້າທາງເອເລັກໂຕນິກ ແລະ ບໍລິການສຳລະເງິນຜ່ານ ລະບົບເອເລັກ ໂຕຣນິກຜ່ານໂທລະ ສັບສະມາດໂຟນ ເພື່ອນຳສະເໜີໃໝ່ໃນການຊຳລະເງິນຄ່າບໍລິການຕ່າງໆ ທີ່ສະດວກສະບາຍ ໂດຍບໍ່ຕ້ອງຖືເງິນສົດ.
ທ່ານ ໂຈວຫຍິງ ຜູ້ອຳນວຍການໃຫຍ່ ບໍລິສັດຊົງຊີງ ຊີງໂສ້ຟູ ພັດທະນາເຕັກໂນໂລຊີ ຈຳກັດ ໄດ້ກ່າວວ່າ: ໂດຍເຫັນໄດ້ເຖິງຄວາມສຳຄັນ ໃນການດຳລົງຊີວິດ, ຕິດພັນກັບການເປັນຢູ່ຂອງປະຊາຊົນ ພາຍໃນແຂວງຫລວງນ້ຳທາ ເຊິ່ງເປັນແຂວງໜຶ່ງ ທີ່ມີເສດຖະກິດຂະຫຍາຍຕົວ ດ້ວຍການຄ້າຂາຍ, ການຮ່ວມມືດ້ານການຄ້າທາງເອເລັກໂຕຣນິກ ພາຍໃຕ້ໂຄງການ ໜຶ່ງແລວໜຶ່ງເສັ້ນທາງ ເຊິ່ງການຄ້າຂາຍຢູ່ພາຍໃນແຂວງ ຍັງໃຊ້ຮູບແບບໃຊ້ຈ່າຍເງິນສົດ, ປະຊາຊົນຍັງມັກຖືເງິນ ສົດ.
ສະນັ້ນ ທາງບໍລິສັດຈຶ່ງໄດ້ ສະເໜີການຄ້າຂາຍ ທາງດ້ານເອເລັກໂຕຣນິກ ທີ່ສາມາດສ້າງຄວາມສະດວກສະບາຍໃຫ້ແກ່ສັງຄົມ ແລະ ອຳນວຍຄວາມສະດວກໃຫ້ປະຊາຊົນ, ພໍ່ຄ້າຊາວຂາຍ ໃຫ້ຫັນມາທົດລອງໃຊ້ຈ່າຍ ແບບບໍ່ຖືເງິນສົດ ໂດຍການໃຊ້ຈ່າຍຜ່ານລະບົບມືຖື, ລະບົບເອທີເອັມ (ATM), ທັງເປັນການພັດທະນາວຽກງານໄປສະນີ, ໂທລະຄົມ ແລະ ການສື່ສານ ທີ່ທັນສະໄໝ ວ່ອງໄວ ເພື່ອພັດທະນາເສດຖະກິດ-ສັງຄົມ ເຮັດໃຫ້ປະເທດຊາດຮັ່ງມີເຂັ້ມແຂງສີວິໄລ.
ທີ່ມາ: ຂປລ
Hits: 10
